San Juan 15:21 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²¹ Ñeñthpaꞌ atethchaꞌ perrset tharroꞌmar sapaꞌ nakaꞌye sameꞌñena tharroꞌmar ama eseshayeꞌ eñotenaye Yompor ñeñth nellsenseneꞌ.

San Juan 15:21 Iomraidhean Croise

San Mateo 10:18

Poꞌñoxh eꞌñe noꞌmarpaꞌ rremanaterrsetchaꞌ atthoch moeroxhtatyerrset, sanmarethterrach amhchaꞌtarethesho ñamha alloꞌtsaꞌyen ñeñth nanak amhchaꞌtarethexhno allchaꞌña saꞌmethaꞌyesosnanchaꞌ neñoñ. Ñamha arrchaꞌ saꞌmetherrnan neñoñ alloꞌtsaꞌyen ñeñth ama judioneshayaye.

San Mateo 10:22

Shonteꞌch acheñeneshaꞌ ñeñthchaꞌ seꞌmoñeꞌterreꞌ tharroꞌmar sapaꞌ nakaꞌye eꞌñe sameꞌñena. Amaꞌtchaꞌ atarr moeroxhtaterrsetpaꞌ tharraña eseshaꞌch eꞌñe awantaꞌwanmoeꞌ eꞌñe poeyemteñothen na, ñeñthchaꞌña aꞌkeshphatarethterrtsa.

San Mateo 10:39

Tharraña ñerraꞌm eseshaꞌ eꞌñe aña eꞌnenet oꞌch korrena atomat atthoch eꞌñe koshenet arr patsro, ñetñapaꞌ aꞌchenkaterretchaꞌ ñañeñeta. Tharraña ñerraꞌm eseshaꞌ eꞌñe pokteꞌ enteneꞌ oꞌch es sewanmoet nokop ñeñth ateth moenenet ñeñth eꞌñe ñokpoeta arr patsro ñeñthña acheñerpaꞌ korretsach poksheñeshokmañen eꞌñe thayotheñ errponañowen.

San Mateo 24:9

‘Allempoña sapaꞌ pomoerrsetchaꞌ atthoch errothwanen perrset allchaꞌña moetsatyerrset. Atarrchaꞌ eꞌmoñeꞌterres allowen acheñeneshaxhno tharroꞌmar sapaꞌ nakaꞌyeña eꞌñe sameꞌñena.

San Mateo 5:11

‘Sapaꞌxhoꞌña nanak kosheñtsoꞌtsaꞌyenes ñerraꞌm esempo errotwanen penset noꞌmar. Nanak kosheñtsoꞌtsaꞌyenes ñerraꞌm xho sapaꞌ sasareꞌtyenset, eꞌmoñeꞌtyenset, paꞌnamen sosey tomaꞌtampesyenset.

San Marcos 13:13

Shonteꞌch acheñeneshaꞌ ñeñthchaꞌ seꞌmoñeꞌterreꞌ tharroꞌmar sapaꞌ nakaꞌye eꞌñe sameꞌñena. Amaꞌtchaꞌ atarr moeroxhtaterrsetpaꞌ tharraña eseshaꞌch eꞌñe awantaꞌwanmoeꞌ eꞌñe poeyemteñothen na, ñeñthchaꞌña aꞌkeshphatarethterrtsa.

San Lucas 21:12

‘Ñewa, allempoch ama orrtenaꞌ atethpaꞌ saña allempopaꞌ rremanaterrsetchaꞌ atthoch moeroxhtaterrset, sanmarethterrach judioneshaꞌ poꞌprawo allchaꞌña eꞌñe otteñeꞌcherrset, atthochña abeꞌtherrset cárcelo allchaꞌ koñchaterrset. Eꞌñe sameꞌñeñothen na sapaꞌ sanmarethterrach amhchaꞌtarethnesheshoꞌmar ñamha alloꞌtsaꞌyen ñeñth nanak amhchaꞌtarethneshaꞌ.

San Lucas 21:17

Shonteꞌch acheñeneshaꞌ ñeñthchaꞌ seꞌmoñeꞌterreꞌ tharroꞌmar sapaꞌ nakaꞌye eꞌñe sameꞌñena.

San Lucas 6:22

‘Ñamha sapaꞌ atarr kosheñtsoꞌtsaꞌyenes ñerraꞌm esempo eꞌmoñeꞌtenset noꞌmar ñerraꞌm esempo moeñoꞌtenset, ñerraꞌm esempo poesasareꞌteñothetas sochatseꞌtenset tharroꞌmar sapaꞌ na sameꞌñena Ñeñthen Acheñetosets.

San Juan 15:24

Ñerraꞌm amach norrtatanetañe kowenñats ñeñth amaꞌt awatha poꞌpsheññexhnopaꞌ ama orrtataneteꞌthe eꞌñe atthothapaꞌ amatheꞌ eñallñeña atthoch neyowaꞌyesanet poꞌchñarothet. Tharraña theꞌña ñetpaꞌ amaꞌt eꞌñe entennetañpaꞌ xhaña eꞌmoñeꞌtennet ñamha Nomporeꞌna eꞌmoñeꞌtennanet.

San Juan 16:3

Ñeñthpaꞌ tharroꞌmarchaꞌ ateth phaset ñetpaꞌ ama eseshayeꞌ eñotenaye Apa amaꞌt napaꞌ ama eñotenneto.

San Juan 17:25

Apa, pha ñeñtheph eꞌñe pokteꞌ es pets, acheñeneshaꞌ ñeñth ama ameꞌñetso arr patsro ñetpaꞌ ama eñotenpeto. Nañapaꞌ eꞌñe poꞌñoxh neñoteneph. Añña ñeñth eꞌñe neyemtenaya ñetñapaꞌ eñotenpet phapaꞌ pha nellsenseneꞌ.

San Juan 8:19

Ñetñapaꞌ ateth otereterr: —¿Erroꞌtsenaꞌtña pha Phompor? Jesúsñapaꞌ ateth oterraneterr: —Amaꞌt napaꞌ ama señotenno, Apapaꞌxhoꞌ ama señoteñe. Ñerraꞌm señotennoñ na Nomporeꞌnatheꞌ señoteneñ.

San Juan 8:54

Jesúspaꞌ ateth oterraneterr: —Ñerraꞌm na kowentatetsa nañeña, nekowentateña eꞌñe napaꞌ amatheꞌ es sherbeno. Nomporpaꞌ ña nekowentateneꞌ ñeñthara ñeñth soteneñ Seyompor-roꞌ sepeñ samha.

San Juan 8:55

Sapaꞌ amakaꞌye señoteñe tharraña napaꞌ neñoteñkaꞌye. Ñerraꞌm na otetseñ ama neñoteñe napaꞌxhoꞌña attheneñtheꞌ ñerraꞌm sa, xhatheꞌ neshkareꞌtensoñ. Napaꞌ eꞌñe poꞌñoxh neñoteñ ñeñthoꞌmar xhokma nokthapeꞌcheññañ poꞌñoñ.

Los Hechos 17:23

All naswanempaꞌ shonteꞌ nentyesnom ñeñth semaꞌyochyena ñeñth seyomporer sepen. Patherr allekma semaꞌyochenapaꞌ napaꞌ nent all oten añ ñoñets: “Añpaꞌ añekop Yompor ñeñth ama yeñotenaꞌ.” Ñeñth semaꞌyochena ñeñth ama señotenaꞌpaꞌ ñeñthara Yompor theꞌpaꞌ ñeñthchaꞌña neserrpareꞌtatas.

Los Hechos 26:9

‘Napaꞌxhoꞌña awañmoꞌchapaꞌ notenapañ ñatoꞌ ñeñththeꞌ poktetsa oꞌch yemoeroxhtach ñeñth kotheneꞌ Jesús pokthaphña ñeñthara Jesús ñeñth nazaretoꞌmarneshaꞌ.

Los Hechos 3:17

‘Theꞌña masheñneshachaꞌ napaꞌ neñotenes awaña sapaꞌ ama es sexhapoyo seyoxhro allempo semtsach Jesús. Amaꞌt ñeñth saꞌmhchaꞌtaretherneshaꞌ ama es xhapaweto poeyoxhreto ñamet.

Los Hechos 4:17

Tharraña amaꞌtchaꞌ ama erroth yephanetopaꞌ theꞌpaꞌ añ poktetsa oꞌch yecheꞌptareꞌtyesanet oꞌch yotanet amach alloꞌna serrpareꞌtnenetoña ñeñth ateth pena Jesús. Tharroꞌmar yapaꞌ ama yemno allowen acheñeneshaꞌ oꞌch eꞌmareꞌtarethetwet ñeñth ateth penet theꞌ ñet arr. Oꞌch yotanet amaꞌt poesheñarra acheñ amach serrpareꞌtatatscheto.

Los Hechos 5:41

Allempoñapaꞌ oꞌ awanenet, oꞌ saꞌneñet ñeñth xhokma aꞌpoktatyeneꞌ ñoñets. Eꞌñe poksheñeshokmañen awanenet tharroꞌmar Yompor eꞌñe pokteꞌ entanet ñeñthoꞌmar moenatanet oꞌch moeroxhtet ñokop.

Los Hechos 9:14

Theꞌpaꞌ ñapaꞌ echenan orden oꞌch wankatyesey alloweney ñeñthey phameꞌñenaya, oꞌch anmatey cárcelo. Ñeñth paꞌmhchaꞌtaretherneshaꞌ pen allowen judioneshaꞌ poꞌkornanesharpaꞌ oꞌ apet Saulo añ orden.

Los Hechos 9:16

Ñamha oꞌch neñotach Saulo ñapaꞌ oꞌch moeroxhta nanak nokop, tharroꞌmar theꞌpaꞌ oꞌch ameꞌñaꞌna na. Añpaꞌ allowa ñeñth ateth serrpareꞌt Yepartseshar epoet Ananías.

Romanos 1:28

Atthoña amaꞌt mamesha oꞌwañchaꞌ moeneñet oꞌch yerpaꞌpesyet Yompor. Ñeñthoꞌmarña Yomporñapaꞌ paꞌypoꞌñeñothanetpaꞌ awoꞌt moenatanet oꞌch kothapeꞌchatseꞌtyeset ñeñth ama pokteyeꞌ enteno ña. Añachña phatseꞌtyenet ñeñth ama aphapawoyaye.

1 Corintios 15:34

Añña pokteꞌ oꞌch sokthapeꞌcherr ello, ñamha oꞌch sekexhpoerr ñeñth ateth sephaꞌyeseꞌth ñeñth ama pokteyaye Yomporekop. Theꞌpaꞌ sepenkëpaꞌ tharroꞌmar ñatoꞌ poꞌñoxh ama señoteñe Yompor allowenes.

1 Corintios 2:8

Añña amhchaꞌtarethneshaꞌ ñeñth añe patsroꞌtsaꞌyenpaꞌ ama xhapaneto Yompor pokthaphña. Ñerraꞌm xhapanetañchaꞌ awaña poeyoxhretopaꞌ amatheꞌ korsoꞌtamperetañeña Yepartseshar ñeñth atarr nanak kowen.

2 Tesalonicenses 1:8

Allempoch werrapaꞌ koñchatwerranchaꞌ allowen ñeñth ama eñotayeꞌthe Yompor ñeñth ama ameꞌñaꞌpoyeꞌ entayeꞌthe kowen ñoñets ñeñth Yepartsesharekop Jesucristo.

1 San Juan 3:1

Theꞌ sapaꞌ xhosaña eꞌñe kothapeꞌcherreꞌ, Yomporpaꞌ atarrkaꞌye nanak morrentenya. Ña eꞌñe poemorrenteñothey ñapaꞌ eꞌñe poechemer peney, ñeñthoꞌmarña yapaꞌ eꞌñe poꞌñoxh Yomporenaꞌtarey. Ñeñthoꞌmarña acheñeneshaꞌ arr patsro ñeñth ama ameꞌñetso ñetñapaꞌ ama eseshayeꞌ eñotenayeña ñeñth ateth yokthapeꞌchyen Yomporekop tharroꞌmar Yomporpaꞌxhoꞌña ama eseshayeꞌ eñotenaye ñeñth ateth kothapeꞌchen ña.

3 San Juan 1:7

Ñewa, ñetpaꞌ oꞌ awanmoet atthoch serrpareꞌteññañetaꞌ Jesucristo poꞌñoñ tharraña ñetpaꞌ ama moeneñeto oꞌch es apapanet ñamha ñeñth ama ameꞌñetso.

El Apocalipsis 2:3

Ñamha napaꞌ neñotwenes ñeñth allpon semoeroxhtena nokop ñamha attho eꞌñe kowen saꞌwantaꞌwen moeroxhteñets, ama semoenmeꞌcheñe allo sethorrena.