San Juan 16:8 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁸ Ñerraꞌm esempoch wapa Yompor Poekamkëñ acheñeneshaꞌña arr patsropaꞌ ñachña xhapatawetña poeyoxhreto atthoch eñochet ñet poꞌñoxhepaꞌt eñallet poꞌchñaret. Ñamha añchaꞌña xhapatanet poeyoxhreto ñeñth eꞌñe pokteꞌ entyen Yompor. Ñamha añchaꞌña xhapatanet poeyoxhreto atthoch ñetpaꞌ eñoteretchaꞌ poꞌñoxhpaꞌ koñcheñtsach amñarethterret ñeñth ama nameꞌñenayo na ñeñthen Yompor Poechemeren.

San Juan 16:8 Iomraidhean Croise

San Juan 16:7

Theꞌpaꞌ añ notenes ñeñth eꞌñe poꞌñoxh. Sokoppaꞌ aña nanak poktetsa napaꞌ oꞌch awerren. Tharroꞌmar ñerraꞌm amach neserro amatheꞌ errothenoth waponasoña Yompor Poekamkëñ ñeñthchaꞌ sokthapeꞌchaterreꞌ kowen. Tharraña ñerraꞌm neserrchaꞌ napaꞌ añchaꞌ nemñawerrnas Yompor Poekamkëñ ñeñthchaꞌ sokthapeꞌchaterreꞌ kowen seyoxhro.

San Juan 16:9

Yompor Poekamkëñpaꞌ eñotaterranchaꞌ acheñeneshaꞌ poꞌñoxh ñetpaꞌ ama pokteyeꞌ entenaneto Yompor tharroꞌmar ama ameꞌñenneto na ñeñthen Yompor Poechemeren.

San Juan 8:46

Amaꞌt poesheñarrothesa sa, napaꞌ amach errothenoth sotno napaꞌ eñalloꞌ noꞌchñar. Attho napaꞌ añ notenes ñeñth eꞌñe poꞌñoxh esoꞌmareꞌtña sañapaꞌ ama sameꞌñenno.

San Juan 8:9

Ñetñapaꞌ oꞌ eꞌmet ateth otanet Jesúspaꞌ eꞌñe akophotheñ awanemwerret eꞌñe poesheñaꞌttset. Añ ñanom awanerrtsa poꞌnmeneshaxhno, atthothapaꞌ oꞌ ñapthamha Jesús epoet koyaneshaꞌ.

Los Hechos 2:37

Allempoñapaꞌ ñeñth matrraꞌtatsa allpaꞌ oꞌ xhapanet poeyoxhro añ ñoñets. Nanak llekanrrortet. Ateth ochet Pedro ñamha poꞌpotantañexhno Jesús poellsensar. Eꞌñe poellkëñothet ateth otet: —Masheñneshachaꞌ, errothenwachkaꞌye yeperraña theꞌ.

1 Corintios 14:24

Tharraña ñerraꞌm esempoña saꞌpothen allowenes Yompor poꞌñoñ eꞌñe eñotoxhen ñerraꞌm allempoña wapa ñeñth ama ameꞌñetso amapaꞌ ñeñth errteꞌ eꞌmhñotetspaꞌ ñeñthña ateth seserrpareꞌten Yompor poꞌñoñpaꞌ ñatoꞌ allowenetpaꞌ oꞌch xhapanet poeyoxhro, oꞌch eñotet ñañeñeta ñeñth ateth kothapeꞌchyenet ñetpaꞌ ñeñthpaꞌ ama pokteyaye Yomporekop.

San Judas 1:15

Werrach allochñapaꞌ oꞌch entwerran allowen acheñeneshaꞌ ñatoꞌ kowenettheꞌ ñatoꞌ amatheꞌ kowenayayeto. Allowen ñeñthchaꞌ ama kowenayeꞌ entwerro Yompor, ñetñapaꞌ amñarethterretchaꞌ koñcheñtso. Atthochña tsaꞌtatwerrana allowen ochñatheneshaꞌ ora allpon phatseꞌtyeseteꞌth ñeñth ama pokteyeꞌ enteno Yompor Parets amaꞌt mamesha. Ñamha atethchaꞌ tsaꞌtatwerranet ora allpon attho sasareꞌcheteꞌth Yompor eꞌñe pachmhareꞌteñothet.” Arrpaꞌ allowa wañ ñeñth ateth eñoseꞌth Enoc awath.