San Juan 16:13 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹³ Tharraña ñerraꞌm esempoch waponasa Parets Poekamkëñ, ñeñthchaꞌña señotaterreꞌ ñeñth eꞌñe poꞌñoxh Yompor poꞌñoñ tharroꞌmar ñapaꞌ ñachkaꞌye señotateneꞌ ñeñth eꞌñe poꞌñoxh Yompor poꞌñoñ ñeñth ama shekëñtsoyaye. Ñapaꞌ amakaꞌye eꞌñe ñotha eñeno. Añkaꞌyeña eñen ñeñth ateth eꞌmoen Partsesho. Ñapaꞌ añchaꞌ serrpareꞌtatas ñeñthchaꞌ ateth perra tsapathoneth.

San Juan 16:13 Iomraidhean Croise

San Juan 12:49

Tharroꞌmar napaꞌ ama eꞌñe nothayeꞌ neñeno. Apaña ñeñth nellsenseneꞌ ñapaꞌ ñaña noteneꞌ atethchaꞌ notas ñamha atethchaꞌ neꞌñoranaꞌtasa.

San Juan 14:17

Ñeñthña Yompor Poekamkëñ ñeñthchaꞌña señotaterreꞌ ñeñth eꞌñe poꞌñoxh Yompor pokthaphña. Ñeñthña ama ameꞌñetso arr patsropaꞌ ñetpaꞌ amach errothenoth chorrerranetoña Yompor Poekamkëñ tharroꞌmar ñetpaꞌ ama enteñeto ñamha amach eñoteñeto. Tharraña sapaꞌ oꞌ señoter tharroꞌmar ñapaꞌ alloꞌtsenes parro epas allchaꞌ chorrerrsa.

San Juan 14:26

Tharraña Parets Poekamkëñ ñeñthchaꞌ sokthapeꞌchaterreꞌ, Apapaꞌ moeñerrnaschaꞌ eꞌñe na nesoꞌchño eꞌñe seyemteñothen na. Ñapaꞌ ñeñthchaꞌ señotaterreꞌña seyoxhro ora allowen ñeñth xhokma neyxhatenes theꞌ. Ñamha ñeñthchaꞌ seyerpaterraya allowen ñeñth ateth notyesaseꞌth.

San Juan 14:6

Jesúsñapaꞌ ateth och: —Napaꞌ na thoñetets ñeñthen alloch sexherr Yomporesho, napaꞌ na ñeñthen soteneꞌ ñeñth eꞌñe poꞌñoxh Yompor poꞌñoñ, napaꞌ na ñeñthen alloch eꞌñe sokrrena. Amach eseshaꞌ xherrtso Yomporesho ñerraꞌm ama nanom ameꞌñerreto.

San Juan 15:26

‘Ñeñthchaꞌ sokthapeꞌchaterreꞌ eꞌñe kowen seyoxhro ñeñthchaꞌ nemñowerrnas Apoeshoth. Ñeñthpaꞌ ñeñthña Apa Poekamkëñ ñeñthchaꞌña señotaterreꞌña ñeñth eꞌñe poꞌñoxh Yompor pokthaphña tharroꞌmar ñeñthpaꞌ Apoeshoth wena. Ñerraꞌm esempoch xhaponasa ñachña naꞌpothoseꞌ.

San Juan 16:12

‘Shontemeñ ñeñthchaꞌ notaseñ tharraña theꞌ sapaꞌ amatheꞌ errothenoth xhaponaso seyoxhro.

San Juan 3:32

Tharroꞌmar allowen ñeñth entyen Pomporesho ñamha ñeñth allpon eꞌmyen all, ñapaꞌ ñeñthkaꞌyeña serrpareꞌtateney, tharraña amaꞌt poesheñarrothapaꞌ ama eseshayeꞌ xhapawetoña poeyoxhreto ñeñth ateth otenanet.

San Juan 8:38

Napaꞌ añ neñeñ ñeñth ateth nentapreteñ Apa. Sapaꞌxhoꞌña aña ateth sepen ñeñth ateth seꞌmapreteñ ñeñth sompor sepen.

Los Hechos 11:28

añña ñeñth paꞌsoꞌcheñ Agabopaꞌ oꞌ thomospaꞌ serrpareꞌtatosanet, ateth otanet: —Orrtach moexheñets esempo errapharen patso. Añpaꞌ allowa ñeñth ateth ot Agabo. Añ eñotateꞌ Yompor Poekamkëñ, amaꞌt allempopaꞌ ama orrtenaꞌ moexheñets. Allempo amhchaꞌtarethta Claudiopaꞌ allempoꞌña orrta moexheñets.

Los Hechos 20:23

Aña neñoten oꞌ eñotaten Parets Poekamkëñ ñeñthchaꞌ ateth phaꞌnet oꞌch yottampesnetpaꞌ oꞌch moeroxhtatnet. Ora allpon anetso atthekmach phaꞌnet.

Los Hechos 27:24

Ñeñth norrtoyapaꞌ ateth oten: “Amach Pablo pellkatsto tharroꞌmar pexhapchaꞌ alloꞌtsen amhchaꞌtareth all Romo. Eꞌñe phothpaꞌ Yomporpaꞌ oꞌch aꞌnatana allowen ñeñth epaph sechopeꞌchampen boto.”

2 Tesalonicenses 2:12

Atthochña allowen ñeñth ama ameꞌñaꞌpoyeꞌ entayeꞌthe Yompor poꞌñoñ ñeñth eꞌñe poꞌñoxh keshpeñets, ñetpaꞌ aña kosheteꞌth ñeñth ama pokteyeꞌ enteno Yompor, ñeñthoꞌmarña ñetpaꞌ aꞌkoñchatarethterretchaꞌ allempo.

2 Tesalonicenses 2:3

Amaꞌt poesheñarrothesa sapaꞌ amach seꞌmhñotatstaneto amaꞌt eꞌñe errothenchaꞌ otyesaset, tharroꞌmar ñetpaꞌ atethchaꞌ shekareꞌtasetañ. Ñeñthoꞌmarña napaꞌ oꞌch notas, allempopaꞌ amakaꞌye xherraꞌ ñeñtheñpo ñeñthe yethñatsroch werra Yepartseshar, atoꞌtña atarr atonterraꞌ ñeñthchaꞌ kexhpoerreꞌ Yompor. Ñamha allempopaꞌ orrterrach poesheñarr acheñ ñeñth atarr athparñathtetsa, ñeñthpaꞌ chenkëñtsa oꞌpatenaya. Ñañapaꞌ Yomporach atarr eꞌmoñeꞌterr ñamha allowen acheñeneshaꞌ ñeñth moechatseꞌtyeneꞌ paꞌnamen ñeñth poꞌyomporer phaꞌyenet ñachña eꞌñe tanterrawet.

Hebreos 1:1

Eꞌñe awathotheñ Yomporñapaꞌ xhokma eñoranaꞌtyesaneꞌth ñeñth poeyochreshaꞌ peꞌth ñeñthchaꞌ aꞌmhtaꞌyesayeꞌth poꞌñoñ ñeñthara profetaneshaꞌ. Eꞌñe paꞌnamenoth eñotatyesaneteꞌth. Ñetñapaꞌ oꞌch eñotatennayet yatañneshañ judioneshaꞌ ñeñth ateth otenanet Yompor.

1 San Juan 2:20

Tharraña theꞌña sapaꞌ Cristoña sechorratenayaña Parets Poekamkëñ. Atthoña allowenes oꞌ eꞌñe señotwer. Sapaꞌ oꞌ eꞌñe señotwerr ñoñets ñeñth poꞌñoxh, ñeñthpaꞌ ama shekëñtsoyaye. Theꞌ sapaꞌ ama eꞌñe sepallteñotheyeꞌ nekellkënnaso ñeñth ateth poktetsa sokop. Tharroꞌmar sapaꞌ señoteñ ñeñth ñoñets shekëñetspaꞌ ama Yomporeshotheyeꞌ weno tharroꞌmar ñeñth Yompor poꞌñoñpaꞌ ñeñthña eꞌñe poꞌñoxh ama shekëñtsoyaye.

1 San Juan 2:27

Tharroꞌmar Jesucristo oꞌ chorraterrsa Parets Poekamkëñ, ñeñthoꞌmarña sapaꞌ ama sepallteno oꞌch eseshaꞌ yexhatas tharroꞌmar ñapaꞌ eñotataschaꞌ allowen. Ñamha ñeñthchaꞌ ateth yexhaterres ñapaꞌ eꞌñekaꞌye poꞌñoxh ateth, ñeñthpaꞌ ama shekëñtsoyaye. Ñeñth ateth yexhatenes sapaꞌ alloꞌnepaꞌch sesen parrokmatenaya Cristo.

1 San Juan 4:6

Yaña poꞌñoxhpaꞌ Yomporenaꞌtarey. Ñeñth poꞌñoxh eñoteneꞌ Yompor, ñetñapaꞌ eꞌñech kowen eꞌmhñotenyet ya. Ñeñthña ama Yomporenaꞌtareyaye, ñetñapaꞌ amach eꞌmhñotenyeto. Yapaꞌ alloña yeñotenña kothaphñats ñeñth poꞌñoxh wetsa Yomporeshoth atthoña yeñotenña ñamha kothaphñats ñeñth shekëñets.

1 San Juan 5:6

Ñeñtha Jesucristo allempo wapa arr patsro eñall ñeñth yeñotaterreꞌña ñapaꞌ eꞌñe poꞌñoxh Yomporeshoth wapa. Ñeñth ñanompaꞌ allempo attho apatarethta Yomporekop oño. Tharraña ama eꞌñe ñaptha oña yeñotataye ñapaꞌ eꞌñe poꞌñoxh Yompor Poechemer. Poꞌrrasoꞌnaña yeñotateꞌña allempo akorsoꞌtamphsarethterra; ñapaꞌ eꞌñe poꞌñoxh Yompor Poechemer. Ñamha Parets Poekamkëñ ñeñthpaꞌxhoꞌña ña yeñotaterreꞌña Jesúspaꞌ eꞌñe poꞌñoxh Yompor Poechemer tharroꞌmar Parets Poekamkëñpaꞌ errothen es eñotateney ñeñthpaꞌ eꞌñe poꞌñoxh ateth.

El Apocalipsis 1:1

Añ ñoñets ñeñthpaꞌ attho Yomporpaꞌ gatyenan Poechemer Jesucristo, allochñapaꞌ ñachña eñotatyeseꞌ allowen ñeñth thorraꞌyetsa Yomporekop. Ñeñthchaꞌ eñotatanetpaꞌ ñeñthpaꞌ ñeñthchaꞌ awen ateth perra amaꞌt esempo. Attho eñotaten na, ñapaꞌ awoꞌt moeñon poꞌmhllañotheñer, allochñapaꞌ ñach negatyeseꞌ na ñeñthen sochetsa Juan ñeñthen thorretsa ñokop, allochñapaꞌ atthoch eñoch ñamha allowen ñeñth thorraꞌyetsa Yomporekop.

El Apocalipsis 1:19

Theꞌ phokoppaꞌ añ poktetsa oꞌch pekellkaꞌyes ora ñeñth allpon oꞌ negatyeseph ñamha allpon ñeñthchaꞌ negatyerrperr ñeñthchaꞌ ateth perrtsa esempowañen.