San Juan 15:22 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²² ‘Ñerraꞌm ama nowapañe amach neserrpareꞌtatosanetañe, amatheꞌ eñallñeña atthoch neyowaꞌyesanet poꞌchñarothet. Ñeñthoꞌmar theꞌpaꞌ ama eñalle atthoch aꞌnasotet poꞌchñaret.

San Juan 15:22 Iomraidhean Croise

San Lucas 12:46

Ñeñthña atarwasañer ñerraꞌm ñapaꞌ atthach ottatseꞌtyena amach es poexhaꞌyeno amach eñoteñe ñeñthe yetharoch werra pamoꞌmteꞌ amaꞌt erroꞌtsenchaꞌ yethro wena. Machayothachña werra pamoꞌmteꞌpaꞌ atarrchaꞌ koñchatwer, allach moeñwer all ñeñth oꞌpatenaya allowen ñeñth ama es otapotetso amaꞌt mamesha.

San Juan 12:48

Eseshaꞌchña nachmeneꞌ ñeñthchaꞌ ama ameꞌñerraye neñoñ, ñokpoetñapaꞌ eñall atthoch amñarethterret koñcheñtso. Ñeñthara añ ñoñets ñeñth neñen na theꞌpaꞌ ñeñthchaꞌña moeñaterrawetña koñcheñtso esempowañen.

San Juan 15:23

Ñeñthoꞌmarña ñerraꞌm eseshaꞌ neꞌmoñeꞌteneꞌ na, Nomporeꞌnaña eꞌmoñeꞌtennanet.

San Juan 15:24

Ñerraꞌm amach norrtatanetañe kowenñats ñeñth amaꞌt awatha poꞌpsheññexhnopaꞌ ama orrtataneteꞌthe eꞌñe atthothapaꞌ amatheꞌ eñallñeña atthoch neyowaꞌyesanet poꞌchñarothet. Tharraña theꞌña ñetpaꞌ amaꞌt eꞌñe entennetañpaꞌ xhaña eꞌmoñeꞌtennet ñamha Nomporeꞌna eꞌmoñeꞌtennanet.

San Juan 16:9

Yompor Poekamkëñpaꞌ eñotaterranchaꞌ acheñeneshaꞌ poꞌñoxh ñetpaꞌ ama pokteyeꞌ entenaneto Yompor tharroꞌmar ama ameꞌñenneto na ñeñthen Yompor Poechemeren.

San Juan 19:11

Jesúsñapaꞌ ateth otererr: —Amach errothenoth pephaꞌnoñeña ñerraꞌm ama Yompor phapayñe llesens ateth. Ñeñthoꞌmarña ñeñth nepomoeꞌ peshopaꞌ ñetpaꞌ ello metanennapet phoꞌchñar.

San Juan 9:41

Jesúsñapaꞌ ateth otanet: —Ñerraꞌm poꞌñoxh sa aporoꞌyeth sentenañ amatheꞌ eñallmeñeña soꞌchñar. Tharraña sapaꞌ ateth soten, sapaꞌ añoꞌ aporoꞌyetheyayso, eꞌñoꞌ kowen sekwen, ñeñthoꞌmarña theꞌpaꞌ oꞌch notas, soꞌchñarpaꞌ xhokma eñall.

Los Hechos 17:30

Awath acheñpaꞌ amaꞌt ama eñotenano ñeñth kowentetsa Yomporekop, Yomporpaꞌ amach erroth phaneto. Tharraña theꞌñapaꞌ oteney yokthapeꞌcherrepaꞌ ello kowen Yomporekop, alloweney acheñey ñeñthey korraꞌyetsa añe patsro.

Romanos 1:20

Amaꞌt yeñoteñ Yomporpaꞌ ama entpawoyaye tharraña yenteññañ poeyexhkataroth poꞌpartsoña ñamha allothña yenteññañña poꞌwomenk atarr. Amaꞌt awathotheñ allempo eꞌñe errteꞌ yexhkateneꞌ pats, allotheñña yenteññañña poꞌñoxh poꞌpartsoteña ñeñthñapaꞌ errponowañen. Ñeñthoꞌmarña acheñeneshaꞌ ñeñth yexheneꞌ sosyaꞌtsañpaꞌ amatheꞌ errothenoth oteto amoꞌ eñoteñetoña ñeñth ateth penaña Yompor poꞌpartsoteña.

Romanos 2:1

Ñeñthoꞌmar theꞌpaꞌ oꞌch notas allowenes ñeñthes judioneshas, ñatoꞌ sapaꞌ xhatheꞌ sotenapañ sapaꞌxhoꞌña añoꞌtheꞌ attheyeꞌ seyxheno sosyaꞌtsañ ateth pena poꞌpotantañ. Tharraña amatheꞌ errothenoth soto ateth tharroꞌmar alloweneypaꞌ eꞌñe atthekma yepena. Ñerraꞌm xha yoten poꞌpsheñeñpaꞌ ama kowenayaye, tharraña atethpaꞌ yañeña ateth otetsa amaꞌt erraꞌtsenotheya ñeñthey ateth otets.

Santiago 4:17

Ñeñthoꞌmarña ellopaꞌ oꞌch alla noterrserr: Ñerraꞌm esempo yeñoteñ yeyoxhro ñeñth kowentetsa Yomporekop, ñerraꞌm amaña ateth yephopaꞌ ñeñthpaꞌ ñeñthña yoꞌchñar yepen.

1 San Pedro 2:16

Ñamha eꞌñech sameꞌña kowen amaꞌt Yompor poꞌñoñpaꞌ ama amhchaꞌnoxhenayeꞌ senteñe sokop. Tharraña amaꞌt ama amhchaꞌnoxhteno poꞌñoñ yokoppaꞌ amach alloꞌna yephaꞌyesneno ñeñth sosyaꞌtsañ. Añchaꞌña oꞌch ateth yameꞌña attho poeyochreshaꞌ perrey Yompor.