San Juan 16:7 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁷ Theꞌpaꞌ añ notenes ñeñth eꞌñe poꞌñoxh. Sokoppaꞌ aña nanak poktetsa napaꞌ oꞌch awerren. Tharroꞌmar ñerraꞌm amach neserro amatheꞌ errothenoth waponasoña Yompor Poekamkëñ ñeñthchaꞌ sokthapeꞌchaterreꞌ kowen. Tharraña ñerraꞌm neserrchaꞌ napaꞌ añchaꞌ nemñawerrnas Yompor Poekamkëñ ñeñthchaꞌ sokthapeꞌchaterreꞌ kowen seyoxhro.

San Juan 16:7 Iomraidhean Croise

San Lucas 24:49

Ñamha sa theꞌpaꞌ elloneth oꞌch ateth notnerres, poꞌñoxhkaꞌye napaꞌ nemñowerrnaschaꞌ Yompor Poekamkëñ entoth ñeñthchaꞌ eꞌñe sechorraꞌyesaya eꞌñe poesheñaꞌttsos ñeñth ateth oten Yompor ñeñthchaꞌ eꞌñe apaꞌyerres. Tharraña sañapaꞌ allasach anetso Jerusaléño, esempowach chorratasa Parets Poekamkëñ ñeñthchaꞌña awamenkath sephaꞌyesoseꞌ ñeñthchaꞌ apoerres Yompor poeꞌntañoth.

San Lucas 4:25

Napaꞌ poꞌñoxh theꞌpaꞌ añchaꞌ neyerpatasa ñeñth ateth peꞌth Elías ñeñth aꞌmhtayeꞌth Yompor poꞌñoñ awath. Ñewa, allempopaꞌ oꞌ maꞌpa char ñamha poꞌpoñ poeshmet charpaꞌ nanak chares amaꞌt mameshapaꞌ ama wateno ñeñthoꞌmarña orrta moexheñets errakmañen all anetso ñeñth Israel all yexheꞌth Elías. Ñamha amaꞌt shonteñ israelenaꞌtar ñeñth rrethorrnaneshatyets allempo, tharraña Yomporñapaꞌ ama alleyeꞌ moeñanoña Elías atthoch yenposan amaꞌt poesheñarra rrethorrnaneshaꞌ ñeñth eꞌñe pamoꞌts pen ña. Arra moeñe poꞌpoñ anetso ñeñth paꞌsoꞌcheñ Sarepta ñeñth allara Sidón alloꞌtsen poesheñarr rrethorrnaneshaꞌ, ñañapaꞌ ñeñtha yenpos.

San Lucas 9:27

Poꞌñoxhkaꞌ theꞌpaꞌ oꞌch notas: Patantaꞌttsos ñeñthes arroꞌtsaꞌyenes theꞌña amaꞌt ama serromwenaꞌpaꞌ oꞌch senterrñañ Yompor poꞌkowenña attho atarr ayochreshathterra ña.

San Juan 14:26

Tharraña Parets Poekamkëñ ñeñthchaꞌ sokthapeꞌchaterreꞌ, Apapaꞌ moeñerrnaschaꞌ eꞌñe na nesoꞌchño eꞌñe seyemteñothen na. Ñapaꞌ ñeñthchaꞌ señotaterreꞌña seyoxhro ora allowen ñeñth xhokma neyxhatenes theꞌ. Ñamha ñeñthchaꞌ seyerpaterraya allowen ñeñth ateth notyesaseꞌth.

San Juan 14:28

Theꞌpaꞌ oꞌ seꞌmwe ateth oꞌ notwas, na oꞌch awerren, ellochña alla nowerrerr sesho. Ñerraꞌm poꞌñoxh semorrentennañ oꞌtheꞌ sokshañ tharroꞌmar napaꞌ oꞌch awerren Apoesho. Tharroꞌmar ñapaꞌ nanak awamenkatheshaꞌ, ello metanenen na.

San Juan 14:3

Ñerraꞌm oꞌch awerren napaꞌ naññoꞌtwerrnaschaꞌ allchaꞌ seyxhaꞌwerra. Ellochña nowerrerrpaꞌ allempochña eꞌñe nawerrsaꞌ nesho allochñapaꞌ alloꞌtseneychaꞌ eꞌñe parro.

San Juan 15:26

‘Ñeñthchaꞌ sokthapeꞌchaterreꞌ eꞌñe kowen seyoxhro ñeñthchaꞌ nemñowerrnas Apoeshoth. Ñeñthpaꞌ ñeñthña Apa Poekamkëñ ñeñthchaꞌña señotaterreꞌña ñeñth eꞌñe poꞌñoxh Yompor pokthaphña tharroꞌmar ñeñthpaꞌ Apoeshoth wena. Ñerraꞌm esempoch xhaponasa ñachña naꞌpothoseꞌ.

San Juan 16:8

Ñerraꞌm esempoch wapa Yompor Poekamkëñ acheñeneshaꞌña arr patsropaꞌ ñachña xhapatawetña poeyoxhreto atthoch eñochet ñet poꞌñoxhepaꞌt eñallet poꞌchñaret. Ñamha añchaꞌña xhapatanet poeyoxhreto ñeñth eꞌñe pokteꞌ entyen Yompor. Ñamha añchaꞌña xhapatanet poeyoxhreto atthoch ñetpaꞌ eñoteretchaꞌ poꞌñoxhpaꞌ koñcheñtsach amñarethterret ñeñth ama nameꞌñenayo na ñeñthen Yompor Poechemeren.

San Juan 7:39

Ñewa, añ ñoñetspaꞌ añekop serrpareꞌten Yompor Poekamkëñekop ñeñthchaꞌ chorrerraya allowen ñeñthchaꞌ ameꞌñerraya ña. Tharraña allempopaꞌ ama aparethtenetaꞌ Yompor Poekamkëñ, tharroꞌmar Jesúspaꞌ ama xhenaꞌ allempoch alla awerr Yompor poeꞌntaño allchaꞌ eꞌñe kowentaterrñañet.

Los Hechos 10:34

Pedroñapaꞌ alla oterrerr: —Poꞌñoxh theꞌpaꞌ oꞌ neñoch tharroꞌmar oꞌ xhapona neyoxhro, ama ñaptha judioneshaꞌ morrentenoña Yompor.

Los Hechos 2:33

Theꞌña ñapaꞌ eꞌñe alloꞌtsen epoet Pompor Parets all partsoten ento. Pomporpaꞌ oꞌ eꞌñe apwe Poekamkëñ. Theꞌñapaꞌ añ ñeñthara Poekamkëñ oꞌ chorratya yamha ateth otnerrey awaña. Ñeñthoꞌmarña oꞌ orrtonaya ateth sentyes ñorraꞌ, ñamha ateth seꞌmyes kowen ñoñets eꞌñe sa señoño.

Romanos 8:28

Ñamha amaꞌt es yewapoya, yapaꞌ yeñoteñ Yomporpaꞌ ñach aꞌpoktateneꞌ yokop, alloweney ñeñthey morrentenaya ña, ñeñthey akrarethey oꞌch ateth yepeññañ ñeñth ateth moenen ña.

2 Corintios 4:17

Tharroꞌmar ñeñth attho allpon yemoeroxhtameꞌtyena añe patsro, ñeñthpaꞌ ama esoyaye, eꞌñe mamekpa. Ñeñthpaꞌ añekpaña wennaya allochñapaꞌ atthoch wapatwerrnay ñeñth atarr nanak kosheñets ñeñth ama awañaño amaꞌt errponaña, ñeñth ello nanak atarr koxhneshaꞌtetsa, ñeñth atarr nanak kowen.