San Juan 15:13 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹³ Añmapaꞌ ñeñthña eꞌñe poꞌñoxh morrenteñets, oꞌch yaꞌrroya yañeña oꞌch yerroma añekop ñeñth atarr yemorrentyena.

San Juan 15:13 Iomraidhean Croise

San Lucas 12:4

Theꞌpaꞌ oꞌch notas masheñneshachaꞌ, amach aña semhchaꞌtatsto ñeñthchaꞌ semtseꞌ. Tharroꞌmar añach moetsonaset sechets, sekamkëññapaꞌ amach errothenoth moetsonaseto.

San Juan 10:11

Napaꞌ na ñeñthen kowen kowampeneꞌ carnero. Ñeñth eꞌñe kowen kowampeneꞌ carnero ñapaꞌ eꞌñe ñañeña aꞌrroyerrtsa oꞌch rroma poꞌcarnerorekop.

San Juan 10:15

Ateth pena Apa eꞌñe eñotenen, nañapaꞌ eꞌñe neñoteñ namha Apa. Napaꞌ eꞌñe nañeña oꞌch naꞌrroyerra atthoch nerroma necarnerorekop.

San Juan 17:19

Ñeñthoꞌmarña ñokpoet nañapaꞌ oꞌ naꞌrroyerra phokop, atthochña ñetpaꞌxhoꞌña aꞌkowentatarethterretchaꞌ Partsokop. Ñeñthpaꞌ eꞌñe poꞌñoxh ateth photeney pha peñoñoth ama shekëñtsoyaye.

Efesios 5:2

Elloña Cristopaꞌ atarr morrentenya. Ñeñthoꞌmarña eꞌñe pokteꞌ eñch atthoña poma ñañeña attho rroma yokop ateth peteꞌth awath allempo moetseteꞌth carnero Yomporekop. Ñeñthña eꞌñe kowen enteꞌth Yompor eꞌñe ateth ñerraꞌmrratheꞌ ñeñth allo atarr eñmosathtamphsacheteꞌth awath ña. Attho atarr morrentya Cristo, yokoppaꞌxhoꞌña añ poktetsa eꞌñech kowen yemorrentannaꞌtwena.

1 San Juan 3:16

Arrpaꞌ atthoña eꞌñe yeñoteñña ñeñth ateth penaña eꞌñe poꞌñoxh morrenteñets, atthoña Jesucristopaꞌ aꞌrroya ñañeña atthoch rroma yokop. Yapaꞌxhoꞌña eꞌñepaꞌchña pokteꞌ yeñch oꞌch yaꞌrroya yañeña atthoch yerroma yamoꞌtseshakop.