San Juan 16:16 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁶ Jesúsñapaꞌ ateth oterraneterr: —Theꞌpaꞌ mameshamha oꞌwañchaꞌ alloꞌna sentnenen tharroꞌmar napaꞌ oꞌch awerren Apoesho. Tharraña sapaꞌ eꞌñe mameshapaꞌ oꞌch alla yentannerra.

San Juan 16:16 Iomraidhean Croise

San Marcos 16:19

Oꞌña ateth otwanerranet Partseshaꞌ Jesúspaꞌ allentha aꞌtapater Pompor poeꞌntaño, allñapaꞌ anorrwen eꞌñe Pompor poꞌkowenroth, all partsotapretwera.

San Juan 12:35

Jesúsñapaꞌ ateth oterraneterr: —Mameshamha palltena arroꞌtsenmeñen na ñeñthen aꞌpoetarsamphsañtetsa. Sokthapeꞌcherrnan eꞌñe thayekma neñoñ thayepaꞌtña arroꞌtsenmeñen ñeñthenchaꞌ aꞌpoetarsamperreꞌ sokthaphña allochñapaꞌ atthoch amach xha sechenkaꞌwerro. Poꞌñoxh ñeñth ama ameꞌñetso ñetpaꞌ ama eñoteñeto atthoch chenkaꞌwerret. Ñeñthoꞌmarña ñetpaꞌ eꞌñe ateth penet ñerraꞌmrratheꞌ chekmeta chopeꞌchenet ama eñoteñeto errenethchaꞌ tet.

San Juan 13:33

Jesúsñapaꞌ alla oterraneterr: —Naꞌkñetharneshachaꞌ, oꞌ eꞌñe koñeꞌthamha pallta alloꞌtsenmeñenchaꞌ na eꞌñe arr parro. Napaꞌ oꞌch awerren. Allempoña sapaꞌ seꞌnerrnaꞌch. Ateth noteñ awaña judioneshaꞌ, allchaꞌ neserr napaꞌ sañapaꞌ amach errothenoth sexhapo, theꞌpaꞌxhoꞌ sapaꞌ eꞌñe ateth notenes.

San Juan 16:10

Ñamha ñach eñotaterrawet ñeñth eꞌñe pokteꞌ entyen Yompor tharroꞌmar napaꞌ amach alloꞌtsenarano sesho. Napaꞌ oꞌch awerren Apoesho amach alla senterrneꞌthe.

San Juan 16:22

Jesúsña alla oterranerr poeyochreshaꞌ: —Theꞌña sapaꞌ nanak llekëñtsoꞌtsenes, tharraña elloñapaꞌ oꞌch alla yentannerra. Allempoña sapaꞌ oꞌch alla atarr soksherra seyoxhro. Ñeñthña soksheñapaꞌ amaꞌt eꞌñe poesheñarra amach errothenoth poerratamperrseto.

San Juan 16:28

Poꞌñoxh napaꞌ Apoeshoth nowapa, oꞌ nexhap añe patsro. Elloñapaꞌ oꞌch alla nesaꞌnerr añ pats, oꞌch alla awerren Apoesho.

San Juan 16:5

Na theꞌpaꞌ oꞌch awerren alloꞌtsen ñeñth nellsenseꞌ. Saña amaꞌt poesheñarrothesapaꞌ amaña saꞌphthoꞌtenno, errachña neserr.

San Juan 17:13

‘Tharraña theꞌ napaꞌ oꞌch awerren pesho. Napaꞌ añekopña neñen añexhno añ patsro atthoch ñetpaꞌ atarrchaꞌ kosherret poeyoxhreto eꞌñe ateth nokshena na.

San Juan 17:5

Theꞌña, Apachaꞌ, pekowentaterrnanepaꞌch eꞌñe alla pesho eꞌñe ateth allempo atarr aꞌkowentatarethen pesho awath allempo ama eñalletenaꞌ añ pats.

San Juan 7:33

Jesúsñapaꞌ alla oterraneterr: —Oꞌ mameshamha eꞌñe parroꞌtseney. Oꞌchña mamerrerrpaꞌ oꞌch alla awerren alloꞌtsen ñeñth nellsenseneꞌ.

Los Hechos 1:3

Amaꞌt pomoeroxhteñoth oꞌ rromwa awaña, allempoñapaꞌ oꞌ orrterrana poeyochreshaꞌ eꞌñe bethnathoth. Ñeñthoꞌmarña ñetpaꞌ eñochet eꞌñe poꞌñoxh añpaꞌ ñeñthara Jesús ñeñth rromats awaña. Tharroꞌmar paꞌtatsoch xharramatnerr attho orrtameꞌtnerranet mameshaꞌtets. Ñamha xhokma eñcheteꞌth allameꞌtets. Allempoña ñapaꞌ aꞌpothanet ateth penaña Parets poꞌkowenña attho ayochreshathtena ña.

Hebreos 12:2

Añchaꞌña xhokmoepaꞌchña eꞌñe yeyemoetneña Jesús ñeñth orrtaterreꞌ atthoch yeyemtera ñamha ñeñthchaꞌ yetsotaterreꞌ ñeñth attho atarr yeyemoetneña. Tharroꞌmar ñapaꞌ eꞌñe pokteꞌ eñcheꞌth oꞌch awantaꞌwan allowen ñeñth echarr enteꞌth amaꞌt attho rroma korsocho. Amaꞌt ñeñth atarr apenkoxhen entyenet, ñapaꞌ eꞌñe poktakma awantaꞌwanemh. Tharroꞌmar eꞌñe poeyemteñotha Pompor ñapaꞌ eñoteñ ñach apapoerreꞌ ñeñthchaꞌña atarr koshatwerreꞌ. Ñeñthoꞌmarña theꞌpaꞌ oꞌ alla anorrwerr Pompor poꞌkowenroth all anen poꞌkonaño allña partsotwerr ñamha.