San Juan 14:4 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴ Sapaꞌ eꞌñe señoteñ allchaꞌ neserr ñamha eꞌñe señoteñ atthoch sexherr samha all.

San Juan 14:4 Iomraidhean Croise

San Lucas 24:26

Amaꞌt señoteñeña ñeñthchaꞌ Cristotatspaꞌ atethkaꞌye anarethña ñokop ñapaꞌ atarrchaꞌkaꞌye amoeroxhtatarethetwanena xhoch rromats. Elloñapaꞌ oꞌch alla xherr esempo allempochña eꞌñe kowen aꞌkowentatarethterra.

San Juan 10:9

Napaꞌ na yetarrotets. Ñerraꞌm eseshaꞌch beꞌthets nesho ñeñthpaꞌ keshperrach, beꞌtherretchaꞌ ñamha xhaꞌnerretchaꞌ enterretchaꞌ eꞌñe kowen poerrar. Ñewa, ñeñthpaꞌ añ otenanet: Ñerraꞌm eseshaꞌch ameꞌñaya ña ñetñapaꞌ keshperretchaꞌ. Ñachña kowamperrawet eꞌñe kowen amach es pallterreto.

San Juan 12:26

Ñerraꞌm eseshaꞌ moenats oꞌch thorrenet nokop, kothaꞌnetepaꞌ atthochña eꞌñe neyochreshaꞌ neperranet. Tharroꞌmar ñerraꞌm erroꞌtsenenchaꞌ na ñeñth thorretsa nokop ñetpaꞌxhoꞌña alloꞌtsenetchaꞌ ñamet. Eꞌñe allowen erraꞌtsenchaꞌ thorrerrtsa nokop, Nomporñapaꞌ atarrchaꞌ kowentaterranet.

San Juan 14:2

Nompor paꞌnetsro all poeꞌntaño allpaꞌ shonteꞌ pokoll allchaꞌ seyxhaꞌwerra. Ñerraꞌm ama attheñepaꞌ napaꞌ amatheꞌ notasñe. Ñeñthoꞌmarña napaꞌ oꞌch awerren atthoch naññoꞌtwerrnas allchaꞌ seyxhaꞌwerra.

San Juan 14:28

Theꞌpaꞌ oꞌ seꞌmwe ateth oꞌ notwas, na oꞌch awerren, ellochña alla nowerrerr sesho. Ñerraꞌm poꞌñoxh semorrentennañ oꞌtheꞌ sokshañ tharroꞌmar napaꞌ oꞌch awerren Apoesho. Tharroꞌmar ñapaꞌ nanak awamenkatheshaꞌ, ello metanenen na.

San Juan 14:3

Ñerraꞌm oꞌch awerren napaꞌ naññoꞌtwerrnaschaꞌ allchaꞌ seyxhaꞌwerra. Ellochña nowerrerrpaꞌ allempochña eꞌñe nawerrsaꞌ nesho allochñapaꞌ alloꞌtseneychaꞌ eꞌñe parro.

San Juan 14:5

Tomásñapaꞌ ateth och: —Ayochreshathe, yapaꞌ amakaꞌye yeñotenpe errachña peserr. Errothenothwachkaꞌye yeñochtheꞌ atthoch yexherr yamha.

San Juan 16:28

Poꞌñoxh napaꞌ Apoeshoth nowapa, oꞌ nexhap añe patsro. Elloñapaꞌ oꞌch alla nesaꞌnerr añ pats, oꞌch alla awerren Apoesho.

San Juan 3:36

Eseshaꞌch ameꞌñenaya Yompor Poechemer ñetpaꞌ korretsetach poksheñeshokmañen thayotheñ amaꞌt errponañowen. Añña ñeñth athpareꞌteneꞌ Yompor Poechemer ñetpaꞌ amach enterreto ñeñth korreñtsor. Ñetñapaꞌ xhachkaꞌye koñchaterranet Yompor.

San Juan 6:40

Añmapaꞌ ñeñthña moenen Nompor: Erraꞌtsenchaꞌ neñoterreꞌ ñerraꞌm ameꞌñerrnetchaꞌ na ñeñthen Yompor Poechemeren, ñetñapaꞌ korretsetach poksheñeshokmañen thayotheñ amaꞌt errponañowen. Ñetñapaꞌ xhokmach netantaterranet esempowañen.