San Juan 15:27 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁷ Sapaꞌxhoꞌña saꞌpothanchaꞌ tharroꞌmar eꞌñe allempotheñ nethorrosa, sapaꞌ eꞌñe allempotheñ parroꞌtseney.

San Juan 15:27 Iomraidhean Croise

San Marcos 1:1

Theꞌ arr napaꞌ oꞌch nekellkonas ñeñth eꞌñe kowen ñoñets alloch yekeshperra eꞌñe yameꞌñeñotha Jesucristo ñeñth Poechemer pen Yompor. Ñewa, ñeñth ñanom orrtatsa ñeñthpaꞌ eꞌñe ateth oꞌ perra eꞌñe ateth kellkëꞌth Isaías ñeñth aꞌmhtayeꞌth awath Yompor poꞌñoñ. Isaíaspaꞌ ñapaꞌ añkaꞌye kellkëꞌth ñeñth ateth Yomporpaꞌ otan Poechemer ñeñthara Cristo, ñeñthpaꞌ ateth och: Theꞌpaꞌ peñochepaꞌch napaꞌ nemñerrnaphchaꞌ poesheñarr ñeñthchaꞌ photamperraya. Eꞌñe ña poeserrpareꞌteñothpaꞌ aññoꞌterrnaphchaꞌ allchaꞌ phoñmos phamha esempo.

San Lucas 24:48

Jesúsñapaꞌ ateth oterraneterr: —Theꞌña sapaꞌ oꞌch saꞌpotherrnan ora ñeñth allpon ateth sentyesneꞌth amaꞌt themeꞌttsen.

San Juan 19:35

Ñeñthña enteꞌpaꞌ ñapaꞌ serrpareꞌtatanet ateth ent. Ñapaꞌ eꞌñe eñoteñ eꞌñe poꞌñoxh ñeñth ateth oten. Ñeñthoꞌmarña yapaꞌ yeñoteñ ñeñth ateth serrpareꞌtenpaꞌ eꞌñe poꞌñoxh. Atthochña sapaꞌxhoꞌña sameꞌñerach ñeñth ateth oten ña.

San Juan 21:24

Napaꞌ ñeñthen poeyochreshan ñeñthen ateth eñotatets ateth ñeñtharana kellkëꞌ añ. Theꞌña ya alloweney yeñoteñ ñeñth ateth naꞌpothapaꞌ ñeñthpaꞌ eꞌñe poꞌñoxh ateth.

Los Hechos 1:8

Jesúspaꞌ alla oterraneterr: —Añña pokteꞌ oꞌch señoch, ñerraꞌm esempoch waponasa Parets Poekamkëñ sesho, ñach awamenkath sephoseꞌ. Allempopaꞌ saꞌpothonchaꞌ neñoñ errapharen —Jerusaléño, ñamha ora Judeo, ñamha Samario, ñamha ora allowanen pats.

Los Hechos 13:31

Allempoña tantaterpaꞌ allponmat orrtameꞌtnerrana ñeñth ñanom kothaꞌnmoeꞌ Galileoth allempo on Jerusaléño. Theꞌpaꞌ ñetpaꞌ oꞌ aꞌpothoñet attho tanterra Jesús, oꞌ aꞌpothoñet allowen acheñeneshesho.

Los Hechos 18:5

Allempoñapaꞌ wapa ñamha Silas epoet Timoteo. Thaya wapoet Macedonioth. Allempopaꞌ añ nanak thorrena Pablo serrpareꞌteꞌ. Ñapaꞌ añ eñotatenan judioneshaꞌ Jesúspaꞌ ñeñtharakaꞌye Cristoterrets ñeñth atarr kowenet awathotheñ.

Los Hechos 23:11

Tsapathña tsapopaꞌ oꞌ alla orrteññañerr Pablo Yepartseshar, ateth otos: —Amach pellkatsto, tharroꞌmar Romopaꞌxhoꞌña all palltena oꞌch phaꞌpothon neñoñ ateth oꞌ phaꞌpotwon arr Jerusaléño.

Los Hechos 3:15

Ñañapaꞌ xhaña semtsach ñeñth alloch eꞌñe yokrra. Tharraña amaꞌt moetsetañpaꞌ añña Pomporpaꞌ oꞌ alla tantater. Tharroꞌmar yapaꞌ yeñoteñ yapaꞌ yenter amaꞌt allempo tantwerra.

Los Hechos 4:20

Yapaꞌ amach errothenoth yemmo. Añña pokteꞌ xhokmach yaꞌpotha ñeñth oꞌ yentwa ñamha ñeñth oꞌ yeꞌmwa.

Los Hechos 4:33

Jesús poellsensarneshaꞌpaꞌ eꞌñe poꞌwamenkokmañen aꞌpothoñeteꞌth attho tanterra Yepartseshar Jesús. Yomporpaꞌ nanak moeraneteꞌth, ñamha nanak awamenkath phaneteꞌth.

1 San Pedro 5:1

Theꞌpaꞌ oꞌch notas samha ñeñthes pompor pen ñeñth ameꞌñetsa sesho. Napaꞌxhoꞌña nach pompor pen ñeñth ameꞌñetsa nesho. Napaꞌ neñcheꞌth ateth moeroxhteꞌth Cristo. Tharraña ñerraꞌm esempo werra poꞌkowenñopaꞌ yapaꞌ oꞌch yekowentapretera yamha.

1 San Pedro 5:12

Theꞌñapaꞌ ñeñthach eꞌñe notas necartoth. Theꞌpaꞌ oꞌ notwas oꞌch sameꞌñaꞌwera eꞌñe poꞌñoxhokmañen. Ñamha oꞌ notwas añpaꞌ ñeñthña eꞌñe poꞌñoxh Yompor poemoereña alloch atarr bensareꞌtampeney. Theꞌñapaꞌ oꞌch alla noterrserr, poꞌñoxhpaꞌ oꞌch seyemtoña Yompor poemoereña. Ñeñth masheñ Silvanopaꞌ ña nekellkaten atthoch neserrpareꞌtatas mameꞌ añ necartoth. Ateth nenteñ masheñ Silvano, ñapaꞌ nanak kowen ameꞌñenana Yompor.

1 San Juan 4:14

Ñamha yapaꞌ eꞌñe yentwoñeꞌth Yompor Poechemer ñeñthoꞌmarña ya theꞌpaꞌ oꞌ yaꞌpothonas samha attho Yompor poꞌñoxhpaꞌ moeñonay Poechemer ñeñthchaꞌ yaꞌkeshphaterreꞌ ya ñeñthey yexhaꞌyetsa añ patsro.

El Apocalipsis 1:2

Tharroꞌmar napaꞌ nach eñotatawet allowenet ñeñth eꞌñe poꞌñoxh ñeñth ateth eñotatenen Yompor poꞌñoñ ñamha ora ñeñth allpon eñotatenen Jesucristo amaꞌt ñamha ñeñth ora allpon gatyennet.

El Apocalipsis 1:9

Theꞌ napaꞌ ñeñthen sochetsa Juan oꞌch alla noterrserr. Napaꞌ ñeñthen eꞌñe semoꞌnasheñ sephowenen sa. Napaꞌ ñeñthen semoeroxhtapretenaya eꞌñe yameꞌñeñoth Jesús. Ñamha eꞌñe yeyemteñoth ñapaꞌ eꞌñech akopha es yaꞌwanten eshekchaꞌ yaꞌmhchaꞌtarethtapretera. Ñewa, napaꞌ oꞌch neñotatas ñeñth ateth nepena na arr. Awañmoꞌcha napaꞌ eꞌñe neserrpareꞌteñoth Yompor poꞌñoñ ñeñth ateth eñotatenen Yepartseshar Jesucristo, añña ñeñth neꞌmoñeꞌteneꞌpaꞌ oꞌ waporeꞌtennetaꞌ arr atarr allaphar all rroxhpeꞌchañethollo ñeñth otenet Patmos.