San Juan 17:21 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²¹ Allochña allowenetpaꞌ parrokmatetchaꞌ ateth pepena pha Apa eꞌñe peparrokmatennana ñamha napaꞌ eꞌñe neparrokmatennapha. Allochña ñetpaꞌ oꞌch eꞌñe parrokmaterryet eꞌñe parro epay. Atthochña acheñeneshaꞌña arr patsropaꞌ ñetñapaꞌ eñoteretchaꞌ pha ñeñtheph nellsenserreꞌ.

San Juan 17:21 Iomraidhean Croise

San Marcos 3:24

Ateth ñerraꞌm patherr amhchaꞌtareth ñerraꞌm xho elloptannena poeyochreshaꞌ ñeñthña attho amhchaꞌtarethtena xhach wañerrets amach alloꞌna womenkatneno.

San Juan 10:16

Eñall poꞌpoñexhño ñeñthchaꞌ necarneror neperr, ñetpaꞌ ama parrokmateneto arr alloꞌtsen ñeñth necarneror nepen theꞌ. Añ poktetsa oꞌch nerranetaꞌ atthoch eꞌmhñoterrnanet neñoñ, allochñapaꞌ oꞌch eꞌñe parrokmaterret. Poesheñarrana ñeñthenchaꞌ kowamperrawet.

San Juan 10:30

Napaꞌ eꞌñe parro atthekman epan ña.

San Juan 10:38

Tharraña attho poꞌñoxh norrtateññañ poꞌpartsoña amaꞌt ñeñthapaꞌ sameꞌñya, amaꞌt napaꞌ ama ameꞌñoyen sentenno. Atthochña poꞌñoxh xhaponasa seyoxhro attho Apapaꞌ eꞌñe parrokmatenna, napaꞌxhoꞌña neparrokmaten epan Apa.

San Juan 11:42

Ñewa, napaꞌ neñoteñ xhokma peꞌmhñotenen. Añña acheñeneshaꞌ ñeñth thomxhaꞌtets arr ñokpoet neparasyosoꞌteneph allochñapaꞌ atthoch eñotenpet pha ñeñtheph nellsenseneꞌ.

San Juan 13:32

Attho napaꞌ nekowentaterrñañ Nompor Parets, ñapaꞌxhoꞌña kowentaterrnanchaꞌ na, ñeñthpaꞌ eꞌñech mametholla oꞌch eꞌñe kowentaterrnan.

San Juan 13:35

Allochñapaꞌ eꞌñe semorrentannaꞌteñothpaꞌ eñotasetchaꞌ sapaꞌ sa eꞌñe poꞌñoxh neyochreshas.

San Juan 17:11

‘Theꞌña nokoppaꞌ oꞌ xherrmoch eꞌñech ñeñtheshaña añe patsroꞌtsenen tharroꞌmar napaꞌ oꞌch alla awerren pesho. Tharraña ñetpaꞌ alloꞌtsenaretach arr patsro. Pha Apa Partso, pekwamphsepaꞌch allowen ñeñth neyochreshaꞌ pephatenen. Pewamenkothchaꞌña pekwamphsanet. Allochña ñetpaꞌ oꞌch eꞌñe parrokmatet eꞌñe ateth yepena yamha.

San Juan 17:18

Attho pha pemñan na arr patsro, theꞌña napaꞌ oꞌch nemñanet ñamet atthoch serrpareꞌtatyeset acheñeneshaꞌ arr patsro.

San Juan 17:20

‘Tharraña amach eꞌñe añekpa nemaꞌyocho ñeñth eꞌñe neyochreshaꞌ nepen theꞌ, añekpaꞌnachña nemaꞌyochampesnoma allowen ñeñthchaꞌ nameꞌñerraya tsapathoneth eꞌñe neyochreshaꞌ poꞌñoñoth.

San Juan 17:25

Apa, pha ñeñtheph eꞌñe pokteꞌ es pets, acheñeneshaꞌ ñeñth ama ameꞌñetso arr patsro ñetpaꞌ ama eñotenpeto. Nañapaꞌ eꞌñe poꞌñoxh neñoteneph. Añña ñeñth eꞌñe neyemtenaya ñetñapaꞌ eñotenpet phapaꞌ pha nellsenseneꞌ.

San Juan 17:3

Añmapaꞌ ñeñthña alloch ñetpaꞌ korretsetach thayotheñ eꞌñe errponañowen ñerraꞌm esempo eñoterrpet pha ñeñtheph phapoeth eꞌñe poꞌñoxh Yomporetets ñamha ñerraꞌm eñoterrnet na ñeñthen Jesucristo pha pellsensaren.

San Juan 17:8

Napaꞌ añña neꞌñorenanet ñeñth ateth photenen pha. Theꞌña ñetpaꞌ eꞌñe kowen ameꞌñennet. Ñamha eꞌñe poꞌñoxh eñoteñet napaꞌ eꞌñe peshoth nowapa, pha ñeñtheph nellsenserreꞌ.

San Juan 3:17

Yomporpaꞌ amakaꞌye añekpayeꞌ moeñanoña Poechemer arr patsro atthoch moeñosan acheñeneshaꞌ koñcheñtso. Ñapaꞌ añekopña moeñe atthoch ñach aꞌkeshphatoseꞌña acheñeneshaꞌ arr patsro.

San Juan 5:23

Allochñapaꞌ atthochña allowenet mechaꞌnaꞌtennetchaꞌ namha ñeñthen Poechemeren eꞌñe ateth mechaꞌnaꞌtennanet Nompor Parets. Ñerraꞌm eseshaꞌ ama nemhchaꞌnaꞌtenaye na ñeñthen Poechemeren, Nomporeꞌnakaꞌyeña ama mechaꞌnaꞌteneto ñeñth nellsenseneꞌ.

Los Hechos 2:46

Patheꞌtets yethpaꞌ oꞌch awanenet eꞌñe parro Parets paꞌpakllo. Errothenopaꞌ poeyerpoeñothet Jesús oꞌch tomaꞌntacheteꞌth pan ateth ñerraꞌm Jesús poꞌchets. Ñamha xhokmach rrallmeꞌchapretannaꞌteteꞌth paꞌpaklleto. Eꞌñe poksheñeshet poeyoxhretopaꞌ xhokmach rrallmeꞌcheteꞌth. Allempopaꞌ nanak amoerañterret.

Los Hechos 4:32

Allempotheñña ñet ñeñthet ameꞌñatseteꞌthpaꞌ oꞌ parrokmatwet eꞌñe kowen. Eꞌñe parra kothaphñats anmoeteꞌth poeyoxhreto ñeñth amoerañtetsa. Ama eseshayeꞌ otatseꞌthe ñeñthpaꞌ ñapthetach es oꞌpatet, añña xhokma apannaꞌtyeseteꞌth ñerraꞌm eseshaꞌ es palltatseꞌth.

Romanos 12:5

Ñamha atthekma yepena alloweney ñeñthey ameꞌñenaya Cristo. Amaꞌt shonteyeñ ñamha amaꞌtchaꞌ poꞌpoñeꞌttsokma yethorraꞌyesa ñokoppaꞌ ñañapaꞌ eꞌñech pathrra enteney, ateth ñerraꞌmrratheꞌ eꞌñe poꞌchets peney. Atthochña eꞌñech yeparrokmaten eꞌñe poesheñaꞌttsoy epay Cristo. Atthoña eꞌñe yeparrokmateñoth Cristopaꞌ oꞌch yeparrokmatwawa alloweney ñeñthey ameꞌñenaya Cristo.

1 Corintios 1:10

Theꞌpaꞌ oꞌch masheñneshachaꞌ ñamha noxhaneshachaꞌ notas ñeñthchaꞌ ateth sepha, eꞌñech pathrra sokthapeꞌch allowenes. Amach alloꞌna sokthapeꞌchyesatsto poꞌpoñeꞌttsokma. Eꞌñech pathrra kothaphñats sokthapeꞌch allowenes; erraꞌtsen sokthapeꞌchpaꞌ ñeñthach kowen sent allowenes. Eꞌñe pathrra sokthaphñothpaꞌ oꞌch separrokmatwa allowenes. Eꞌñe yameꞌñeñoth Yepartseshar Jesucristo ñeñthoꞌmarña notenes ñeñthchaꞌ ateth sepha.

1 Corintios 12:12

Ñatoꞌ oꞌch netmaꞌntacha ñeñth ateth yexhkëna yechets. Ñewa, allemeñ yechetspaꞌ amaꞌtchaꞌ ellopaꞌtetstenañpaꞌ tharraña allowenpaꞌ eꞌñe pathrra yechtsoth. Atthekma yepena yamha alloweney ñeñthey ameꞌñaꞌyenaya Cristo. Amaꞌt shonteyeñ poꞌpoñeꞌttsokmaypaꞌ tharraña eꞌñe yameꞌñeñoth Cristopaꞌ oꞌch yeparrokmatwawa alloweney.

1 Corintios 6:17

Tharroꞌmar eꞌñe yeparrokmateñoth Yepartsesharpaꞌ epsheñoꞌmareypaꞌ eꞌñech pathrra yokthapeꞌchen yeyoxhro ñeñth yekamkëñekop.

Gálatas 3:28

Ñamha theꞌpaꞌ eꞌñe yeparrokmateñoth epay Cristo, Yomporpaꞌ ama poꞌpoñeꞌttsokmayeꞌ entenye, eꞌñe atthekma enteney alloweney, amaꞌt judioneshaꞌ, amapaꞌ ñeñth ama judioneshayaye, amapaꞌ ñeñth atarwasatareth eꞌñe attha, amapaꞌ ñeñth ama atarwasataretheye eꞌñe attha. Eꞌñe atthekma enteney alloweney amaꞌt asheñorrey, amaꞌt ñamha koyaneshaꞌ. Tharraña Yomporpaꞌ eꞌñe atthekma enteney. Tharroꞌmar eꞌñe yeparrokmateñoth epay Cristo Jesús eꞌñe poesheñaꞌttsoypaꞌ oꞌch eꞌñe yeparrokmatwa alloweney eꞌñe parro.

Filipenses 1:27

Theꞌpaꞌ añach notas, xhokmoepaꞌch sokrra eꞌñe kowen ñeñth ateth yorrtaten ñeñthey ameꞌñenaya Cristo poꞌñoñ. Allochñapaꞌ ñerraꞌm machayotha nabhcherrsaꞌ amapaꞌ ñerraꞌm amaꞌtchaꞌ ama yabhchannerropaꞌ eꞌñepaꞌchña kowen neꞌmareꞌtenes attho eꞌñe womenk sepen seyoxher atthoch eꞌñe pathrra sokthapeꞌchen. Ñamha oꞌch neꞌmareꞌtas attho sapaꞌ semaꞌyoxhrena allowenes parro atthoch semoñena añ kowen ñoñets alloch yekeshperra.

1 San Juan 1:3

Allochñapaꞌ atthoch alloweney yeparrokmaterr epay Yompor Parets ñamha Poechemer ñeñth Jesucristo.

1 San Juan 5:7

Ñamha eñall maꞌpa ñeñth poeꞌntañoꞌtsen ñeñthña yeñotateneꞌña ya. Ñeñthpaꞌ Yompor Parets ñamha poꞌñoñ ñamha Poekamkëñ. Ñetpaꞌ amaꞌt maꞌpoꞌmaret eꞌñe pathrra ateth petsa.