San Juan 17:10 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁰ Tharroꞌmar allowen ñeñth eꞌñe nokmapaꞌ phapaꞌxhoꞌña eꞌñe phokma. Ñeñthña eꞌñe phokmapaꞌ napaꞌxhoꞌña eꞌñe nokma. Ñetña theꞌpaꞌ eꞌñe kowentatapretennet.

San Juan 17:10 Iomraidhean Croise

San Juan 10:30

Napaꞌ eꞌñe parro atthekman epan ña.

San Juan 11:4

Jesúsña eꞌmareꞌchpaꞌ ñapaꞌ ateth otapanet: —Ña amakaꞌye añekpayeꞌ atsnaꞌteno oꞌch rroma, tharrekpa ateth pena allchaꞌ norrtatoñ Yompor poꞌpartsoña, allochñapaꞌ oꞌch kowentatennanet na ñeñthen Yompor Poechemeren.

San Juan 12:23

Jesúsñapaꞌ ateth otapanet: —Theꞌña poꞌñoxhpaꞌ oꞌ etsoterra allempoch na Ñeñthen Acheñetosetspaꞌ oꞌch alla kowentaterren Nompor.

San Juan 5:23

Allochñapaꞌ atthochña allowenet mechaꞌnaꞌtennetchaꞌ namha ñeñthen Poechemeren eꞌñe ateth mechaꞌnaꞌtennanet Nompor Parets. Ñerraꞌm eseshaꞌ ama nemhchaꞌnaꞌtenaye na ñeñthen Poechemeren, Nomporeꞌnakaꞌyeña ama mechaꞌnaꞌteneto ñeñth nellsenseneꞌ.

Los Hechos 19:17

Añña allowen efesoꞌmarneshaꞌpaꞌ oꞌ eꞌmareꞌchet ateth oꞌ pet —allowen judioneshaꞌ ñamha ñeñth ama judioneshayaye. Atarr yoreꞌtanet. Allempoñapaꞌ amhchaꞌnaꞌtpoꞌ enteñet Yepartseshar Jesús.

Gálatas 1:24

Ñeñthoꞌmarña theꞌpaꞌ eꞌñe noꞌmarpaꞌ nanak ayeꞌchoxhtateññañet Yompor.

Filipenses 1:20

Ñeñthoꞌmarña eꞌñe noksheñeshaꞌ nekweñ tharroꞌmar neñoteñ amach apenkataretheno amaꞌt mamesha. Ñamha amach nemhchaꞌnañothayaya neꞌñoreno eꞌñe kowen Cristokop. Atthochña napaꞌ akshapretpoꞌ entapretennet Cristo, amaꞌt napaꞌ errothenoꞌtsenenchaꞌ amaꞌt ñerraꞌm nerroma amapaꞌ ñerraꞌm ora nokrrenmeñ. Ateth awathotheñpaꞌ theꞌpaꞌxhoꞌña atthekmoepaꞌch pena.

Colosenses 2:9

Tharroꞌmar Cristo attho acheñetos ñepaꞌtña chorrenayaña allowen Yompor poꞌpartsoña.

2 Tesalonicenses 1:10

Ñapaꞌ tharroꞌmarchaꞌ werra atthoch alloweney ñeñthey poeyochreshaꞌ pen Parets, yañapaꞌ yekowentatapoerrñañchaꞌ. Alloweney ñeñthey ameꞌñayeꞌth atarrchaꞌ yekwanrrortapoer. Saꞌnachña kowentatapoerreꞌ tharroꞌmar sapaꞌxhoꞌña sameꞌñena kowen ñoñets ñeñth yeñotatenes.

2 Tesalonicenses 1:12

Atthochña sapaꞌ eꞌñech kowen sekowentaterrñañ Yepartseshar Jesús, ñañapaꞌ kowentaterreschaꞌ samha. Ñeñthpaꞌ eꞌñe Yompor poemoereñothey ñamha Yepartseshar Jesucristo.

1 San Pedro 2:9

Tharraña sapaꞌ ama añeyayso ñeñth athpareꞌteneꞌ Yompor. Ya ñeñthey ameꞌñenaya Yomporpaꞌ atethchaꞌ enteney ñeñthey akrarethterrtsa ñokop. Ñamha atethchaꞌ enteney ñeñtheychaꞌ sherberrets Partsokop, ñeñtheychaꞌ anarethterrtsa ñokop. Ñamha eꞌñech Yomporenaꞌtar enteney. Ñeñthoꞌmarña yokoppaꞌ añ poktetsa oꞌch yorrtatyesoñ poꞌkowenña. Oꞌch yeserrpareꞌtoñ attho ñapaꞌ cheterrey chekmetoth all sosyaꞌtsañoth, theꞌñapaꞌ oꞌ xhapaterrey eꞌñe ña poꞌpoetarenño all eꞌñe kowentena ña.