San Juan 16:22 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²² Jesúsña alla oterranerr poeyochreshaꞌ: —Theꞌña sapaꞌ nanak llekëñtsoꞌtsenes, tharraña elloñapaꞌ oꞌch alla yentannerra. Allempoña sapaꞌ oꞌch alla atarr soksherra seyoxhro. Ñeñthña soksheñapaꞌ amaꞌt eꞌñe poesheñarra amach errothenoth poerratamperrseto.

San Juan 16:22 Iomraidhean Croise

San Mateo 28:8

Allempoñapaꞌ poemaꞌyoreñ awanerret poepamproth. Amaꞌt yorenetañpaꞌ poksheñeshaꞌ matrraꞌterret oꞌch oteññañetaꞌ poeyochreshaꞌ.

San Lucas 10:42

Tharraña eꞌñe pathrraña ñeñth atarr sherbets; ñeñthpaꞌ attho eꞌñe kowen sokshennana neñoñ. Pemoꞌnerr Maríapaꞌ ñapaꞌ ñeñthña atarr eꞌnen. Ñeñthpaꞌ amaꞌt eꞌñe esesha amach errothenoth poerratampereto.

San Lucas 16:25

Abrahamñapaꞌ ateth och: “Nechemerñechaꞌ theꞌpaꞌ oꞌch peyerposa ora allpon paꞌnamen ñeñth pechyeseꞌth ñeñth atarr koxhneshareꞌ pentyeseꞌth allempo phokrreꞌth patso. Lázaroñapaꞌ ama es echeꞌthe amaꞌt koñeꞌtha ñeñth atarr kowen enten ñamha. Theꞌña ñapaꞌ oꞌ atarr akshatarethterra, phañapaꞌ oꞌ atarr phaꞌkoñchatarethterra.

San Lucas 19:26

Pamoꞌmteꞌñapaꞌ ateth oterraneterr: “Tharraña amaꞌt attheñpaꞌ theꞌpaꞌ oꞌch notas, ñeñth es echets shonteꞌ eꞌñe poesherbhateñothet pamoꞌmteꞌ ñetña ellonethpaꞌ oꞌch alla aparethterret poꞌpoñ aton. Tharraña ñeñth ama es echetsopaꞌ amaꞌt allponatholla ñeñth echyenetañ aprratamphsarethterretchaꞌ.

San Lucas 24:41

Ñetñapaꞌ attha kowanrrortapoeñet. Amaꞌt atarr koshapoeñetañpaꞌ amaña eꞌñeyeꞌ ameꞌñapoeñeto ñatoꞌ poꞌñoxhtheꞌ Jesús. Attha echarrtatenet poeyoxher tharraña Jesúsñapaꞌ ateth oterraneterr: —¿Arrpaꞌ amaꞌt secheno amaꞌt koñeꞌtha rreñets?

San Juan 14:1

Jesúspaꞌ alla oterraneterr: —Seyoxhropaꞌ amach xha sellkatsto. Attho seyemteña Yompor napaꞌxhoꞌña xhoña seyemterrna.

San Juan 14:19

Oꞌ mameshamerra palltenmeñ ñeñthña ama ameꞌñetso arr patsro ñetñapaꞌ amach eseshayeꞌ nenterraye, tharraña sapaꞌ xhokmach senterren. Tharroꞌmar napaꞌ korretsana, ñeñthoꞌmarña sapaꞌxhoꞌña korretsasach.

San Juan 14:27

‘Nokshateña nenaꞌnerrnaschaꞌ alloch eꞌñe soksherra seyoxhro, napaꞌ xhochña atarr nokshaterres seyoxhro. Ñeñth ateth nokshatenes na seyoxhro ñeñthpaꞌ ama attheyaye ñerraꞌmrratheꞌ añ patsoꞌmar kosheñets. Ñeñthoꞌmarña seyoxhropaꞌ amach xha sellkaꞌpeno amaꞌt mamesha, amach xha es semhchaꞌteno.

San Juan 16:16

Jesúsñapaꞌ ateth oterraneterr: —Theꞌpaꞌ mameshamha oꞌwañchaꞌ alloꞌna sentnenen tharroꞌmar napaꞌ oꞌch awerren Apoesho. Tharraña sapaꞌ eꞌñe mameshapaꞌ oꞌch alla yentannerra.

San Juan 16:20

Poꞌñoxhkaꞌye oꞌch notas: Sapaꞌ sellkëñothpaꞌ seyawerrach. Acheñeneshaꞌña arr patsro ñeñth ama ameꞌñetso ñetñapaꞌ xhach atarr koshet. Sapaꞌ sellkërrach tharraña sellkëña sapaꞌ poenaserrnasach soksheña.

San Juan 16:6

Theꞌña ñeñth ateth notenes saña seyoxhropaꞌ xhaña atarr sellkëna.

San Juan 21:7

Allempoña poeyochreshaꞌ ñeñth atarr morrentena Jesúspaꞌ ñañapaꞌ ateth otan Pedro: —¡Yepartsesharepaꞌtkaꞌye! Simónña Pedropaꞌ allempo eñotan Partseshepaꞌt wetsa ñañapaꞌ poemaꞌyoreñ chorrerrana paꞌshtam tharroꞌmar ñapaꞌ moelleꞌmkotha terrayen. Ñañapaꞌ poemaꞌyorñekma omacha oñopaꞌ awoꞌ Jesúsesho.

San Juan 4:14

Tharraña ñerraꞌm eseshaꞌ orreꞌ oñ ñeñthchaꞌ napanet na amaꞌt awathapaꞌ amach oñpaꞌterreto. Ñeñthchaꞌ napanet na oñ, eꞌñe poeyoxhretopaꞌ poenasanetchaꞌ ateth ñerraꞌmrratheꞌ alloth poten oñ, amach wañerro amaꞌt awatha. Atthochña ñetpaꞌ korretsetach thayotheñ amaꞌt errponañowen.

Los Hechos 13:52

Tharraña ñeñth oꞌ ameꞌñaꞌwa all Antioquíopaꞌ, ñetñapaꞌ nanak koshenet, ñamha oꞌ chorranet Parets Poekamkëñ.

Los Hechos 16:25

Attheñapaꞌ oꞌ maꞌyocha Pablo ñamha Silas. Ñamha oꞌ morrechet, poemorrecheñothetpaꞌ nanak ayeꞌchoxhtateññañet Yompor. Añña poꞌpoñexhno acheñ ñeñth abeꞌthareth ñamha allpaꞌ ñetñapaꞌ oꞌ eꞌmhñotanet. Allempoña xhap rroxh tsappaꞌ machayothepaꞌtchaꞌ pella pats nanak womenk, amaꞌt alloꞌ thomatenet echarr cárcelepopaꞌ xha paꞌshma womenk. Poepelleñoth pats womenkpaꞌ oꞌ tornaꞌtwa ora allpon all ayottamphsarethtenet. Ñamha ora allpon allo wankëñet acheñpaꞌ oꞌ poeynaꞌtwen.

Los Hechos 2:46

Patheꞌtets yethpaꞌ oꞌch awanenet eꞌñe parro Parets paꞌpakllo. Errothenopaꞌ poeyerpoeñothet Jesús oꞌch tomaꞌntacheteꞌth pan ateth ñerraꞌm Jesús poꞌchets. Ñamha xhokmach rrallmeꞌchapretannaꞌteteꞌth paꞌpaklleto. Eꞌñe poksheñeshet poeyoxhretopaꞌ xhokmach rrallmeꞌcheteꞌth. Allempopaꞌ nanak amoerañterret.

Los Hechos 5:41

Allempoñapaꞌ oꞌ awanenet, oꞌ saꞌneñet ñeñth xhokma aꞌpoktatyeneꞌ ñoñets. Eꞌñe poksheñeshokmañen awanenet tharroꞌmar Yompor eꞌñe pokteꞌ entanet ñeñthoꞌmar moenatanet oꞌch moeroxhtet ñokop.

2 Corintios 6:10

Ñamha errotheno amaꞌtchaꞌ yellkënañpaꞌ tharraña xhokmach alla yoksherra. Ñamha amaꞌt eꞌñe wokchañeypaꞌ shonteꞌch koxhneshaꞌ kothaphñats yapaꞌyes poꞌpotantañ. Amaꞌt ama es yechenñe arr patsro, tharraña shonteꞌ esokmañen es yechen Yomporeshoth.

2 Tesalonicenses 2:16

Theꞌñapaꞌ oꞌch notas: Yepartseshar Jesucristo ñamha Yompor Parets ñetepaꞌchña eꞌñe kowen sokshaterreꞌña sa seyoxhro, ñetepaꞌchña awamenkath sephaꞌyeseꞌ allochñapaꞌ atthochña sapaꞌ xhokmach señosyen ñeñth eꞌñe kowen ñoñets ñamha eꞌñechña kowenareꞌ es sorrtatyen. Tharroꞌmar Yomporpaꞌ ñeñthña atarr yemorrentenaya, ñapaꞌ ña ñeñth xhokma yokshateneꞌ yeyoxhro. Ñeñthña kosheñetspaꞌ amach awañañathterro amaꞌt errponaña. Ña eꞌñe poemoereñothpaꞌ xhokma eñotateney eꞌñe kowen ñeñth atarr yeyemtena.

Hebreos 10:34

Poꞌñoxh ñeñth arrmanatarethtatseꞌth oꞌch ayottamphsarethtet, sañapaꞌ eꞌñe sellkapreteñothanetpaꞌ xhokmach eꞌñe kowen seyenpoenanet. Amaꞌt allempo poerratamphsatsreꞌtaseꞌth ñeñth seꞌmoñeꞌtyesayeꞌth, sañapaꞌ eꞌñech soksheñeshaꞌ saꞌwantenanet. Tharroꞌmar sapaꞌ señoteñ oꞌ secherr ento ñeñth atarr sherbets ñeñth ello metanaꞌtweneꞌ attho sherbenes sechatser, tharroꞌmar ñeñthpaꞌ ama aptsaño.

Hebreos 6:18

Ñeñthoꞌmar yeñoteñ Yomporpaꞌ eꞌñe epoch eñotateney eꞌñe poꞌñoxh atethchaꞌ perrnay, ñamha Yompor poꞌñoñpaꞌ ama xhoyeꞌ shekënye. Ñeñthoꞌmarña eꞌñe yeyemteñoth ñapaꞌ yeñoteñ poꞌñoxhpaꞌ aꞌkeshphatwerreychaꞌ ñeñth ateth oteney. Ñeñthoꞌmarña yekweñ amaꞌt alloweney ñeñthey eꞌneneꞌ ña ñachña yaꞌkeshphatwerreꞌ.

1 San Pedro 1:8

Jesucristo amaꞌt ama sentarñepaꞌ theꞌñapaꞌ oꞌ semorrentera. Amaꞌt ama senteñe, theꞌñapaꞌ oꞌ sameꞌñera. Eꞌñe soksheñeshokmañen oꞌ sameꞌñeña, ñeñthña kosheñetspaꞌ atarr nanak kowen. Theꞌpaꞌ amach erra yenerreꞌthe yeñoñ ñeñthchaꞌ ateth yoterrerr.