San Juan 14:21 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²¹ Ñerraꞌm eseshaꞌ eꞌmhñoterreꞌ neñoñ ñamha eꞌñech ateth perret ñeñth ateth notenanet ñetñapaꞌ ñeñthet eꞌñe poꞌñoxh nemorrentenaya. Ñeñthña nemorrentenaya napaꞌ ñetñapaꞌ Apach atarr morrentenawet. Napaꞌxhoꞌña atarr nemorrentenanet, nañapaꞌ neñotaterranetchaꞌ eꞌñe poꞌñoxh ñeñth ateth nepena na.

San Juan 14:21 Iomraidhean Croise

San Lucas 11:28

Jesúsñapaꞌ ateth och: —Elloña allowenetpaꞌ atarr kosheñtsoꞌtsaꞌyenet ñeñth poeꞌmhñoteñothet Yompor poꞌñoñ eꞌñe ateth phowenet.

San Juan 14:15

‘Ñerraꞌm sa poꞌñoxh semorrentennatheꞌpaꞌ oꞌch sameꞌñerrnana neñoñ ñeñth ateth notenes.

San Juan 14:18

Napaꞌ amach xha newokchapotatnerrso. Ellochña alla nowerrerr sesho.

San Juan 15:14

Ñerraꞌm eꞌñe ateth sephowen ñeñth ateth notenes sañapaꞌ ñeñthes eꞌñe neyemtena.

San Juan 16:14

Ñapaꞌ nachkaꞌye kowentaterreꞌ; eꞌñe eñotennan ñeñth ateth nepena na, ñapaꞌ ñeñthchaꞌña eñotatyerres.

San Juan 16:27

Apañapaꞌ atarrchaꞌ morrentensa attho sapaꞌ semorrentenna, eꞌñe seyemtenna attho napaꞌ Apoeshoth nowapa.

San Juan 17:23

Napaꞌ neparrokmatenanet, phañapaꞌ peparrokmatenna. Allochña allowenetpaꞌ eꞌñech parrokmatwenet eꞌñe poktakma. Atthoch acheñeneshaꞌ arr patsro ñetpaꞌ eñoteretchaꞌ phapaꞌ pha nellsenserreꞌ. Ñamha eñoteretepaꞌch phapaꞌ atarr pemorrentenanet eꞌñe ateth atarr pemorrentenna na.

Los Hechos 22:18

Allempoña oꞌ orrtona Yepartsesharpaꞌ ateth oten: “Thayekma oꞌch awerreph arroth Jerusaléñoth, tharroꞌmar arrpaꞌ amach eseshaꞌ peꞌmhñotaye allempoch phaꞌpothon neñoñ.”

2 Corintios 12:8

Napaꞌ oꞌ maꞌpocheꞌtats nenamoeñ Yompor aꞌwañamperrnepaꞌ ñeñth atarr nemoeroxhtateneꞌ.

2 Corintios 3:18

Alloweney ñeñthey ameꞌñenaya Yepartseshar Cristo, ña Poekamkëñpaꞌ ñachña yaꞌpoꞌpoñeterreꞌ, allochñapaꞌ alloꞌnach yesen kowentapretaya Cristo. Yapaꞌ ama attheyayye ñerraꞌmrratheꞌ ñeñth aꞌnataklleꞌchareth atthoch amach enteññañeto Cristo poꞌkowenña. Yapaꞌ eꞌñe yekweñoth Cristo poꞌkowenña, yapaꞌxhoꞌña oꞌch yekowentapreteña yamha, ateth ñerraꞌmrratheꞌ rerep poptetsa ñerraꞌm xho yekwach atsrrethoneth.

2 Corintios 4:6

Ñewa, yapaꞌ yeñoteñ ateth ot awath Yompor, ñeñthpaꞌ ateth ot: “Eñalletepaꞌch poetareꞌ allochñapaꞌ oꞌwañchaꞌ chekmet.” Ñeñthara Yompor theꞌñapaꞌ oꞌ aꞌpoetarsamperrnay yamha yeyoxher allochñapaꞌ atthoch yeñotater poꞌpotantañ acheñeneshaꞌ attho Cristopaꞌ ña orrtateneꞌ Pompor poꞌkowenña.

2 Tesalonicenses 2:16

Theꞌñapaꞌ oꞌch notas: Yepartseshar Jesucristo ñamha Yompor Parets ñetepaꞌchña eꞌñe kowen sokshaterreꞌña sa seyoxhro, ñetepaꞌchña awamenkath sephaꞌyeseꞌ allochñapaꞌ atthochña sapaꞌ xhokmach señosyen ñeñth eꞌñe kowen ñoñets ñamha eꞌñechña kowenareꞌ es sorrtatyen. Tharroꞌmar Yomporpaꞌ ñeñthña atarr yemorrentenaya, ñapaꞌ ña ñeñth xhokma yokshateneꞌ yeyoxhro. Ñeñthña kosheñetspaꞌ amach awañañathterro amaꞌt errponaña. Ña eꞌñe poemoereñothpaꞌ xhokma eñotateney eꞌñe kowen ñeñth atarr yeyemtena.

2 Timoteo 4:22

Eꞌñe allowanenpaꞌ oꞌch notaph, Yepartseshar Jesucristopaꞌ xhokmoepaꞌchña eꞌñe parroꞌtseneph. Ñamha Yomporepaꞌch saꞌnatenaya allowenes. Ñeñthpaꞌ atthetepaꞌch Nompore. Allowa. Pablo

1 San Juan 2:5

Tharraña ñerraꞌm eseshaꞌ eꞌñe poꞌñoxh ameꞌñerraya Yompor poꞌñoñ ñeñth ateth oteney, ña poꞌñoxhpaꞌ oꞌ morrenterrana Yompor eꞌñe poeyoxhrokmañen. Ñeñthpaꞌ atthoña yeñoteñ poꞌñoxhpaꞌ oꞌ yeparrokmaterr epay Yompor.

1 San Juan 3:1

Theꞌ sapaꞌ xhosaña eꞌñe kothapeꞌcherreꞌ, Yomporpaꞌ atarrkaꞌye nanak morrentenya. Ña eꞌñe poemorrenteñothey ñapaꞌ eꞌñe poechemer peney, ñeñthoꞌmarña yapaꞌ eꞌñe poꞌñoxh Yomporenaꞌtarey. Ñeñthoꞌmarña acheñeneshaꞌ arr patsro ñeñth ama ameꞌñetso ñetñapaꞌ ama eseshayeꞌ eñotenayeña ñeñth ateth yokthapeꞌchyen Yomporekop tharroꞌmar Yomporpaꞌxhoꞌña ama eseshayeꞌ eñotenaye ñeñth ateth kothapeꞌchen ña.

1 San Juan 5:3

Attho yemorrenteña Yompor xhoch yameꞌñerrñaña poꞌñoñ ñeñth ateth oteney. Oꞌch eꞌñe yepena ñeñth ateth oteney, ñeñthpaꞌ ama thorrapawoyaye.

2 San Juan 1:6

Ñerraꞌm yemneñ yemorrentannaꞌtapaꞌ añchaꞌña ateth yephowerra ñeñth ateth oteney Yompor. Ñerraꞌm añ yemneñ oꞌch eꞌñe ateth yephowerra ñeñth ateth oteney Yomporpaꞌ xhochña eꞌñe kowen yemorrentannerra alloweney. Ñeñthpaꞌ eꞌñe awathotheñ ateth serrpareꞌtatyesaseteꞌth.

El Apocalipsis 2:17

Ñeñth eꞌmhñoteneꞌ añ ñoñetspaꞌ xhapanetepaꞌch poeyoxhreto ñeñth ateth neñotatenanet na Nekamkëñoth ora allowen ñeñth pameꞌñeñothet xhokma apxhaꞌyenet allemeñ anetsoꞌmar. Ñeñth metanaꞌtweꞌ allowen paꞌnamen topateñtsoxhno, ñeñth ama nepoerramperrayo ñetñapaꞌ napanetchaꞌ maná ñeñthchaꞌ pokrramh perret ñeñth ama entpawesho. Ñamha oꞌch napanet mapyetholl ñeñth atarr wallamemen allo akellkarethtena soꞌchñets eꞌñe etserra. Ñeñthchaꞌ agapoeꞌ ñeñthpaꞌ ñaptha eñotenan añ soꞌchñets ñeñth akellkareth all.’ ” Arrpaꞌ allowa wañ ateth ot pérgamoꞌmarneshakop.

El Apocalipsis 22:14

Atarr kosheñtsoꞌtsen allowen ñeñth eꞌñe pokteꞌ enten Yompor oꞌch tsomwerrñañet Yompor poenaren alloch eꞌñe korrerret poktakma. Allempopaꞌ amach alla rromoerreteꞌthe. Ñeñthpaꞌ ñeñthchaꞌña eꞌñe yomhaꞌwerret ñesho. Ñewa, ñeñth eꞌñe pokteꞌ enten Yompor ñeñthpaꞌ allowen ñeñth eꞌñe eꞌshowarethterra poꞌchñar eꞌñe pameꞌñeñothet Cristo. Ñatoꞌ oꞌch netmaꞌntacha ateth: Ñetpaꞌ oꞌ eꞌñe tsamaꞌtwerret paꞌshtamoet atthoch eꞌñe pokteꞌ entanet Yompor oꞌch beꞌthoset yetarro eshekchaꞌ xhapoet Yompor paꞌnetsro.

El Apocalipsis 3:20

Señochepaꞌch ñeñthchaꞌ ateth netmaꞌntaterrsa. Napaꞌ atethchaꞌ nepena ñerraꞌmrratheꞌ eseshaꞌ ñeñth xhokma xhoreꞌtets yetarroth. Ñerraꞌm eseshas seꞌmapoerrnan neñoñ ñamha ñerraꞌm setorampenen, nañapaꞌ oꞌch nebeꞌthos all, allñapaꞌ oꞌch yerrallmeꞌchen parro.