San Juan 17:1 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹ Allempoña ateth otwanet añexhno Jesúspaꞌ allentha kowaꞌ enonethpaꞌ, ñeñthpaꞌ ateth otan Pompor poemaꞌyocheñoth: —Apachaꞌ, theꞌpaꞌ oꞌ xhapona allempoch etsota ñeñth nokop. Theꞌpaꞌ pekowentatonepaꞌch na tharroꞌmar Pechemer pepenen allochña napaꞌxhoꞌña nekowentatonaphchaꞌ phamha.

San Juan 17:1 Iomraidhean Croise

San Marcos 14:41

Jesúsñapaꞌ alla awerrerr maꞌyochatsa. Oꞌña maꞌyochwerraꞌpaꞌ allempoñapaꞌ alla werrerr pomaꞌpocheñowa, ateth otwerranerr poeyochreshaꞌ: —Amaꞌt themeꞌttsenpaꞌ allaꞌt semanrren; amaꞌtpaꞌ alla sames. Theꞌpaꞌ ñeñthepaꞌtha, señochepaꞌch oꞌ xhap allempoch pomataterrnet na Ñeñthen Acheñetosets atthothchaꞌ errothwanen perren ñeñth atarr ochñatheneshaꞌ.

San Lucas 18:13

Poꞌpsheñeñña ñeñth cobrets kelle ñañapaꞌ alla thomos aꞌyoth. Ñapaꞌ eñotena atarr ochñath ñeñthoꞌmarña ñapaꞌ ama kowoso enoneth Yomporeshoneth. Ña poellkëñothpaꞌ nosan pot poesomapo. Ña poemaꞌyocheñoth ateth otos: “Nompore, theꞌpaꞌ oꞌch pemorrenterrna atthoch eꞌñe pephretnaꞌwerrnan allowen noꞌchñar tharroꞌmar napaꞌ atarrkaꞌye ochñathen.”

San Lucas 22:53

Napaꞌ allponmatwanen alloꞌtsenen Parets paꞌpakllo eꞌñe parro sesho, esoꞌmareꞌtña amaña allempokmayeꞌña serrmaꞌneꞌthe. Tharroꞌmar theꞌ oꞌ xhap allempo ñeñth poktetsa sokop ñeñthoꞌmar theꞌ oꞌ xhap allempoch oneñethpaꞌ oꞌch orrtatennas poꞌwamenk, ñeñthpaꞌ eꞌñe ateth ñerraꞌm chekmeteꞌ.

San Juan 11:4

Jesúsña eꞌmareꞌchpaꞌ ñapaꞌ ateth otapanet: —Ña amakaꞌye añekpayeꞌ atsnaꞌteno oꞌch rroma, tharrekpa ateth pena allchaꞌ norrtatoñ Yompor poꞌpartsoña, allochñapaꞌ oꞌch kowentatennanet na ñeñthen Yompor Poechemeren.

San Juan 11:41

Allempoñapaꞌ aꞌrrotheꞌtet mapoeꞌ aꞌyeneth, Jesúsñapaꞌ kowaꞌ enoneth ateth ot: —Apa, neparasyosoꞌtaph tharroꞌmar theꞌ phapaꞌ peꞌmhñotenen ñeñth ateth nenamoeneph.

San Juan 12:23

Jesúsñapaꞌ ateth otapanet: —Theꞌña poꞌñoxhpaꞌ oꞌ etsoterra allempoch na Ñeñthen Acheñetosetspaꞌ oꞌch alla kowentaterren Nompor.

San Juan 13:1

Amaꞌt ama xhenaꞌ pascuapo allempoch kosherrerr judioneshaꞌ, Jesúsñapaꞌ eñoteñ eꞌñech ñeñtheshaña alloꞌtsen arr patsro oꞌch awerr Pomporesho. Ñapaꞌ xhokma atarr morrentenana allowen ñeñth poeyochreshaꞌ pen arr patsro. Ñeñthoꞌmarña allempopaꞌ eꞌñe poktakma morrentwenanet.

San Juan 16:32

Theꞌpaꞌ oꞌ eꞌñe xhapmoch sa amaꞌt poesheñaꞌttsospaꞌ oꞌ xhaponasañ xhach sematrraꞌtyesa allemeñ. Xhach sawanomyesa allchaꞌ semnaꞌyes sa. Nañapaꞌ saꞌypoꞌñaꞌwanmoenchaꞌ. Tharraña napaꞌ ama eꞌñe naptheyaye, epanña Apa.

San Juan 7:30

Allempokma atarr moeneñet oꞌch rromoetañ tharraña ama eseshaꞌ rromaye. Tharroꞌmar ama xhenaꞌ allempo ñeñth poktetsa ñokop atthoch rromoet.

San Juan 7:39

Ñewa, añ ñoñetspaꞌ añekop serrpareꞌten Yompor Poekamkëñekop ñeñthchaꞌ chorrerraya allowen ñeñthchaꞌ ameꞌñerraya ña. Tharraña allempopaꞌ ama aparethtenetaꞌ Yompor Poekamkëñ, tharroꞌmar Jesúspaꞌ ama xhenaꞌ allempoch alla awerr Yompor poeꞌntaño allchaꞌ eꞌñe kowentaterrñañet.

San Juan 8:20

Allempopaꞌ ateth otanet Jesús all allekma aññoꞌtenet kelle ñeñth Yomporekop allempo yexhatanet allara Parets paꞌpakllo. Tharraña amaꞌt poesheñarra ama eseshayeꞌ rromaye tharroꞌmar ama xhenaꞌ allempoch ñeñth poktetsa ñokop oꞌch rromoet.

Los Hechos 3:13

Añchaꞌña oꞌch notas: Añmapaꞌ Yompor orrtateneꞌ ñeñth oꞌ sentwa. Añña Yomporpaꞌ ñeñthara Poꞌyomporer peꞌth amaꞌt Abraham ñamha Isaac ñamha Jacob, ñamha allowen yatañneshañ. Yomporpaꞌ eꞌñe pokteꞌ eñch oꞌch kowentatan Poechemer Jesús. Ñeñthoꞌmarña oꞌ orrtatonas ñeñth oꞌ sentwa. Tharraña sa ñeñthara Jesúspaꞌ oꞌ sepomwe. Amaꞌt allempo Pilatopaꞌ pokteꞌ enteñeñ oꞌch aꞌrroyereñ, tharraña sañapaꞌ xha saꞌnasotampesya allowenes.

1 San Pedro 1:21

Yameꞌñeñoth Cristopaꞌ oꞌch yeyemterrñaña Pompor, tharroꞌmar Pomporpaꞌ oꞌ tantater amaꞌt oꞌ rromwa. Tantater atthoch alla eꞌñe kowentater Pompor. Ñeñthoꞌmarña theꞌ yapaꞌ oꞌch yeyemcha Yompor, oꞌch yekwameꞌtoñ ñeñth oꞌpatatenya.