San Juan 16:24 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁴ Sa themeꞌttsenpaꞌ ama es senamoeno eꞌñe seyemteñothen na eꞌñe nesoꞌchño. Theꞌña ñerraꞌm senampaꞌ sagaphchaꞌ allochñapaꞌ oꞌch soksha eꞌñe poktakma.

San Juan 16:24 Iomraidhean Croise

San Mateo 6:9

Sañapaꞌ atethchaꞌña kowen semaꞌyochaña sa: Yompore Partso ñeñtheph peꞌntañoꞌtsen, yentapepaꞌch pha atarr Partsoph.

San Juan 14:1

Jesúspaꞌ alla oterraneterr: —Seyoxhropaꞌ amach xha sellkatsto. Attho seyemteña Yompor napaꞌxhoꞌña xhoña seyemterrna.

San Juan 14:14

Ñerraꞌm es senamoen eꞌñe nesoꞌchño eꞌñe seyemteñothen na, napaꞌ eꞌñech ateth nepennas.

San Juan 15:11

‘Añmapaꞌ tharroꞌmar ateth notenes allochñapaꞌ ñeñth noksheña napaꞌ koshaterreschaꞌ samha. Allochñapaꞌ sapaꞌ oꞌch eꞌñe soksherra eꞌñe poktakma.

San Juan 16:23

‘Allempopaꞌ amach sepallteno oꞌch alla es saꞌphthoꞌterrnerr. Eꞌñe poꞌñoxh theꞌpaꞌ oꞌch notas: Ñerraꞌm es senamoeñ Apa eꞌñe na nesoꞌchño eꞌñe seyemteñothen na ñañapaꞌ apaschaꞌ ñeñth senamoeñ.

San Juan 3:29

Jesúspaꞌ eꞌñech ateth netmaꞌntacha ateth ñerraꞌmrratheꞌ yakma ñeñth senaꞌtetsa. Ñewa, ñeñth senaꞌtetsa ñeñthñakaꞌyeña agëneꞌña koyaneshaꞌ ñeñthchaꞌ poethapor phaꞌ. Tharraña ñeñthña poeyempaꞌ ñeñth parro epoet then ñerraꞌm añ eꞌm poeyem poꞌñoñ ñeñth senaꞌtetsapaꞌ ñañapaꞌ atarrchaꞌ koshapretana poeyem. Ñeñthoꞌmarña na theꞌpaꞌ atarr nokshapreteña Jesús.

2 Tesalonicenses 1:2

Eꞌñe newomhchaꞌteñothes sa napaꞌ oꞌch notas: Yomporepaꞌchña sebensareꞌtampeneꞌ ñeñthara Parets epoet Poechemer Jesucristo ñeñth Yepartseshar yepen. Ñetepaꞌchña sokshateneꞌ eꞌñe sa seyoxhro allowenes.

2 San Juan 1:12

Shontemeñ poꞌpoñexhno ñeñthchaꞌ notaseñ tharraña ama nemno oꞌch eꞌñe notwas arr necartoth. Tharroꞌmar napaꞌ nesechena oꞌch nemoꞌtensaꞌ allempochña atthoch yeserrpareꞌt eꞌñe parro, atthochña eꞌñech kowen parro yoksherra.