San Juan 14:6 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁶ Jesúsñapaꞌ ateth och: —Napaꞌ na thoñetets ñeñthen alloch sexherr Yomporesho, napaꞌ na ñeñthen soteneꞌ ñeñth eꞌñe poꞌñoxh Yompor poꞌñoñ, napaꞌ na ñeñthen alloch eꞌñe sokrrena. Amach eseshaꞌ xherrtso Yomporesho ñerraꞌm ama nanom ameꞌñerreto.

San Juan 14:6 Iomraidhean Croise

San Mateo 11:27

Jesúspaꞌ alla oterranerr acheñeneshaꞌ: —Nompor allowen poꞌkowenña eꞌñe eñotatwenen. Na ñeñthen Poechemerenpaꞌ ama poꞌñoxh eseshayeꞌ neñotenaye, ñapthaña Nompor eꞌñe eñotenen. Nomporpaꞌxhoꞌña ama poꞌñoxh eseshayeꞌ eñotenaye napthaña na ñeñthen Poechemeren eꞌñe neñoteñ Nompor, ñamha erraꞌtsenchaꞌ ñeñth eꞌñe pokteꞌ nenten na ñeñthen Poechemeren ñeñthñapaꞌ oꞌch neñotater Nompor.

San Juan 1:14

Cristoña ñeñth Poꞌñoñ pen Yompor oꞌ acheñetos arr patsro, oꞌ yeyxhañ eꞌñe parro mameꞌ añe patsro. Ñapaꞌ atarr amoerañtosa. Ñamha attho yexhatosey Yompor poꞌñoñ ñeñthña ñoñetspaꞌ eꞌñe poꞌñoxh ateth, ama shekëñtsoyaye amaꞌt mamesha. Ñamha yapaꞌ xhokma yentoñeꞌth poꞌkowenña. Ñeñthña poꞌkowenñapaꞌ ateth ñerraꞌm Pompor ñeñth poꞌpathrror peneꞌ ña.

San Juan 1:17

Ñoñets ñeñth ateth anareth awathotheñpaꞌ ñeñth kellkonay Moisés awath. Tharraña Jesucristopaꞌ ñaña orrtatoseꞌña moereñets ñamha ñapaꞌ añ orrtatonay ñoñets ñeñth eꞌñe poꞌñoxh Yompor poꞌñoñ alloch yekeshperra.

San Juan 1:4

Ñañapaꞌ añepaꞌt ñeñth alloch eꞌñe yokrrena. Ñeñthña alloch eꞌñe yokrrenapaꞌ ñeñthchaꞌ yeñotaterreꞌ allowen ñeñth kowen enten Pompor Parets. Ñeñthoꞌmar ñapaꞌ ateth pena ñerraꞌmrratheꞌ poetareꞌ tharroꞌmar ñapaꞌ ñach aꞌpoetarsamperreꞌ allowen yokthaphña.

San Juan 10:28

Nañapaꞌ napoerranetchaꞌ atthochña ñetpaꞌ korretsetach thayotheñ errponañowen, ñetñapaꞌ amaꞌt awathapaꞌ amach chenkërreto. Amaꞌt eseshapaꞌ amach poerraterrnetoña eꞌñe na nototh.

San Juan 10:7

Allothñapaꞌ alla oterraneterr Jesús: —Poꞌñoxhkaꞌ notenes: Napaꞌ na yetarrotets allothchaꞌ beꞌthen carnero.

San Juan 10:9

Napaꞌ na yetarrotets. Ñerraꞌm eseshaꞌch beꞌthets nesho ñeñthpaꞌ keshperrach, beꞌtherretchaꞌ ñamha xhaꞌnerretchaꞌ enterretchaꞌ eꞌñe kowen poerrar. Ñewa, ñeñthpaꞌ añ otenanet: Ñerraꞌm eseshaꞌch ameꞌñaya ña ñetñapaꞌ keshperretchaꞌ. Ñachña kowamperrawet eꞌñe kowen amach es pallterreto.

San Juan 14:19

Oꞌ mameshamerra palltenmeñ ñeñthña ama ameꞌñetso arr patsro ñetñapaꞌ amach eseshayeꞌ nenterraye, tharraña sapaꞌ xhokmach senterren. Tharroꞌmar napaꞌ korretsana, ñeñthoꞌmarña sapaꞌxhoꞌña korretsasach.

San Juan 15:1

Jesúsñapaꞌ alla yexhaterraneterr ñapaꞌ añ tomaꞌntata ña uvachrexhmoꞌretets. Ñeñthoꞌmarña ateth otanet: —Napaꞌ na atthen ñerraꞌmrratheꞌ ñeñthen uvachrexhmoꞌretets ñeñth eꞌñe poꞌñoxh kowen sherbets. Nomporñapaꞌ ña amreꞌteneꞌ ñeñth uvachrexhmoꞌr.

San Juan 18:37

Pilatoñapaꞌ ateth otererr: —Ñeñthepñapaꞌ pepaꞌtkaꞌyeña amhchaꞌtareth. Jesúsñapaꞌ ateth otererr: —Na poꞌñoxhpaꞌ amhchaꞌtarethenkaꞌye eꞌñe ateth photenen pha. Napaꞌ ñeñthoꞌmarña neꞌñalletosa añe patsro atthoch nach aꞌpothoseꞌ ñeñth eꞌñe poꞌñoxh Yompor pokthaphña. Allowen ñeñth moeneneꞌ ñeñth eꞌñe poꞌñoxh Yompor pokthaphña, ñetñapaꞌ eꞌmhñotennet.

San Juan 5:21

Ñewa, yeñoteñ Apapaꞌ tantaterran arromñatheneshaꞌpaꞌ apoerranet allochña ñetpaꞌ korretsetach. Napaꞌxhoꞌña eꞌñekaꞌye ateth nepenaña namha ñeñthen Poechemeren. Ñerraꞌm erraꞌtsenchaꞌ nemnaꞌ na oꞌch napanet allochña ñetpaꞌ korretsetach atethchaꞌkaꞌye napoerranet.

San Juan 6:33

Naña sokrramh sepen ñeñthen oꞌ apoerres Nompor, napaꞌxhoꞌña entoth nowapa Yomporeshoth allochñapaꞌ acheñeneshaꞌña arr patsropaꞌ ñetñapaꞌ korretsetach.

San Juan 6:51

Eꞌñe poꞌñoxh napaꞌ na ñeñthen korramhtsotets alloch eꞌñe sokrra ñeñthen wapatsa entoth. Ñerraꞌm eseshaꞌ rreꞌ añ korrametspaꞌ ñetñapaꞌ korretsetach thayotheñ eꞌñe errponañowen. Añ korramets ñeñthchaꞌ nepomoerr na acheñeneshakop arr patsro alloch eꞌñe korrenet, ñeñthpaꞌ añkaꞌye nechets.

San Juan 6:57

Apa ñeñth nellsenseneꞌ ñapaꞌ ama arromñatheshayaye, ñakaꞌyeña napoeneꞌña attho napaꞌxhoꞌña korretsanach. Ateth nepena namha, allowen ñeñth pokrramh nepeneꞌ napaꞌxhoꞌña añ napoenanet atthoch ñetpaꞌxhoꞌña korretsetach ñamet.

San Juan 6:68

Simón Pedroñapaꞌ ateth och: —Partseshachaꞌ, eseshaꞌwatheꞌñakaꞌye yokthaꞌ. Phapthakaꞌye pechenña ñoñets atthochña yapaꞌ korretsayach thayotheñ errponañowen.

San Juan 8:32

Allempopaꞌ señoterrchaꞌ ñoñets ñeñth eꞌñe poꞌñoxh Yompor poꞌñoñ. Ñeñthña ñoñets poꞌñoxhpaꞌ toramperreschaꞌ eꞌñech kowenoꞌtsenes.

San Juan 8:51

Poꞌñoxhkaꞌ notenes: Ñerraꞌm eseshaꞌ eꞌñe kothapeꞌcherreꞌ neñoñpaꞌ ñetña amaꞌt awathapaꞌ amach eꞌñe poktakma rromoerreto.

Los Hechos 3:15

Ñañapaꞌ xhaña semtsach ñeñth alloch eꞌñe yokrra. Tharraña amaꞌt moetsetañpaꞌ añña Pomporpaꞌ oꞌ alla tantater. Tharroꞌmar yapaꞌ yeñoteñ yapaꞌ yenter amaꞌt allempo tantwerra.

Los Hechos 4:12

Poꞌpsheñeñpaꞌ ama eñalle alloch yekeshperra, tharroꞌmar ama eñalle poꞌpsheñeñ ñeñth anareth ñeñthchaꞌ yexhoreꞌt atthoch oꞌch aꞌkeshphatey. Amaꞌt ora errakmañen añe patsro ama eñalle atthoch yekeshperra, ñapthaña Jesús. Ñeñthpaꞌ allowa ateth otanet Pedro.

Los Hechos 9:2

Xhap alloꞌtsenpaꞌ oꞌ enamos orden atthoch aꞌkllatwan ñeñth ameꞌñetsa. Oꞌ enam orden ñeñthchaꞌ anom aꞌyo anetso Damasco allekma apxhenet judioneshaꞌ poꞌprawo. Oꞌch xhap allpaꞌ oꞌch aposan ñeñth amhchaꞌtarethtetsa poerawo. Atthoch apet all llesens atthoch rromanatan acheñ ñeñth kotheneꞌ Jesús pokthaphña. Amaꞌt koyaneshaxhno ñamha yakmaneshaxhno oꞌch rromanatanet oꞌch wankatanet oꞌch anmarethterret Jerusaléño. Ateth kothapeꞌchña Saulo.

Romanos 15:16

awoꞌt moenatenen nach thorretsa Jesucristokop. Errakmañen allemeñ anetsoꞌmar nethorrena, alloꞌtsaꞌyen acheñeneshaꞌ ñeñth ama judioneshayaye. Napaꞌ na aꞌpothenawet Yompor poꞌñoñ ñeñth poꞌñoxh alloch yekeshperra. Oꞌch nameꞌñatwera ñeñth ama judioneshayaye, allempoñapaꞌ atthochña newapatanet Yomporesho ateth ñerraꞌmrratheꞌ xho es yapoeñ Yompor, ñañapaꞌ ñeñthchaꞌña atarr koshateneꞌ. Allothñapaꞌ Paretsña Poekamkëññapaꞌ ñachña aꞌkowentatwerrawet. Atthochña eꞌñe kowen enteñet Yompor.

Romanos 5:2

Eꞌñe atthothña Cristopaꞌ xhapaterrey Yompor poemoereño atthoch xhokma bensareꞌtampeney; ñeñthpaꞌ eꞌñe yeyemteñoth Cristo. Ñamha yapaꞌ eꞌñech yoksheñeshaꞌ yekweñ esempowañenchaꞌ eꞌñe poktakma yekowentapretera Yompor.

Romanos 5:21

Atthoña eꞌñe yephatseꞌtyeñoth ñeñth ama kowenayayepaꞌ awoꞌt anarethta rromoeñets ñeñthchaꞌ yoꞌpatenaya ñeñthñapaꞌ koñcheñets. Tharraña elloña Jesucristo ñeñth Yepartseshar yepen awoꞌt orrtatonay attho Yomporpaꞌ nanak moererrya atthoña aꞌpoktatwerrnay yoꞌchñar. Atthochña yapaꞌ korretsayach yoksheñeshokmañen thayotheñ errponowañen.

1 Corintios 15:45

Ñeñthoꞌmarña amaꞌt Yompor poꞌñoño ateth anwareth awathotheñ, ñeñthpaꞌ ateth oten: “Allempo Adánpaꞌ yexhkach Yompor allempoñapaꞌ awoꞌt aph poꞌrrerrña atthoch korra eꞌñe poꞌchtsoth. Ñeñthoꞌmar Adánpaꞌ ñeñth ñanom acheñetats.” Tharraña chentaꞌñapaꞌ acheñetos ñamha Cristo atthoch ñach yapoerreꞌ ello oꞌch alla yokrraꞌwerra yekamkëñoth.

Efesios 2:18

Atthoña alloweney amaꞌt ñeñthey judioneshatets ñamha ñeñth ama judioneshayaye eꞌñe Cristeshothekma eꞌmhñoteneyña Yompor tharroꞌmar Poekamkëñpaꞌxhoꞌña eꞌñe pathrra ñeñth yechorrenaya alloweney.

Colosenses 2:17

Ñeñthpaꞌ paꞌchoyesheꞌmakaꞌye peñña ñeñth wapatsa. Ñeñth wapatsapaꞌ poꞌñoxhpaꞌ ñeñthkaꞌyeña Cristo ñeñth atarr sherbets.

Colosenses 2:9

Tharroꞌmar Cristo attho acheñetos ñepaꞌtña chorrenayaña allowen Yompor poꞌpartsoña.

Colosenses 3:4

Ñeñthoꞌmarña ñerraꞌm esempoch orrterra Cristo ñeñth allo eꞌñe yokrrena, allempoña sapaꞌxhoꞌña sorrterrach samha epas Cristo. Atthochña sapaꞌ oꞌch sekowentapretera samha.

Hebreos 7:25

Ñeñthoꞌmar Cristopaꞌ ña eñoteneꞌ atthoch xhokma aꞌkeshphatenan allowen ñeñth eꞌneneꞌ Yompor ñerraꞌm eꞌñe poeyemteñothet ña, tharroꞌmar ñapaꞌ xhokma alloꞌtsen Pomporesho allekma aꞌpoktatennay ñeñth eꞌñe kowen yokop.

Hebreos 9:8

Amaꞌt ñeñth ñewapotheꞌtsen poerawaꞌ allekma sherbhaꞌyen kornaneshaxhno ñeñth ateth anareth Partsokop, tharraña eꞌñe allowanen Parets poꞌponro añach beꞌthets ñeñth nanak korneshatets eꞌñe ñapoeth. Ñeñthoꞌmarña theꞌpaꞌ Parets Poekamkëñña yeñotateneꞌ attho ama atoramphsaretheyayye allowenakpay atthoch yexhapampeña Yompor all partsoten.

1 San Pedro 1:21

Yameꞌñeñoth Cristopaꞌ oꞌch yeyemterrñaña Pompor, tharroꞌmar Pomporpaꞌ oꞌ tantater amaꞌt oꞌ rromwa. Tantater atthoch alla eꞌñe kowentater Pompor. Ñeñthoꞌmarña theꞌ yapaꞌ oꞌch yeyemcha Yompor, oꞌch yekwameꞌtoñ ñeñth oꞌpatatenya.

1 San Pedro 2:4

Añ poktetsa oꞌch separrokmaterr epas Cristo. Cristo ñeñth atarr sherbets ateth ñerraꞌm mapoeꞌ ñeñth nenet kellpach paꞌrrphoth allo orratenet pokoll ñeñth nanak echarr. Tharraña mapoeꞌ amaꞌt nanak sherbenpaꞌ ama añeyaye alloch eꞌñe yokrra. Añña Cristo attho sherbenpaꞌ allochña eꞌñe yokrra poꞌñoxh. Amaꞌt acheñeneshaꞌ amaꞌt ama kowenayeꞌ enteñeto Cristopaꞌ Pomporñapaꞌ eꞌñe pokteꞌ enteñ. Pomporñapaꞌ ña akreꞌ ñeñthchaꞌ nanak sherbhats ñokop ateth ñerraꞌm mapoeꞌ ñeñth nanak kowen allochña thomatenan paꞌpakëll.

1 San Pedro 3:18

Amaꞌt Cristopaꞌxhoꞌña awathpaꞌ atarr moeroxhtacheteꞌth. Ñapaꞌ ña rromats eꞌñe parrocha allowenakpay atthothña tsaꞌtwerrnaya yoꞌchñar. Cristo amaꞌt ña ñeñth eꞌñe pokteꞌ es petspaꞌ atthoña rroma yokop ñeñthey ama pokteyeꞌ es petso. Tharroꞌmar rroma yokop atthothchaꞌ yeparrokmaterr epay Yompor. Ña amaꞌt rroma poꞌchtsothpaꞌ poekamkëññapaꞌ ama rromo.

1 San Juan 1:8

Tharraña ñerraꞌm xha yoten, “napaꞌ amakaꞌye eñalle noꞌchñar”, ñeñthñapaꞌ yañeñakaꞌye shekëtsa tharroꞌmar Yompor pokthaphña ñeñth eꞌñe poꞌñoxh kowenpaꞌ amakaꞌye xhennayoña yeyoxhro.

1 San Juan 2:23

Allowen ñeñth aꞌnasotenaya Yompor Poechemer, ñetpaꞌ Pomporeꞌnaña ama agëññañeto. Tharraña allowen ñeñth otets, Jesúspaꞌ Yomporo Poechemer ñeñth Cristotets, ñetñapaꞌ eꞌñe agëññañet Pompor.

1 San Juan 5:20

Yañapaꞌ yeñoteñ ñeñth Poechemer pen Yomporpaꞌ ñañapaꞌ oꞌ wapa. Ñaña yexhapaterreꞌña yeyoxhro atthochña yapaꞌ oꞌch yeñoter Yompor ñeñth eꞌñe poꞌñoxh Parets. Ñeñthoꞌmarña yeñoteñ oꞌ yeparrokmaterr epay ñeñth eꞌñe poꞌñoxh Yompor Poechemer ñeñthpaꞌ Jesucristo. Atthoña yapaꞌ oꞌ eꞌñe yeñoter Yompor ñeñth eꞌñe poꞌñoxh Parets, ñeñthña yapaꞌ allochña eꞌñe korretsayach yoksheñeshokmañen thayotheñ eꞌñe errponañowen.

1 San Juan 5:6

Ñeñtha Jesucristo allempo wapa arr patsro eñall ñeñth yeñotaterreꞌña ñapaꞌ eꞌñe poꞌñoxh Yomporeshoth wapa. Ñeñth ñanompaꞌ allempo attho apatarethta Yomporekop oño. Tharraña ama eꞌñe ñaptha oña yeñotataye ñapaꞌ eꞌñe poꞌñoxh Yompor Poechemer. Poꞌrrasoꞌnaña yeñotateꞌña allempo akorsoꞌtamphsarethterra; ñapaꞌ eꞌñe poꞌñoxh Yompor Poechemer. Ñamha Parets Poekamkëñ ñeñthpaꞌxhoꞌña ña yeñotaterreꞌña Jesúspaꞌ eꞌñe poꞌñoxh Yompor Poechemer tharroꞌmar Parets Poekamkëñpaꞌ errothen es eñotateney ñeñthpaꞌ eꞌñe poꞌñoxh ateth.

2 San Juan 1:9

Ñerraꞌm erraꞌtsenchaꞌ ama atthekmayeꞌ yexhatatso ñeñth ateth yexhateney Cristo, ñerraꞌm xha aꞌpoꞌpoñeteññañ poꞌñoñ, ñeñth ateth petsapaꞌ amach Yomporeyeꞌ yemteno. Añchaꞌña erraꞌtseneytheꞌ alloꞌna kotheneꞌ Cristo poꞌñoñ yapaꞌ eꞌñe poꞌñoxh yeyemteña Yompor Parets eꞌñe Poechemereꞌna.

El Apocalipsis 19:11

Allempoña poꞌpocheñopaꞌ alla nenterrerr atorareth enet. Allñapaꞌ alloꞌtsen kawall ñeñth atarr wallaphnanen. Ñeñth montenaya kawallpaꞌ añ socheñet, Ñeñth atarr Ayemoetpotetsa ñamha ñeñth eꞌñe Poꞌñoxh Yompor Poꞌñoñ. Tharroꞌmar ñapaꞌ erraꞌtsen pokteꞌ ent oꞌch koñchach, ñeñthña ñokoppaꞌ eꞌñe pokteꞌ. Ñamha ñerraꞌm ña kellaratawet ñeñthpaꞌxhoꞌña eꞌñe pokteꞌ ñokop.

El Apocalipsis 22:1

Allempoña mellañotheñpaꞌ oꞌ alla gaterrnerr poꞌñes. Ñeñthpaꞌ arroth wena konañoth alloꞌtsen Yompor epoet ñamha Poechemer Cristo ñeñth atmaꞌntatareth Carnero. Ñeñth oñpaꞌ atarr kowen, atarr llankasaseno poptasoꞌtena. Oñ ñeñth atarr kowen añ tomaꞌntena attho apoeney Yompor atthochña yapaꞌ korretsayach eꞌñe yoksheñeshokmañen errponowañen.

El Apocalipsis 22:17

Allowen ñeñth poeyochreshaꞌ pen Parets ñetpaꞌ atmaꞌntatarethtenet ateth ñerraꞌmrratheꞌ Cristo poethapor penawet. Atthoña ñet Parets Poekamkëñoth oteñet Cristo: —Aphon. Ñamha allowenes ñeñthes eꞌmhñoteneꞌ oꞌch soch samha Cristo: —Aphon. Ñamha allowenet ñeñth oñpaꞌtets ñeñth ama eñmatetso poeyoxhreto ñeñth xhokma es eꞌnyenet, ñetpaꞌxhoꞌña wapoetepaꞌ. Yoretepaꞌ añ oñ, allochñapaꞌ ñetpaꞌxhoꞌña korretsetach. Ñeñth oñpaꞌ eꞌñech attha aparethtet, amach es tsaꞌtayo amaꞌt eꞌñe koñeꞌtha.

El Apocalipsis 3:14

Ñeñth neserrpareꞌtateneꞌ ñapaꞌ alla oterrnerr: —Theꞌpaꞌ oꞌch pekellkërrerr carta añekop ñeñth kowampeneꞌ ñeñth ameꞌñetsa all anetso Laodicea, oꞌch photanet ateth: “Napaꞌ oꞌch nekellkonas carta atthoch neñotatas ñeñth ateth otenes Jesucristo ñeñth ama poenesho poꞌñoñ. Ñeñth ateth oteney Pomporekop ñeñthpaꞌ atethchaꞌ perrnay, ñamha ñeñth allpon oten, ñeñthpaꞌ eꞌñe poꞌñoxh ateth, ñamha ñeñthara Cristo ñeñth ñanom eñall, allothña Pomporpaꞌ yexhkatyesan allowen ñeñth allpon eñall.

El Apocalipsis 3:7

Ñeñth neserrpareꞌtateneꞌ ñapaꞌ alla oterrnerr: —Theꞌpaꞌ oꞌch pekellkërrerr carta añekop ñeñth kowampeneꞌ ñeñth ameꞌñetsa all anetso Filadelfia, oꞌch photanet ateth: “Napaꞌ oꞌch nekellkonas carta atthoch neñotatas ñeñth ateth otenes Jesucristo ñeñth eꞌñe Parets ñeñth eꞌñe poꞌñoxh allowen es oten. Ñeñthara Cristo ñeñth allsensareth ñach amhchaꞌtarethterrtsa eꞌñe ateth amhchaꞌtarethteꞌth David. Ñatoꞌ oꞌch netmaꞌntacha oꞌch not ñapaꞌ echenan David poꞌllave. Amaꞌt erraꞌtsenchaꞌ oꞌch torampenanet atthoch xhapanet Yompor poꞌkowenña amaꞌt eseshapaꞌ amach errothenoth alla epatareꞌterraneto. Ñamha ñerraꞌm ñach yottamperreꞌ amaꞌt eseshapaꞌ amach errothenoth torampereto.