San Juan 14:24 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁴ Ñeñthoꞌmarña ñerraꞌm eseshaꞌ ama nemorrentayo amach ateth perreto ñeñth notenanet. Añ ñoñets ñeñth ateth seꞌmoennan ñeñthpaꞌ ama noyaye neñoñ, ñeñthpaꞌ Apoña poꞌñoñ ñeñth nellsenseneꞌ.

San Juan 14:24 Iomraidhean Croise

San Mateo 19:21

Jesúsñapaꞌ ateth otererr: —Ñerraꞌm añ pemnen oꞌch eꞌñe petsotwa ñeñth pepalltenmeñ theꞌpaꞌ añchaꞌña ateth peperra, oꞌch awerrephpaꞌ oꞌch pepomwerr ora allpon ñeñth pechyen oꞌch phapaꞌyeraꞌ wokchañneshaxhno ñeñth atarr es palltaꞌyetsa, atthochña phapaꞌ pecherrchaꞌ ñeñth atarr nanak sherbets Yompor poeꞌntaño. Allempochña pewerrapaꞌ oꞌch phoktherren atthoch eꞌñe neyochreshaꞌ neperreph eꞌñe poktakma.

San Juan 14:10

Phapaꞌ amaꞌtña phameꞌñenno napaꞌ eꞌñe neparrokmaten epan Apa, Apapaꞌxhoꞌña eꞌñe parrokmatenna. Ñeñth ateth notenespaꞌ ama nothayeꞌ ateth notenso. Apaña ñeñth neparrokmaten, ñapaꞌ eꞌñe etsotatennan ñeñth ateth nephaꞌyen.

San Juan 14:15

‘Ñerraꞌm sa poꞌñoxh semorrentennatheꞌpaꞌ oꞌch sameꞌñerrnana neñoñ ñeñth ateth notenes.

San Juan 14:25

‘Añmapaꞌ tharroꞌmar ateth notenes thayepaꞌtñapaꞌ alloꞌtsenmeñen na arr eꞌñe sesho.

San Juan 3:11

Eꞌñe poꞌñoxh noteneph: Alloweney ya ñeñth yeñotenpaꞌ ñeñthchaꞌña yeserrpareꞌten ñamha ñeñth yentyenpaꞌ ñeñthchaꞌña yaꞌpothen tharraña sapaꞌ ama xhennasoña seyoxhro añ ñeñth yaꞌpothen.

San Juan 3:34

Tharroꞌmar ñeñth llesensaꞌ Yomporpaꞌ Yomporo poꞌñoño eñorena tharroꞌmar Yomporpaꞌ ama atparethayaya chorratenanetoña Poekamkëñ.

San Juan 5:19

Jesúsñapaꞌ ateth oterraneterr: —Eꞌñe poꞌñoxh notenes, na ñeñthen Poechemer pen Yompor amatheꞌ errothenoth es nephoña eꞌñe notha. Napaꞌ añña ateth nephaꞌyen ateth nenteññañ Apa, tharroꞌmar ñeñth ateth pen Apapaꞌ napaꞌxhoꞌña ñeñthen Poechemerenpaꞌ atethchaꞌ es nephaꞌyen namha.

San Juan 5:38

Sapaꞌ amaꞌt poꞌñoñapaꞌ ama xhennasoña seyoxhro tharroꞌmar na ñeñthen llesensen Apa, sañapaꞌ ama sameꞌñenno.

San Juan 7:16

Jesúsñapaꞌ otanet: —Ñeñth attho neyxhatyenes ñeñthpaꞌ amakaꞌye noyaye nokthaphña, ñeñthpaꞌ Yomporoña pokthaphña ñeñth nellsenseneꞌ.

San Juan 7:28

Jesúsña allempo yexhaten Parets paꞌpakllo, ñapaꞌ poerranaroth ateth otanet: —Sapaꞌ sechmeꞌtennoñtheꞌ, señotennoñtheꞌña na erroththeꞌ nowapa. Tharraña napaꞌ ama nothayeꞌ nowapo, eñallña ñeñth nellsenseꞌ; ñapaꞌ eꞌñe poꞌñoxh ñerraꞌm erroth ot, ama poenesho poꞌñoñ. Ñeñthña sapaꞌ ama señoteñeña sa.

San Juan 8:26

Atarr nanak palltena xhokmach notenes ateth sepena sa, shonteꞌch neños añekop ateth nentyen. Tharraña ñeñth nellsenseneꞌ ñapaꞌ eꞌñe poꞌñoxh ateth oten ña. Napaꞌ añkaꞌyeña neꞌñoreññaña acheñeneshaꞌ arr patsro ñeñth ateth neꞌmoeññañ Apa.

San Juan 8:28

Jesúsñapaꞌ alla oterraneterr: —Ñerraꞌm esempoch sapaꞌ sechantamphsen eno korsocho na Ñeñthen Acheñetosetspaꞌ allempochña xhaponasa seyoxhro napaꞌ ñeñthen eꞌñe poꞌñoxh xhokma soteneꞌ. Xhaponasach ñamha napaꞌ ama es nepeno eꞌñe notha, añña neꞌñorena ateth yexhatenen Apa.

San Juan 8:38

Napaꞌ añ neñeñ ñeñth ateth nentapreteñ Apa. Sapaꞌxhoꞌña aña ateth sepen ñeñth ateth seꞌmapreteñ ñeñth sompor sepen.

San Juan 8:42

Jesúsñapaꞌ alla oterraneterr: —Ñerraꞌm poꞌñoxh Sompor sepeñeñ Parets atarrtheꞌ semorrentennañ na tharroꞌmar napaꞌ Partseshothkaꞌye nowapa oꞌ nexhap arr. Napaꞌ amakaꞌye nothayeꞌ nowapo, napaꞌ Yomporña nellsenseꞌ.