San Juan 17:12 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹² Allempotheñ eꞌñe parroꞌtseney phoña pewamenkoth nekwamphsaneteꞌth. Napaꞌ xhokma nemoñenanet. Ñeñthoꞌmarña amaꞌt poesheñarrotheta ñetpaꞌ ama naꞌchenkataneto, ñapthaña chenka añ ñeñth oꞌpatena chenkëñets. Ñeñthpaꞌ atthochña Apa etsoterra peñoñ ñeñth anwareth awathotheñ.

San Juan 17:12 Iomraidhean Croise

San Juan 13:18

‘Ama allowenakpayaysoyeꞌ neñeno. Napaꞌ neñotenes eꞌñe poesheñaꞌttsospaꞌ ateth sokthapeꞌchyen seyoxhro. Amaꞌt neñotensoñ attheseñpaꞌ tharraña eꞌñe attha naꞌkrerres allochñapaꞌ atthoch etsoterra Yompor poꞌñoñ ñeñth ateth anwareth nokop awathotheñ, ñeñthpaꞌ ateth oten: “Ñeñth parro yerrallmeꞌchenpaꞌ ñepaꞌtchaꞌña tanterrtsa nokop.”

San Juan 17:6

‘Allowen acheñ ñeñth neyochreshaꞌ pephatenen nañapaꞌ añ neñotatenanet ñeñth ateth pepena pha tharroꞌmar ñetpaꞌ ñeñthet eꞌñe allpona phoꞌpatatna arr patsro. Ñetñapaꞌ pepaꞌtña oꞌpatenawet ñeñthchaꞌ neyochreshaꞌ pephaten namha. Theꞌña ñetpaꞌ eꞌñe ameꞌñerrnapet peñoñ.

San Juan 18:9

Ñeñthpaꞌ tharroꞌmar ateth ot allochñapaꞌ atthoch etsota Jesús poꞌñoñ ateth oꞌ otwanom: “Ñeñth allpon neyochreshaꞌ pephatenen napaꞌ amaꞌt poesheñarrapaꞌ amach naꞌchenkache.”

San Juan 6:37

Allowen acheñeneshaꞌ ñeñth oꞌpatatenna Apapaꞌ ñetñapaꞌ ameꞌñerrnetchaꞌ. Eseshaꞌch nameꞌñerraya ñetñapaꞌ amach alla newaporeꞌterraneto.

Los Hechos 1:25

Judasoñpaꞌ oꞌ saꞌnmoey oꞌ awoꞌ all ñeñth oꞌpatatarethtena ña eꞌñe ña poꞌchñaroth.

Filipenses 2:9

Ñeñthoꞌmarña atthothña Pomporpaꞌ oꞌ alla nanak aꞌkowentater ñamha oꞌ alla apwer ello paꞌsoꞌcheñ ñeñth nanak kowen sherbets. Ñeñthña soꞌchñetspaꞌ ello metanaꞌtwanenan allowen poꞌpoñexhno soꞌchñetsoxhno.

2 Tesalonicenses 2:3

Amaꞌt poesheñarrothesa sapaꞌ amach seꞌmhñotatstaneto amaꞌt eꞌñe errothenchaꞌ otyesaset, tharroꞌmar ñetpaꞌ atethchaꞌ shekareꞌtasetañ. Ñeñthoꞌmarña napaꞌ oꞌch notas, allempopaꞌ amakaꞌye xherraꞌ ñeñtheñpo ñeñthe yethñatsroch werra Yepartseshar, atoꞌtña atarr atonterraꞌ ñeñthchaꞌ kexhpoerreꞌ Yompor. Ñamha allempopaꞌ orrterrach poesheñarr acheñ ñeñth atarr athparñathtetsa, ñeñthpaꞌ chenkëñtsa oꞌpatenaya. Ñañapaꞌ Yomporach atarr eꞌmoñeꞌterr ñamha allowen acheñeneshaꞌ ñeñth moechatseꞌtyeneꞌ paꞌnamen ñeñth poꞌyomporer phaꞌyenet ñachña eꞌñe tanterrawet.

Hebreos 2:13

Yompor poꞌñoñ ñeñth akellkarethpaꞌ ateth oterrerr ñerraꞌmrratheꞌ Cristo oꞌ alla oterrerr: Napaꞌxhoꞌña neyemteña Yompor. Ñamha ateth oterrerr Cristo: Theꞌ arroꞌtsenen epan Nompor poechemereshaꞌ ñeñth kowamphsatenen ña.

1 San Juan 2:19

Amaꞌt awañmoꞌcha eꞌñe parrokma yapxhañeꞌth ñetña theꞌpaꞌ oꞌ awanmoet elloneth oꞌ sowanerryet tharroꞌmar poꞌñoxhpaꞌ ama allowenakmayeꞌ yeparrokmaterro. Ñerraꞌm poꞌñoxhchaꞌ allowenakmay yeparrokmaterreñ allempoña ñetpaꞌ alloꞌtsaꞌyenetañatheꞌ ñamet yesho. Tharraña theꞌña ñetpaꞌ oꞌ awanerret elloneth atthoña oꞌ yeñoterranet poꞌñoxhpaꞌ ama allowenakmayeꞌ yeparrokmaterro.

El Apocalipsis 19:12

Paꞌklloyothñapaꞌ atarr nanak aꞌrrechatañ ateth ñerraꞌmrratheꞌ tsoꞌ poꞌworter. Poñoñapaꞌ shonteꞌ poꞌchoyoꞌmh ñeñth choyoꞌmhtena. Allñapaꞌ anareth ñamha paꞌsoꞌcheñ ñeñthpaꞌ eꞌñe ñaptha eñoteñ.