San Juan 16:25 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁵ ‘Ñeñth allpon neserrpareꞌtatyesaseꞌth ñeñthpaꞌ eꞌñe tomaꞌnteñtsoxhno notyesaseꞌth. Tharraña xhapchaꞌ esempo allempopaꞌ amach alla neserrpareꞌtaterrserro tomaꞌnteñtso. Allempopaꞌ añchaꞌ neserrpareꞌtatas Apakop ñeñthpaꞌ amach tomaꞌnteñtsoyaye, allochñapaꞌ eꞌñech señotwe.

San Juan 16:25 Iomraidhean Croise

San Marcos 4:13

Jesúsñapaꞌ alla oterraneterr: —Sapaꞌ amaꞌt mameshapaꞌ areꞌt señotenoña ñeñth oꞌ netmaꞌntatwasa ñorraꞌ. Ñerraꞌm ama xhennaso seyoxhro ñeñth oꞌ netmaꞌntatwasa ñorraꞌpaꞌ errothenotwachñakaꞌyeña xhaponasaña seyoxhro allowen poꞌpoñexhno ñeñthchaꞌ netmaꞌntaterrserr tsapathoneth.

San Marcos 4:34

Ama serrpareꞌtatenaneto attha, añña xhokma serrpareꞌtatenanet tomaꞌnteñtso. Ellonethpaꞌ xhokma eꞌñe eñotoxhen serrpareꞌtatenan poeyochreshaꞌ.

San Marcos 8:32

Ñeñthpaꞌ eꞌñe eñotoxhen otnomanet ñapaꞌ atethchaꞌ apharethterra. Pedroñapaꞌ allentha anemh aꞌyenethpaꞌ allñapaꞌ ateth otos: —Arepaꞌch Partseshachaꞌ attheyeꞌ perrpeto amaꞌt errponaña.

San Juan 10:24

Allñapaꞌ arrotampesya judioneshaꞌpaꞌ ateth ochet: —Esempowachñakaꞌye peꞌnwaña ñeñth attho pemoññeꞌtatenya. Ñerraꞌm poꞌñoxhtheꞌ pha Cristotetspaꞌ photeyñakaꞌye eꞌñe poꞌñoxh.

San Juan 10:6

Ñeñthpaꞌ ateth oterranerr fariseoneshaꞌ tomaꞌnteñtso tharraña ñetñapaꞌ ama eñotoñeto ñeñth otenanet.

San Juan 16:12

‘Shontemeñ ñeñthchaꞌ notaseñ tharraña theꞌ sapaꞌ amatheꞌ errothenoth xhaponaso seyoxhro.

San Juan 16:2

Tharroꞌmar esempopaꞌ xhapchaꞌ allempoch waporeꞌtas judioneshaꞌ poꞌprawoth. Poꞌñoxh xhapchaꞌ allempo eseshaꞌpaꞌ ñatoꞌ oꞌch moetsaset xhach otenapoetañ ñetpaꞌ allotheꞌ sherbeñetña Yompor.

San Juan 16:32

Theꞌpaꞌ oꞌ eꞌñe xhapmoch sa amaꞌt poesheñaꞌttsospaꞌ oꞌ xhaponasañ xhach sematrraꞌtyesa allemeñ. Xhach sawanomyesa allchaꞌ semnaꞌyes sa. Nañapaꞌ saꞌypoꞌñaꞌwanmoenchaꞌ. Tharraña napaꞌ ama eꞌñe naptheyaye, epanña Apa.

2 Corintios 4:2

Ñeñth aꞌnawa es phaꞌyenet ñeñth apenkoxhen yenten yokop ya ñeñthey thorretsa Yomporekoppaꞌ ñeñthña napaꞌ oꞌ naꞌypoꞌñamper. Ñamha napaꞌ ama es neshkëñoth nephaꞌyeno masheñneshakop. Ñamha napaꞌ allempo neserrpareꞌtateñ acheñeneshaꞌ ama xhoyeꞌ naꞌpoꞌpoñeteññañe Yompor poꞌñoñ. Añchaꞌña eꞌñe naꞌpotheññañ Yompor poꞌñoñ eꞌñe poꞌñoxh ñeñth ateth oten poꞌñoñ. Yomporpaꞌ entenen ñeñth ateth notenes ñeñthpaꞌ eꞌñe poꞌñoxh ateth. Ñamha amaꞌt erraꞌtsena acheñer ñeñth eñoteneꞌ ñeñth eꞌñe pokteꞌ entenet ñet poeyoxhretopaꞌ ñetpaꞌxhoꞌña eꞌñech kowen entapretennet.