San Juan 15:16 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁶ Sapaꞌ ama sayeꞌ naꞌkrerraye, napaꞌ naña saꞌkrerreꞌña sa. Atthoña oꞌ napoerresña llesens atthoch seta meꞌtarsats atthoch eꞌñe kowen es sorrtatyen ñeñth kowen enten Yompor. Ñeñthpaꞌ ñeñthchaꞌ seꞌmer seperr ñeñthña seꞌmerpaꞌ amach awañañathterro amaꞌt awatha. Allochñapaꞌ amaꞌt erraꞌtsena senamoeñ Apa eꞌñe na nesoꞌchño eꞌñe seyemteñothen na, ñapaꞌ apaschaꞌ.

San Juan 15:16 Iomraidhean Croise

San Mateo 21:22

Amaꞌt allowen erraꞌtsenchaꞌ es senamh Yompor eꞌñe semaꞌyocheñoth, ñerraꞌm xho senamoeñ eꞌñe seyemteñokmañen, ñeñthñapaꞌ sagaphchaꞌ.

San Mateo 7:7

Jesúspaꞌ alla yexhaterraneterr poꞌpoñ, ñeñthpaꞌ ateth oterraneterr: —Eꞌñe senamoeñoth, Yomporñapaꞌ apaschaꞌ. Seꞌnameꞌteñothpaꞌ señchchaꞌ; sexhoreꞌteñoth, Yomporñapaꞌ eꞌñe poeꞌmhñoteñothespaꞌ eꞌñech kowen toramphsapas.

San Lucas 6:13

Tsapathña poetarenpaꞌ agotaꞌmoenan allowen ñeñth poeyochreshaxhno pen. Allempo xhaxhaꞌtet ñeshopaꞌ ñañapaꞌ oꞌ akrapan ñeñth xharrasheña ñeñth poechetsa epsheña ñeñthchaꞌ llesensaꞌ ñeñthchaꞌ serrpareꞌtyetsaꞌ allemeñ anetsoꞌmar.

San Juan 13:18

‘Ama allowenakpayaysoyeꞌ neñeno. Napaꞌ neñotenes eꞌñe poesheñaꞌttsospaꞌ ateth sokthapeꞌchyen seyoxhro. Amaꞌt neñotensoñ attheseñpaꞌ tharraña eꞌñe attha naꞌkrerres allochñapaꞌ atthoch etsoterra Yompor poꞌñoñ ñeñth ateth anwareth nokop awathotheñ, ñeñthpaꞌ ateth oten: “Ñeñth parro yerrallmeꞌchenpaꞌ ñepaꞌtchaꞌña tanterrtsa nokop.”

San Juan 15:19

Ñerraꞌm sa eꞌñe parro atthekmaseñ ñeñth ama ameꞌñetso arr patsro, ñetñapaꞌ eꞌñetheꞌ kowen moerensetañ tharroꞌmar eꞌñekaꞌye ñeñthenaꞌtarekmas. Tharraña sapaꞌ ama eꞌñe atthekmayeꞌ separroꞌmarneshakmateno ateth pena allowen acheñeneshaꞌ ñeñth ama ameꞌñetso arr patsro. Sañapaꞌ oꞌ naꞌkrerres elloneth nokop. Ñeñthoꞌmarña acheñeneshaꞌ añ patsropaꞌ oꞌ eꞌmoñeꞌtaset samha.

San Juan 15:5

‘Napaꞌ na atthen ñerraꞌmrratheꞌ uvachrexhmoꞌr poeꞌchor, sapaꞌ sa poetakres. Eseshaꞌ neparrokmaterreꞌ ñamha napaꞌ eꞌñech neparrokmatenanet, ñeñthchaꞌña nanak meꞌtats. Ñerraꞌm aꞌyoꞌtsensa neshoth amatheꞌ errothenoth sorrtatyesoña ñeñth kowen enten Yompor.

San Juan 6:70

Jesúsña ateth otanet: —Napaꞌ nakaꞌyeña saꞌkrerreꞌña sa, xharrasheñas sepchena epa. Ñeñthña poesheñarrpaꞌ ñeñthpaꞌ oneñethenaꞌtar.

Los Hechos 1:24

Allempoñapaꞌ oꞌ maꞌyochet. Poemaꞌyocheñothetpaꞌ ateth otet: —Yompore, ñeñtheph enteneꞌ alloweney yeyoxher, theꞌpaꞌ oꞌch peñotatey erraꞌtsentheꞌ pemnen pha ñeñthchaꞌ ello alla sherberrets phokop ateth ñerraꞌm pellsensar.

Los Hechos 1:8

Jesúspaꞌ alla oterraneterr: —Añña pokteꞌ oꞌch señoch, ñerraꞌm esempoch waponasa Parets Poekamkëñ sesho, ñach awamenkath sephoseꞌ. Allempopaꞌ saꞌpothonchaꞌ neñoñ errapharen —Jerusaléño, ñamha ora Judeo, ñamha Samario, ñamha ora allowanen pats.

Los Hechos 10:41

Tharraña ama allowenakpayeꞌ orrterro, eꞌñe yañeñakpa ñeñthey naꞌ Yompor oꞌch yaꞌpothoñ ñeñth ateth peꞌth Jesús. Allempoña tanterrapaꞌ yapaꞌ yerrallmeꞌchapretwer ñamha yorrwerr koñeꞌthaꞌtets parro.

Los Hechos 22:14

Oꞌ alla oterrnerr Ananías: “Añ Yompor ñeñth Poꞌyomporer peꞌth yatañneshañ, ñakaꞌyeña phaꞌkrerreꞌña pha amaꞌt awathotheñ añekop oꞌch peñotwerrñañ ateth moenen ña. Oꞌ moenataph ñamha oꞌch penterrñañ phamha Poechemer ñeñth eꞌñe pokteꞌ es pets. Ñamha oꞌ moenataph oꞌch peꞌmhñotoñ eꞌñe ña poꞌñoñ ñeñth ateth oꞌ otwaph.

Los Hechos 9:15

Yepartsesharñapaꞌ alla otererr: —Tharraña amaꞌt ateth theꞌpaꞌ oꞌch aweph all, ñeñth ateth oꞌ notwaph. Theꞌpaꞌ oꞌ neneꞌ Saulo ñeñthchaꞌ naꞌpotheneꞌ neñoñ amhchaꞌtarethneshesho. Amaꞌt poꞌpoñexhno acheñeneshopaꞌ ñapaꞌ aꞌpothonchaꞌ neñoñ. Ñamha amaꞌt israelenaꞌtarneshopaꞌ oꞌch aꞌpothon neñoñ.

Romanos 1:13

Ñamha theꞌpaꞌ oꞌch masheñneshachaꞌ ñamha noxhaneshachaꞌ notas, amaꞌt awañmoꞌchotheñ nesechenañ oꞌch nabhchensaꞌ tharraña themeꞌttsenpaꞌ ama erroth nepeñe. Napaꞌ añekop nesechena ñamha atthoch seshopaꞌxhoꞌña oꞌtheꞌ nameꞌñateñaꞌ acheñeneshaꞌ ateth nephaꞌyena poꞌpoñ anetsoꞌmar.

Romanos 1:5

Ñamha yameꞌñeñoth ñeñthara Jesucristo, Pomporña eꞌñe poemoereñotheypaꞌ awoꞌt apoey llesens, allochñapaꞌ yach ameꞌñatyenawet amaꞌt errapharen allowen anetsoꞌmar. Atthochña eꞌñe koshaꞌyeññañet Yompor Poechemer.

Romanos 15:4

Ñamha allowen añ ñoñets ñeñth ateth akellkaꞌwareth awathotheñ, ñeñthpaꞌ yokpaꞌnaña ateth anareth. Allochñapaꞌ atthoch yapaꞌxhoꞌña oꞌch yexhaterryet ñeñth ateth moenen Yompor. Allochñapaꞌ atthochña womenk yepen yeyoxher Yomporekop. Ñamha añ ñoñets ñeñth ateth akellkaꞌwareth awathotheñpaꞌ nanakchaꞌ koshaterrey allochñapaꞌ atthothchaꞌña eꞌñe yoksheñeshaꞌ yeyemteññaña Yompor ñeñth oꞌpatatenya.

1 Corintios 10:11

Tharroꞌmar ñetpaꞌ ateth wapyesaneteꞌth paꞌnamen allochña yapaꞌxhoꞌña oꞌch yeñoch yamha ama pokteyaye oꞌch ateth yepha yamha. Ñeñthoꞌmarña amaꞌt awathpaꞌ ateth kellkët ateth peteꞌth allempo, ñeñthpaꞌ eꞌñe yokpaꞌnaña ñeñthey theꞌpaꞌxhoꞌña waponayach allempoch mellapoterra. Añpaꞌ ñeñth ateth yexhateney yamha amach yephatsto ateth peteꞌth ñet.

Gálatas 1:15

Tharraña Yomporpaꞌ awoꞌt akrerren awathotheñ amaꞌt allempo ama neꞌñalletenaꞌ. Tharroꞌmar allempo xhap allempoch eñotaterrenpaꞌ oꞌ yemtaterrna Poechemer ñeñthara Jesús. Eꞌñe poemoereñothen nanakpaꞌ oꞌ xhoreꞌterren atthoch nach serrpareꞌteꞌ poꞌñoñ alloꞌtsaꞌyen ñeñth ama judioneshayaye. Ñamha allempo eꞌñe pokteꞌ enteñ Yompor oꞌch eñotaten atethpaꞌ napaꞌ ama eseshaꞌ naꞌphthoꞌto amaꞌt poesheñarra.

Efesios 2:10

Tharraña Yomporpaꞌ oꞌ etserrataterrnay yokthaphña allochñapaꞌ atthoch eꞌñe kowen es yephaꞌyen. Poꞌñoxh eꞌñe yeparrokmateñoth Cristo, Yomporñapaꞌ oꞌ etserra yexhkaterrey. Tharroꞌmar ñapaꞌ amaꞌt awathotheñpaꞌ ateth kothapeꞌcheꞌth yokop atthochña yapaꞌ eꞌñepaꞌchña kowenareꞌ es yephaꞌyen.

Colosenses 1:23

Ñerraꞌm poꞌñoxh xhokmach sameꞌñera Cristo, ñerraꞌm eꞌñech womenk seperr seyoxher atthochña sapaꞌ amach sepoerrerro. Kowen ñoñets ñeñth oꞌ seꞌmwa alloch yekeshperra ñerraꞌm amach xha saꞌypoꞌñampere ñeñth oꞌ seyemterra Yomporñapaꞌ enterreschaꞌ oꞌ eꞌñe saꞌkowentatarethterra. Añ kowen ñoñets ñeñth oꞌ seꞌmareꞌtwa sa, theꞌñapaꞌ aserrpareꞌtatarethterrach ñamha allowen ñeñth korraꞌyetsa añe patsro. Ñeñthoꞌmarña na ñeñthen Pablon nach sherberrets theꞌñapaꞌ nach serrpareꞌtaterrawet.

Colosenses 1:6

Ñeñthña kowen ñoñets ñeñth xhapats sesho ñeñthña theꞌpaꞌ allemeñ xhapyen, allpaꞌxhoꞌña nanak ameꞌñatenana shonteꞌ acheñeneshaꞌ. Allpaꞌ alloꞌna senet orrtatyeset ñeñth eꞌñe kowen enten Yompor. Ñetpaꞌ eꞌñe ateth penet ateth sepena samha. Sa poꞌñoxh allempo errtes eꞌmoerreꞌ Yompor poꞌñoñ attho ñapaꞌ atarr morrentenya, sañapaꞌ eꞌñe allempotheñ xhaponasa seyoxhro ñeñthña ñoñetspaꞌ eꞌñe poꞌñoxh Yomporo poꞌñoñ. Allempotheñña sapaꞌxhoꞌña alloꞌna sesen orrtatyesnomoeꞌ ñeñth eꞌñe kowen enten Yompor.

1 Timoteo 2:7

Ñeñthoꞌmarña napaꞌ na allsensareth attho nach chopeñeꞌchats errakmañen attho eꞌñe na neserrpareꞌtateñothpaꞌ oꞌch nameꞌñatyesanet ñeñth eꞌñe poꞌñoxh Yompor poꞌñoñ, amaꞌt ñeñth ama judioneshayaye. Ñeñth ateth noten eꞌñe nameꞌñeñoth Cristo ñeñthpaꞌ eꞌñe poꞌñoxh tharroꞌmar ñeñthpaꞌ ama shekëñtsoyaye.

2 Timoteo 1:11

Ñeñthña añ kowen ñoñetspaꞌ ñeñthekop allsensarethen atthoch nach aꞌpotheꞌ allemeñ acheñenesheshoꞌmar amaꞌt ñamha ñeñth ama judioneshayaye, ñamha atthoch nach yexhatyesawet ñeñthara añ ñoñets.

2 Timoteo 2:2

Allpon peꞌmoneꞌth ñeñth ateth neserrpareꞌtacheꞌth shonteꞌ acheñeneshaꞌpaꞌ phapaꞌxhoꞌña theꞌpaꞌ atthekmach peyxhach poꞌpoñexhno ñeñth ameꞌñetsa atthoch ñetpaꞌxhoꞌña eñochet yexhatet allowen pamoꞌtseshaꞌ.

Tito 1:5

Theꞌpaꞌ oꞌch notaph, napaꞌ attho nenaꞌnmaph awaña Creto atthoch phach aꞌpoktatyeseꞌ ñeñth palltaꞌyetsa, ñamha phach akraꞌyeseꞌ poesheñaꞌtets ñeñthchaꞌ penaꞌyes allemeñ anetsoꞌmar ñeñthchaꞌ pomporneshaꞌ phaꞌyes ñeñth ameꞌñetsa. Añmapaꞌ ñeñthña ateth notnomoeph awañmoꞌcha.

Hebreos 11:4

Ñamha Abel awath attho yemtaneꞌth Yompor, ñapaꞌ apan Yompor ñeñth atarr koshateꞌ. Paꞌmoꞌnasheñña Caín amaꞌt apaneñ ñamha Yompor, ñeñthñapaꞌ ama koshatano Yompor. Ñeñthoꞌmar Yomporpaꞌ eꞌñe kowen agapan ñeñth aph Abel; atthoña Yomporpaꞌ eñotatanet eꞌñe pokteꞌ entapretan Abel. Tharraña Abel amaꞌt rromañpaꞌ attho atarr yemtaneꞌth Yompor, ñeñthpaꞌ eꞌñe themeꞌttsen eñotateney ñeñth kowen enten Yompor. Ñeñthpaꞌ atthemaꞌth ñerraꞌmrratheꞌ Abelpaꞌ themeꞌttsen serrpareꞌtateney kowen.

Santiago 3:18

Ñeñthña maꞌyoxhrenaya atthoch eꞌñe kowen yentannenapaꞌ ñeñthpaꞌ añ moenen oꞌch etsotan atthoch alloweneypaꞌ oꞌch yephowerra ñeñth ateth pokteꞌ enten Yompor.

1 San Pedro 3:15

Añchaꞌña oꞌch seyemcha Cristo eꞌñe seyoxhrowen. Oꞌch senteñ Cristo atarr kowen Parets ñeñth Yepartseshar yepen. Ñerraꞌm esempo eseshaꞌpaꞌ oꞌch aꞌphthoꞌtas ¿esoꞌmartheꞌña atarr sameꞌñeñaña Cristo? sapaꞌ xhokmoepaꞌchña eꞌñe kowen señoteñña atethchaꞌ sanap eꞌñe kowen. Eꞌñe semoereñoth eꞌñech akopha sanapanet eꞌñe kowen eꞌñe semhchaꞌnaꞌteñothanet.

1 San Juan 4:10

Arrpaꞌ all orrtatonay Yompor ñeñth eꞌñe poꞌñoxh morrenteñets: Allempo ya amaꞌt mameshapaꞌ ama yemorrentpeño Yompor, ñañapaꞌ allempotheñ atarr morrentenya ya. Ñeñthoꞌmarña ñapaꞌ moeñonay Poechemer ñeñthchaꞌ yetsaꞌterroya yoꞌchñar.

1 San Juan 4:19

Yomporpaꞌ oꞌ eꞌñe morrenterrya yanom, ñeñthoꞌmarña yapaꞌxhoꞌña theꞌpaꞌ oꞌch eꞌñe yemorrentera yamha.