San Juan 16:17 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁷ Poeyochreshaꞌñapaꞌ ateth otannaꞌtyeset: —¿Errothentheꞌña añ ñeñthoꞌmar ateth oteney, mameshamhapaꞌ oꞌwañoꞌch alloꞌna yentneñ tharraña mameshapaꞌ awoꞌch alla yentannerra? ¿Errothentheꞌña añ ñeñthoꞌmar ñapaꞌ ateth oteney, ñapaꞌ awoꞌch awerr Pomporesho?

San Juan 16:17 Iomraidhean Croise

San Marcos 9:10

Ñetña ateth otanet Jesúspaꞌ atethxhoꞌ pet, ama aꞌmetheññañeto poꞌñoñ. Tharraña ñetñapaꞌ attha aꞌphthoꞌtannaꞌtyesnerret: —Taꞌm ¿estheꞌña oteneyña Jesús oꞌch tanterra rromoth?

San Marcos 9:32

Ñeñthña ñoñets ñetñapaꞌ amaꞌt poesheñarrothetapaꞌ ama eseshayeꞌ eñotenayeꞌ enteñeto ñeñthoꞌmarña ama aꞌphthoꞌtenayeꞌ enteñeto.

San Lucas 18:34

Amaꞌt ateth otwanet, ñetñapaꞌ ama eseshayeꞌ eñotaye ñeñth ateth serrpareꞌtatanet. Amaꞌt poesheñarrothetapaꞌ amaꞌt mameshapaꞌ ama xhapanetoña poeyoxhreto ñeñth ateth otenanet.

San Lucas 9:45

Ñeñthña ñoñetspaꞌ ñetñapaꞌ amaꞌt poesheñarrothetapaꞌ ama eshkayeꞌ eñotenayeꞌ enteñeto tharroꞌmar ama xhenaꞌ allempoch xhapanet poeyoxhreto. Ñetña poeyorñothetpaꞌ ama eseshayeꞌ aꞌphthoꞌtenaye estheꞌ otenanetña attho eñoranaꞌtenanet.

San Juan 12:16

Ñewa, ñeñth ñoñets allempoña poeyochreshaꞌpaꞌ ama xhapaneto poeyoxhreto. Tharraña tsapathonethña allempo rroma Jesús, oꞌ alla tanterra alla awerr poeꞌntaño all atarr kowentatapoer Pompor, ñetñapaꞌ allempaña xherranetña poeyoxhreto theꞌña poꞌñoxhpaꞌ oꞌkaꞌye etsoterra eꞌñe ateth anwareth ñokop amaꞌt awathotheñ.

San Juan 14:22

Allempoña poꞌpsheñeñ Judas ñeñth ama añeyaye Iscariote, ñañapaꞌ ateth och: —Partseshachaꞌ, yapaꞌ ¿esoꞌmareꞌtchaꞌña theꞌpaꞌ oꞌch peñotatey ya ñeñth ateth pepena amachña añeyeꞌña peñotato ñeñth ama ameꞌñetso arr patsro?

San Juan 14:5

Tomásñapaꞌ ateth och: —Ayochreshathe, yapaꞌ amakaꞌye yeñotenpe errachña peserr. Errothenothwachkaꞌye yeñochtheꞌ atthoch yexherr yamha.

San Juan 16:1

‘Ñeñthpaꞌ tharroꞌmarña oꞌ ateth notwas allochñapaꞌ amach alla ello sepoerrerro.

San Juan 16:16

Jesúsñapaꞌ ateth oterraneterr: —Theꞌpaꞌ mameshamha oꞌwañchaꞌ alloꞌna sentnenen tharroꞌmar napaꞌ oꞌch awerren Apoesho. Tharraña sapaꞌ eꞌñe mameshapaꞌ oꞌch alla yentannerra.

San Juan 16:18

Alla otannaꞌtyenet: —¿Esoꞌmartheꞌña ateth oteney, mameshamhapaꞌ oꞌwañchaꞌ alloꞌna yentneñ? Amakaꞌyeña yeñoteñe estheꞌña oteney.

San Juan 16:19

Jesúsña eñotanet ñetpaꞌ xho moeneñetañ oꞌch aꞌphthoꞌchet. Ñañapaꞌ otanet: —¿Ñeñtheꞌtña sotannena ñeñth ateth notenes, oꞌ mameshamha oꞌwañchaꞌ alloꞌna sentnenen, tharraña mameshapaꞌ oꞌch alla yentannerra?

San Juan 16:5

Na theꞌpaꞌ oꞌch awerren alloꞌtsen ñeñth nellsenseꞌ. Saña amaꞌt poesheñarrothesapaꞌ amaña saꞌphthoꞌtenno, errachña neserr.