San Juan 15:20 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁰ Seyerpach añ ñoñtsor ñeñth oꞌ notwas: “Allowen ñeñth yochreshats errothenchaꞌ perrñañet ñeñth yochreshaꞌtenawet, ñetpaꞌxhoꞌña eꞌñech atthekma apharethterret ñamet.” Attho napaꞌ kothareꞌtennet poeꞌmoñeꞌteñothetan, sapaꞌxhoꞌña poeꞌmoñeꞌteñothetaspaꞌ kothareꞌtasetchaꞌ samha. Attho napaꞌ ama ameꞌñerrnaneto neñoñ, sapaꞌxhoꞌña amach ameꞌñerrnaseto samha señoñ.

San Juan 15:20 Iomraidhean Croise

San Mateo 10:24

‘Ñamha oꞌch noterrserr: Ñeñth yochreshatspaꞌ ñerraꞌm eꞌmoñeꞌteññañet poꞌmaestror, eꞌñech atthekma eꞌmoñeꞌterrñañet ñamha ñeñth poeyochreshaxhno pen. Ñamha ñeñth ñañretsotyets ñerraꞌm eꞌmoñeꞌteññañet pamoꞌmteꞌ eꞌñech atthekma eꞌmoñeꞌterrñañet ñamha poeñañreshaxhno.

San Marcos 10:39

Ñetñapaꞌ ateth ochet: —Yapaꞌxhoꞌña atethchaꞌkaꞌye yepha. Ñañapaꞌ alla oterraneterr: —Ñewa, poꞌñoxhpaꞌ saꞌmoeroxhtatarethterrach samha attheschaꞌ ñerraꞌm na, saꞌmtsarethterrach samha.

San Lucas 2:34

Oꞌ eñoranaꞌtwanet poeꞌmaretholletpaꞌ allempoñapaꞌ enamatanet ñamet ñokpoet Yompor paꞌnateña. Allempoñapaꞌ otoñ pachor María, ñeñthpaꞌ ateth och: —Peñochepaꞌch añ cheshatholl ñeñthpaꞌ ñeñthña onañcheꞌth awath Yompor. Ñokoppaꞌ shonteꞌch israelenaꞌtarneshaꞌ ñeñthchaꞌ ama ameꞌñerrayo ñeñthchaꞌ chenkërrtsa. Tharraña eñall ñamha shonteꞌ poꞌpotantañ ñeñthchaꞌ ameꞌñerraya ñeñthchaꞌ kowenoꞌtsenterrtsa. Tharroꞌmar Pomporpaꞌ añekopña moeñer allochñapaꞌ ñach eñotaterrawet ñapaꞌ Pomporeshoth wapa. Tharraña shonteꞌch acheñ ñeñthchaꞌ achmhareꞌterreꞌ.

San Lucas 6:40

‘Ñeñth ayxhatarethtetsapaꞌ amaꞌt poesheñarra amach errothenoth metanetoña ñeñth allpon eñoten ñeñth yexhateneꞌ. Amaꞌt allempo eꞌñe ayxhatarethtapaꞌ eꞌñech allpona yexhaꞌ ñeñth allpon eñoten ñamha ñeñth yexhateꞌ.

San Juan 10:31

Ñeñthoꞌmarña allempo judioneshaꞌ ñetpaꞌ chetet mapoeꞌ alloꞌch rrolleꞌchet.

San Juan 11:57

Ñewa, ñeñth paꞌmhchaꞌtaretherneshaꞌ pen allowen judioneshaꞌ poꞌkornaneshar ñamha fariseoneshaꞌ ñetpaꞌ ateth otyeset acheñeneshaꞌ: —Ñerraꞌm eseshaschaꞌ eñoteꞌ erroꞌtsentheꞌña Jesúspaꞌ oꞌch sotey ya allochñapaꞌ oꞌch yerrmach.

San Juan 13:16

Poꞌñoxhkaꞌye oꞌch notas: Ñeñth ayochreshath ñerraꞌm ama esoyeꞌ enteno ñañeña amaꞌt eꞌñe mamesha, ñeñthña poeyochreshaxhno pen eꞌñepaꞌch atthekmoet amach esoyeꞌ enteneto eꞌñe ñañeñeta. Amaꞌt na ñeñthen allsensarethen ama esoyeꞌ nenteno amaꞌt mamesha, ñeñthchaꞌ nellsensaꞌyes namhapaꞌ amoepaꞌchña esoyeꞌ enteneto eꞌñe ñañeñeta.

San Juan 5:16

Ateth pena Jesús añe yethro allempo amesen judioneshaꞌ ñeñthoꞌmarña ñetpaꞌ oꞌpateñet Jesús.

San Juan 7:32

Fariseoneshaꞌñapaꞌ eꞌmareꞌteñet shonteꞌ acheñeneshaꞌpaꞌ eꞌñe kowen eñosyenet Jesúsokop. Ñeñthoꞌmar ñet ñamha ñeñth paꞌmhchaꞌtaretherneshaꞌ pen allowen judioneshaꞌ poꞌkornaneshar, ñetñapaꞌ moeñet guardianeshaꞌ ñeñthchaꞌ rromoenayañ Jesús.

San Juan 8:51

Poꞌñoxhkaꞌ notenes: Ñerraꞌm eseshaꞌ eꞌñe kothapeꞌcherreꞌ neñoñpaꞌ ñetña amaꞌt awathapaꞌ amach eꞌñe poktakma rromoerreto.

San Juan 8:52

Judioneshaꞌñapaꞌ alla otereterr: —Theꞌña poꞌñoxh yapaꞌ oꞌ yeñotaph phapaꞌ xha chorrenpha oneñeth. Amaꞌt Abrahampaꞌ oꞌ rromoen ñamha ñeñth aꞌmhtaꞌyesayeꞌth Yompor poꞌñoñ ñeñthpaꞌxhoꞌña oꞌ kollaꞌwenet. Theꞌña phapaꞌ ateth photeney eseshoꞌch kothapeꞌcherreꞌ peñoñpaꞌ amaꞌt awathapaꞌ añoꞌch rromoerreto.

San Juan 8:59

Ñetñapaꞌ allentha chetet mapoeꞌpaꞌ oꞌch rrolleꞌchetañ tharraña Jesúsña aꞌnawa xhaꞌnerr Parets paꞌpakllothpaꞌ oꞌ awerr oꞌ sowanerranet.

Los Hechos 14:22

Ora allowanen taꞌyeset yenpoet ñeñth ameꞌñetsa atthothchaꞌ womenk pet poeyoxher. Oꞌ kothapeꞌchatanet ñamha atthoch xhokma yemchet Yompor amaꞌt esempo wapanet moeroxhteñets. Tharroꞌmar eꞌñe yemoeroxhteñoth yexhapchaꞌ all amhchaꞌtarethtena Yompor.

1 Corintios 4:12

Eꞌñe yethorreñoth nanak yetarwasen eꞌñe ya yototh. Ñamha ñerraꞌm esempo sasareꞌtenyetpaꞌ yañapaꞌ oꞌch yenamatenanet Yompor paꞌnateña ñokpoet. Ñamha ñerraꞌm esempo poeꞌmoñeꞌteñothet kothareꞌtenyetpaꞌ yañapaꞌ atthach yaꞌwantenanet.

2 Corintios 4:9

Ñewa, amaꞌtchaꞌ kothareꞌteney ñeñth yeꞌmoñeꞌteneꞌ tharraña Yomporpaꞌ amach aꞌypoꞌñenye amaꞌt mamesha. Amaꞌtchaꞌ oꞌshsheꞌmayet patsopaꞌ xhokmach alla yetanterra.

1 Tesalonicenses 2:15

Ñeñthara judioneshaꞌ ñeñth moetseꞌ Yepartseshar Jesús ñamha ñet moetsanateteꞌth ñeñth aꞌmhtaꞌyesayeꞌth awath Yompor poꞌñoñ. Amaꞌt theꞌ yapaꞌxhoꞌña poeꞌmoñeꞌteñothetay oꞌ kothareꞌterryeterr yamha. Ñeñthoꞌmarña Yomporpaꞌ amaꞌt eꞌñe mameshapaꞌ ama kowenayeꞌ entenaneto tharroꞌmar ñetpaꞌ añeꞌna eꞌmoñeꞌtenet allowen paꞌnamen acheñeneshaꞌ.

2 Timoteo 3:12

Ñewa, yapaꞌ yeñoteñ erraꞌtsenchaꞌ moenats oꞌch kothan eꞌñe kowen Cristo Jesúspaꞌ xhokmach moeroxhtatanet ñeñth eꞌmoñeꞌtenawet.