San Juan 16:3 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³ Ñeñthpaꞌ tharroꞌmarchaꞌ ateth phaset ñetpaꞌ ama eseshayeꞌ eñotenaye Apa amaꞌt napaꞌ ama eñotenneto.

San Juan 16:3 Iomraidhean Croise

San Lucas 10:22

‘Nompor allowen poꞌkowenña eꞌñe eñotatwenen. Na ñeñthen Poechemerenpaꞌ ama poꞌñoxh eseshayeꞌ neñotenaye, ñapthaña Nompor eñotenen. Nomporpaꞌxhoꞌña ama poꞌnoxh eseshayeꞌ eñotenaye, napthaña na ñeñthen Poechemeren eꞌñe neñoteñ Nompor, ñamha erraꞌtsenchaꞌ ñeñth eꞌñe pokteꞌ nenten na ñeñthen Poechemeren ñeñthñapaꞌ oꞌch neñotater Nompor.

San Juan 15:21

Ñeñthpaꞌ atethchaꞌ perrset tharroꞌmar sapaꞌ nakaꞌye sameꞌñena tharroꞌmar ama eseshayeꞌ eñotenaye Yompor ñeñth nellsenseneꞌ.

San Juan 15:23

Ñeñthoꞌmarña ñerraꞌm eseshaꞌ neꞌmoñeꞌteneꞌ na, Nomporeꞌnaña eꞌmoñeꞌtennanet.

San Juan 17:25

Apa, pha ñeñtheph eꞌñe pokteꞌ es pets, acheñeneshaꞌ ñeñth ama ameꞌñetso arr patsro ñetpaꞌ ama eñotenpeto. Nañapaꞌ eꞌñe poꞌñoxh neñoteneph. Añña ñeñth eꞌñe neyemtenaya ñetñapaꞌ eñotenpet phapaꞌ pha nellsenseneꞌ.

San Juan 17:3

Añmapaꞌ ñeñthña alloch ñetpaꞌ korretsetach thayotheñ eꞌñe errponañowen ñerraꞌm esempo eñoterrpet pha ñeñtheph phapoeth eꞌñe poꞌñoxh Yomporetets ñamha ñerraꞌm eñoterrnet na ñeñthen Jesucristo pha pellsensaren.

San Juan 8:19

Ñetñapaꞌ ateth otereterr: —¿Erroꞌtsenaꞌtña pha Phompor? Jesúsñapaꞌ ateth oterraneterr: —Amaꞌt napaꞌ ama señotenno, Apapaꞌxhoꞌ ama señoteñe. Ñerraꞌm señotennoñ na Nomporeꞌnatheꞌ señoteneñ.

San Juan 8:55

Sapaꞌ amakaꞌye señoteñe tharraña napaꞌ neñoteñkaꞌye. Ñerraꞌm na otetseñ ama neñoteñe napaꞌxhoꞌña attheneñtheꞌ ñerraꞌm sa, xhatheꞌ neshkareꞌtensoñ. Napaꞌ eꞌñe poꞌñoxh neñoteñ ñeñthoꞌmar xhokma nokthapeꞌcheññañ poꞌñoñ.

Los Hechos 3:17

‘Theꞌña masheñneshachaꞌ napaꞌ neñotenes awaña sapaꞌ ama es sexhapoyo seyoxhro allempo semtsach Jesús. Amaꞌt ñeñth saꞌmhchaꞌtaretherneshaꞌ ama es xhapaweto poeyoxhreto ñamet.

1 Corintios 2:8

Añña amhchaꞌtarethneshaꞌ ñeñth añe patsroꞌtsaꞌyenpaꞌ ama xhapaneto Yompor pokthaphña. Ñerraꞌm xhapanetañchaꞌ awaña poeyoxhretopaꞌ amatheꞌ korsoꞌtamperetañeña Yepartseshar ñeñth atarr nanak kowen.

2 Tesalonicenses 1:8

Allempoch werrapaꞌ koñchatwerranchaꞌ allowen ñeñth ama eñotayeꞌthe Yompor ñeñth ama ameꞌñaꞌpoyeꞌ entayeꞌthe kowen ñoñets ñeñth Yepartsesharekop Jesucristo.

1 Timoteo 1:13

amaꞌt na awathpaꞌ nanak nachmhareꞌcheꞌth Cristo, ñamha nanak nokthareꞌcheꞌth ñeñth ameꞌñayeꞌth ña, ñamha nanak naꞌtserrphaꞌyesaneteꞌth. Tharraña amaꞌt ateth nepeꞌthpaꞌ Yomporpaꞌ ama koñeꞌtha morrenterrno tharroꞌmar allempopaꞌ ama es nexhenoyo neyoxhro, ñamha allempopaꞌ ama nameꞌñeꞌthe.

1 San Juan 2:23

Allowen ñeñth aꞌnasotenaya Yompor Poechemer, ñetpaꞌ Pomporeꞌnaña ama agëññañeto. Tharraña allowen ñeñth otets, Jesúspaꞌ Yomporo Poechemer ñeñth Cristotets, ñetñapaꞌ eꞌñe agëññañet Pompor.

1 San Juan 3:1

Theꞌ sapaꞌ xhosaña eꞌñe kothapeꞌcherreꞌ, Yomporpaꞌ atarrkaꞌye nanak morrentenya. Ña eꞌñe poemorrenteñothey ñapaꞌ eꞌñe poechemer peney, ñeñthoꞌmarña yapaꞌ eꞌñe poꞌñoxh Yomporenaꞌtarey. Ñeñthoꞌmarña acheñeneshaꞌ arr patsro ñeñth ama ameꞌñetso ñetñapaꞌ ama eseshayeꞌ eñotenayeña ñeñth ateth yokthapeꞌchyen Yomporekop tharroꞌmar Yomporpaꞌxhoꞌña ama eseshayeꞌ eñotenaye ñeñth ateth kothapeꞌchen ña.

1 San Juan 4:8

Ñeñthña ama amorrentñopaꞌ ñokpoetpaꞌ ama eñoteñetoña ateth penaña Yompor, tharroꞌmar Yompor ñapaꞌ ña atarr amorrentañtetsa.

1 San Juan 5:20

Yañapaꞌ yeñoteñ ñeñth Poechemer pen Yomporpaꞌ ñañapaꞌ oꞌ wapa. Ñaña yexhapaterreꞌña yeyoxhro atthochña yapaꞌ oꞌch yeñoter Yompor ñeñth eꞌñe poꞌñoxh Parets. Ñeñthoꞌmarña yeñoteñ oꞌ yeparrokmaterr epay ñeñth eꞌñe poꞌñoxh Yompor Poechemer ñeñthpaꞌ Jesucristo. Atthoña yapaꞌ oꞌ eꞌñe yeñoter Yompor ñeñth eꞌñe poꞌñoxh Parets, ñeñthña yapaꞌ allochña eꞌñe korretsayach yoksheñeshokmañen thayotheñ eꞌñe errponañowen.