San Juan 15:7 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁷ ‘Ñerraꞌm separrokmaterrna ñerraꞌm xhokma sokthapeꞌchennan neñoñ eschaꞌ senamoen napaꞌ napaschaꞌ.

San Juan 15:7 Iomraidhean Croise

San Mateo 7:7

Jesúspaꞌ alla yexhaterraneterr poꞌpoñ, ñeñthpaꞌ ateth oterraneterr: —Eꞌñe senamoeñoth, Yomporñapaꞌ apaschaꞌ. Seꞌnameꞌteñothpaꞌ señchchaꞌ; sexhoreꞌteñoth, Yomporñapaꞌ eꞌñe poeꞌmhñoteñothespaꞌ eꞌñech kowen toramphsapas.

San Juan 14:13

Ñerraꞌm eschaꞌ senamoen eꞌñe na nesoꞌchño eꞌñe seyemteñothen na, napaꞌ eꞌñech ateth nepennas. Atthochña na ñeñthen Yompor Poechemerenpaꞌ nekowentateññañchaꞌ Apa.

San Juan 15:16

Sapaꞌ ama sayeꞌ naꞌkrerraye, napaꞌ naña saꞌkrerreꞌña sa. Atthoña oꞌ napoerresña llesens atthoch seta meꞌtarsats atthoch eꞌñe kowen es sorrtatyen ñeñth kowen enten Yompor. Ñeñthpaꞌ ñeñthchaꞌ seꞌmer seperr ñeñthña seꞌmerpaꞌ amach awañañathterro amaꞌt awatha. Allochñapaꞌ amaꞌt erraꞌtsena senamoeñ Apa eꞌñe na nesoꞌchño eꞌñe seyemteñothen na, ñapaꞌ apaschaꞌ.

San Juan 16:23

‘Allempopaꞌ amach sepallteno oꞌch alla es saꞌphthoꞌterrnerr. Eꞌñe poꞌñoxh theꞌpaꞌ oꞌch notas: Ñerraꞌm es senamoeñ Apa eꞌñe na nesoꞌchño eꞌñe seyemteñothen na ñañapaꞌ apaschaꞌ ñeñth senamoeñ.

San Juan 8:31

Allempoña Jesúspaꞌ ateth otan judioneshaꞌ ñeñth ameꞌñenaya ña: —Ñerraꞌm xhokma sokthapeꞌchon neñoñ poꞌñoxhpaꞌ neyochreshaꞌch nepenes.

San Juan 8:37

Na poꞌñoxhpaꞌ neñotenes sapaꞌ poꞌmhrenñeseñ Abrahampaꞌ tharraña sapaꞌ aña semnen oꞌch semtsan. Tharroꞌmar neñoñpaꞌ amaꞌt mameshapaꞌ ama xhennaso sa seyoxhro.

Gálatas 5:16

Tharraña napaꞌ oꞌch notas ñeñth poktetsa ñeñthchaꞌ ateth sepha. Eꞌñepaꞌchña kowen sokrrena Partsokop ñeñth ateth kothapeꞌchatenes Parets Poekamkëñ. Allochñapaꞌ amach alloꞌna sephaꞌyesneno ñeñth ateth moenatyenes sechets.

Colosenses 3:16

Cristo poꞌñoñpaꞌ xhokmoepaꞌchña eꞌñe kowen sokthapeꞌcheñ sa seyoxhro, atthochña eꞌñe ora señoteñowenpaꞌ xhokmoepaꞌch seyxhatannena atthoch eꞌñe kowen sokshatannena. Ñamha separasyosoꞌteñothpaꞌ semorrechepaꞌch allowen morreñtsoxhno ñeñth Partsokop atthoch saꞌyeꞌchoxhtatoñ attho saxhoteñ. Soksheñeshowenña seyoxhropaꞌ separasyosoꞌchepaꞌch Yompor.

1 San Juan 2:14

Ñamha sa ñeñthes pomporneshaꞌ eꞌñe penset, sa theꞌpaꞌ oꞌ señoter Cristo ñeñth eꞌñe awathotheñ eñall amaꞌt eꞌñe allempotheñ ama ayexhkatarethtenaꞌ pats; ñeñthoꞌmarña theꞌpaꞌ ateth nekellkënnas. Ñamha sa ñeñthes wepoeshares, sapaꞌ atarr awamenkathes tharroꞌmar Yompor poꞌñoñpaꞌ oꞌ eꞌñe xhaponasa seyoxhro ñeñthoꞌmarña sapaꞌ oꞌ atarr sathpareꞌter oneñeth; ñeñthoꞌmarña theꞌpaꞌ ateth nekellkënnas.

1 San Juan 2:27

Tharroꞌmar Jesucristo oꞌ chorraterrsa Parets Poekamkëñ, ñeñthoꞌmarña sapaꞌ ama sepallteno oꞌch eseshaꞌ yexhatas tharroꞌmar ñapaꞌ eñotataschaꞌ allowen. Ñamha ñeñthchaꞌ ateth yexhaterres ñapaꞌ eꞌñekaꞌye poꞌñoxh ateth, ñeñthpaꞌ ama shekëñtsoyaye. Ñeñth ateth yexhatenes sapaꞌ alloꞌnepaꞌch sesen parrokmatenaya Cristo.

1 San Juan 3:22

Attho yameꞌñerrñaña poꞌñoñ ñeñth ateth oteney, ñapaꞌ atarr koshenya; ñeñthoꞌmarña ñerraꞌm es yenamoeñ, ñapaꞌ xhokmach eꞌñe poꞌñoxh apoeney.

1 San Juan 5:14

Yapaꞌ eꞌñe yeyemteñoth Yompor ñeñthoꞌmarña yeñoteñ es yenamh ñeñth pokteꞌ enten ña, yapaꞌ xhokmach eꞌmhñoteney.