San Juan 15:12 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹² Añña ñeñth notenes: Atarrepaꞌch semorrentannena allowenes ateth nepena namha atarr nemorrentensa samha.

San Juan 15:12 Iomraidhean Croise

San Juan 13:34

Ñamha oꞌch notas atethchaꞌ sephannena ñeñth eꞌñe etserra: Semoerannaꞌtepaꞌch. Ateth nepenes sa atarr nemoerensa, sapaꞌxhoꞌña atarrepaꞌchña semoerannena.

San Juan 15:17

Añkaꞌyeña notenes: Xhokmoepaꞌch atarr kowen semorrentannena.

Romanos 12:10

Ñamha añ poktetsa amorrentannaꞌtpoꞌch yentannena alloweney ateth ñerraꞌm poꞌñoxh eꞌñe yemoꞌnasheñ yephannena. Oꞌch ateth yeñch poꞌpsheñeñ ñapaꞌ atarr sherben, amachña yañeña nanak asherben entetso.

Efesios 5:2

Elloña Cristopaꞌ atarr morrentenya. Ñeñthoꞌmarña eꞌñe pokteꞌ eñch atthoña poma ñañeña attho rroma yokop ateth peteꞌth awath allempo moetseteꞌth carnero Yomporekop. Ñeñthña eꞌñe kowen enteꞌth Yompor eꞌñe ateth ñerraꞌmrratheꞌ ñeñth allo atarr eñmosathtamphsacheteꞌth awath ña. Attho atarr morrentya Cristo, yokoppaꞌxhoꞌña añ poktetsa eꞌñech kowen yemorrentannaꞌtwena.

1 Tesalonicenses 3:12

Yepartsesharepaꞌchña atontaterreꞌña semorrenteña allochñapaꞌ alloꞌnach nanak sesen morrentannaꞌttsa eꞌñe sagattsa atthochña alloꞌnach sesen morrentenaya allowen acheñeneshaꞌ, eꞌñe ateth yepena ya sapaꞌ nanak yemorrentensa.

1 Tesalonicenses 4:9

Attho semorrenteña allowen masheñneshaxhnopaꞌ theꞌña sapaꞌ ama sepallteno oꞌch alla noterrserr necartoth, sapaꞌ oꞌ eñotaterres Yompor atthoch semorrentannerra allowenes.

2 Tesalonicenses 1:3

Oꞌch masheñneshachaꞌ ñamha noxhaneshachaꞌ notas, eꞌñe pokteꞌ xhokmach yeparasyosoꞌteñ Yompor sokop tharroꞌmar sapaꞌ poꞌñoxh alloꞌna sesen ameꞌñaꞌnmaya Yompor ñamha allowenes eꞌñe poesheñaꞌttsospaꞌ alloꞌna sesen morrentannaꞌtyesnomtsa.

1 San Pedro 1:22

Sapaꞌ oꞌ sameꞌñaꞌwa ñoñets ñeñth eꞌñe poꞌñoxh Yompor poꞌñoñ. Ñeñthoꞌmarña eꞌñe Parets poꞌwamenkoth oꞌ seswanom allpon sosyaꞌtsañ ñeñth seyoxhroꞌtsen, atthothchaꞌ eꞌñe semorrentannaꞌta. Theꞌñapaꞌ semorrentannaꞌtepaꞌch poktakma eꞌñe seyoxhrokmañen.

1 San Pedro 3:8

Theꞌñapaꞌ oꞌch notas allowenes. Añ poktetsa oꞌch sokthapeꞌcherr eꞌñe pathrra ñeñth amoerañtetsa. Ñamha oꞌch sellkapretannaꞌta ñerraꞌm esempo es sellkatyeneꞌ. Ñamha eꞌñech kowen yemorrentannaꞌta alloweney ñeñthey ameꞌñetsa, ñamha eꞌñech kowen yemoerannaꞌta. Oꞌch es yentaprech poꞌpsheñeñ eꞌñe kowen, amachña yañeña eꞌñe kowen entatstatso.

1 San Pedro 4:8

Añpaꞌ ñeñthña ñanom nanak sherbets: oꞌch yemorrentannaꞌta nanak eꞌñe yeyoxhrokmañen. Yemorrentanneñothpaꞌ oꞌch yephretnannaꞌta attho errothen yephannena.

1 San Juan 3:23

Yompor poꞌñoñoth ateth oteney oꞌch eꞌñe kowen yameꞌñerrñaña Poechemer ñeñth Jesucristo. Ñamha oteney amoerannaꞌterrapoꞌch alloweney, ateth oteneyña ña.

1 San Juan 4:21

Yompor poꞌñoñ ñeñth yoteneꞌ: Ñerraꞌm poꞌñoxh yemorrenteña Yompor, yamoꞌtspaꞌxhoꞌña eꞌñepaꞌchña kowen yemorrentenanet.

2 San Juan 1:5

Oꞌch noxheshachaꞌ neyerpatapha, alloꞌnepaꞌch amorrentannaꞌtpoꞌ sentannena allowenes. Ñeñth ateth noteneph arr nekellkothpaꞌ ñeñthpaꞌ ama añeyaye ñoñets ñeñth ama seꞌmare. Amaꞌt allempotheñ eꞌñe errteꞌ sameꞌñerrapaꞌ allempotheñ seꞌmoerrña ñeñth ñoñets.