San Juan 15:10 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁰ Ñerraꞌm sameꞌñennana neñoñ ñeñth ateth notenes eꞌñech señotenen napaꞌ atarr nemorrentensa. Ateth nepena na eꞌñe nameꞌñeññaña Nompor poꞌñoñ ñeñth ateth otenen, ñeñthoꞌmarña napaꞌ eꞌñe neñoteñ ñapaꞌ atarr morrentenna namha.

San Juan 15:10 Iomraidhean Croise

San Juan 10:18

Amaꞌt eseshapaꞌ amach poerratampesnoña nokrreña, napaꞌ na ñeñthen aꞌrroyetsa eꞌñe nañeña. Napaꞌ anarethen atthoch naꞌrroya oꞌch nerroma; anarethen ñamha atthoch ellopaꞌ oꞌch alla netanterra. Ñeñthpaꞌ Apaña noteneꞌ atethchaꞌ nepha. Arrpaꞌ allowa ateth tomaꞌntatenanet allowen ñeñthchaꞌ ameꞌñerraya ñeñthña poꞌcarneror pen ñeñthchaꞌ atarr kowen kowampen.

San Juan 12:49

Tharroꞌmar napaꞌ ama eꞌñe nothayeꞌ neñeno. Apaña ñeñth nellsenseneꞌ ñapaꞌ ñaña noteneꞌ atethchaꞌ notas ñamha atethchaꞌ neꞌñoranaꞌtasa.

San Juan 14:15

‘Ñerraꞌm sa poꞌñoxh semorrentennatheꞌpaꞌ oꞌch sameꞌñerrnana neñoñ ñeñth ateth notenes.

San Juan 14:21

Ñerraꞌm eseshaꞌ eꞌmhñoterreꞌ neñoñ ñamha eꞌñech ateth perret ñeñth ateth notenanet ñetñapaꞌ ñeñthet eꞌñe poꞌñoxh nemorrentenaya. Ñeñthña nemorrentenaya napaꞌ ñetñapaꞌ Apach atarr morrentenawet. Napaꞌxhoꞌña atarr nemorrentenanet, nañapaꞌ neñotaterranetchaꞌ eꞌñe poꞌñoxh ñeñth ateth nepena na.

San Juan 14:23

Jesúsñapaꞌ ateth oterraneterr: —Ñerraꞌm eseshaꞌch nemorrentaya na eꞌñechña ateth perret ñeñth ateth notenanet. Apañapaꞌ atarrchaꞌ morrentenanet. Ñeshetoñapaꞌ yexhapchaꞌ atthoch yeyxherra ñet poeyoxhreto.

San Juan 14:31

Napaꞌ añchaꞌña ateth nepha ñeñth ateth otenen Apa. Atthochña acheñeneshaꞌ arr patsropaꞌ eñochetchaꞌ na poꞌñoxhpaꞌ eꞌñe nemorrenteña Apa. Theꞌpaꞌ sathomxhaꞌt oꞌch awey arroth.

San Juan 17:4

‘Napaꞌ oꞌ eꞌñe nekowentatwonaph arr patsro. Oꞌ eꞌñe netsotwonaph ñamha petarwas ñeñth ateth photen.

San Juan 4:34

Jesúsñapaꞌ alla oterraneterr: —Añkaꞌyeña nerrar nepen oꞌch nepha ateth moenen Nompor ñeñth nellsenseneꞌ, tharroꞌmar ñeñthpaꞌ atthochña eꞌñe netsotwoñ poꞌtarwas.

San Juan 8:29

Ñeñth nellsenseneꞌ ñapaꞌ eꞌñe parroꞌtsenen. Ama aꞌmontsenno, tharroꞌmar napaꞌ eꞌñe xhokma ateth nepena ñeñth moenen ña.

San Juan 8:55

Sapaꞌ amakaꞌye señoteñe tharraña napaꞌ neñoteñkaꞌye. Ñerraꞌm na otetseñ ama neñoteñe napaꞌxhoꞌña attheneñtheꞌ ñerraꞌm sa, xhatheꞌ neshkareꞌtensoñ. Napaꞌ eꞌñe poꞌñoxh neñoteñ ñeñthoꞌmar xhokma nokthapeꞌcheññañ poꞌñoñ.

1 Corintios 7:19

Amaꞌt yaꞌtsorrarethtatstapaꞌ ñeñthpaꞌ ama es sherbeno. Ñamha amaꞌt ama yaꞌtsorrarethtatstopaꞌ ñeñthpaꞌxhoꞌña ama es sherbeno. Añña nanak sherbets oꞌch yepha ñeñth ateth oteney Yompor.

1 Tesalonicenses 4:1

Theꞌña, masheñneshachaꞌ ñamha noxhaneshachaꞌ, napaꞌ oꞌch notas, eꞌñe yameꞌñeñoth Yepartseshar Jesús, sapaꞌ alloꞌnepaꞌchña kowen sesen orrtatyesneneꞌ ñeñth ateth eꞌñe pokteꞌ enten Yompor ñeñth yeyxhatwas awañmoꞌchotheñ.

Hebreos 7:26

Ñeñthpaꞌ eꞌñekaꞌye pokteꞌña yokop oꞌch yechen Yekorneshar ñeñth Cristo tharroꞌmar ñapaꞌ eꞌñe kowen Parets, ama eñalle poꞌchñar amaꞌt mamesha ñeñthchaꞌ aꞌsosyateneꞌ. Ñapaꞌ oꞌ sowanerran allowen ñeñth kotheneꞌ sosyaꞌtsañ oꞌ alla xherr allowanen Yompor poeꞌntaño allña partsotapretenan Pompor.

2 San Pedro 2:21

Awathpaꞌ yoroxhenoꞌtseney tharroꞌmar ama yentare ñeñth poktetsa Partsokop. Theꞌñapaꞌ oꞌ yenter ñeñth poktetsa. Tharraña ñerraꞌm theꞌpaꞌ oꞌch alla yepoerrerra ñamha oꞌch alla yepoeswerrñañ poꞌñoñ ateth oteney Parets, theꞌñapaꞌ yañapaꞌ elloña nanakchaꞌ yoroxhenoꞌtseney.

1 San Juan 2:3

Ñerraꞌm eꞌñe poꞌñoxh yameꞌñerrñaña Yompor poꞌñoñ ñeñth ateth oteney allempoñapaꞌ eꞌñech poꞌñoxh yeñoter ñeñth ateth pena ña.

1 San Juan 2:5

Tharraña ñerraꞌm eseshaꞌ eꞌñe poꞌñoxh ameꞌñerraya Yompor poꞌñoñ ñeñth ateth oteney, ña poꞌñoxhpaꞌ oꞌ morrenterrana Yompor eꞌñe poeyoxhrokmañen. Ñeñthpaꞌ atthoña yeñoteñ poꞌñoxhpaꞌ oꞌ yeparrokmaterr epay Yompor.

1 San Juan 2:6

Ñerraꞌm eseshaꞌ otets, ñapaꞌ eꞌñoꞌ parrokmaten epoet Yompor, ñeñthepñapaꞌ orrtatyesanepaꞌña ñeñth ateth phaꞌyeseꞌth Yompor Poechemer ñeñth Jesucristo.

1 San Juan 5:3

Attho yemorrenteña Yompor xhoch yameꞌñerrñaña poꞌñoñ ñeñth ateth oteney. Oꞌch eꞌñe yepena ñeñth ateth oteney, ñeñthpaꞌ ama thorrapawoyaye.

El Apocalipsis 22:14

Atarr kosheñtsoꞌtsen allowen ñeñth eꞌñe pokteꞌ enten Yompor oꞌch tsomwerrñañet Yompor poenaren alloch eꞌñe korrerret poktakma. Allempopaꞌ amach alla rromoerreteꞌthe. Ñeñthpaꞌ ñeñthchaꞌña eꞌñe yomhaꞌwerret ñesho. Ñewa, ñeñth eꞌñe pokteꞌ enten Yompor ñeñthpaꞌ allowen ñeñth eꞌñe eꞌshowarethterra poꞌchñar eꞌñe pameꞌñeñothet Cristo. Ñatoꞌ oꞌch netmaꞌntacha ateth: Ñetpaꞌ oꞌ eꞌñe tsamaꞌtwerret paꞌshtamoet atthoch eꞌñe pokteꞌ entanet Yompor oꞌch beꞌthoset yetarro eshekchaꞌ xhapoet Yompor paꞌnetsro.