San Juan 14:17 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁷ Ñeñthña Yompor Poekamkëñ ñeñthchaꞌña señotaterreꞌ ñeñth eꞌñe poꞌñoxh Yompor pokthaphña. Ñeñthña ama ameꞌñetso arr patsropaꞌ ñetpaꞌ amach errothenoth chorrerranetoña Yompor Poekamkëñ tharroꞌmar ñetpaꞌ ama enteñeto ñamha amach eñoteñeto. Tharraña sapaꞌ oꞌ señoter tharroꞌmar ñapaꞌ alloꞌtsenes parro epas allchaꞌ chorrerrsa.

San Juan 14:17 Iomraidhean Croise

San Mateo 10:20

Atthoña amach eꞌñe sochaya seꞌñoraꞌyesoso, añchaꞌña Sompor Poekamkëñ ñeñthchaꞌña seꞌñoratyeseꞌ.

San Juan 14:16

Napaꞌ nenamonaschaꞌ Apa ñapaꞌ apaschaꞌ poꞌpsheñeñ ñeñthchaꞌ sokthapeꞌchaterreꞌ ñeñthchaꞌña sechorrerraya errponañowen.

San Juan 14:23

Jesúsñapaꞌ ateth oterraneterr: —Ñerraꞌm eseshaꞌch nemorrentaya na eꞌñechña ateth perret ñeñth ateth notenanet. Apañapaꞌ atarrchaꞌ morrentenanet. Ñeshetoñapaꞌ yexhapchaꞌ atthoch yeyxherra ñet poeyoxhreto.

San Juan 15:26

‘Ñeñthchaꞌ sokthapeꞌchaterreꞌ eꞌñe kowen seyoxhro ñeñthchaꞌ nemñowerrnas Apoeshoth. Ñeñthpaꞌ ñeñthña Apa Poekamkëñ ñeñthchaꞌña señotaterreꞌña ñeñth eꞌñe poꞌñoxh Yompor pokthaphña tharroꞌmar ñeñthpaꞌ Apoeshoth wena. Ñerraꞌm esempoch xhaponasa ñachña naꞌpothoseꞌ.

San Juan 16:13

Tharraña ñerraꞌm esempoch waponasa Parets Poekamkëñ, ñeñthchaꞌña señotaterreꞌ ñeñth eꞌñe poꞌñoxh Yompor poꞌñoñ tharroꞌmar ñapaꞌ ñachkaꞌye señotateneꞌ ñeñth eꞌñe poꞌñoxh Yompor poꞌñoñ ñeñth ama shekëñtsoyaye. Ñapaꞌ amakaꞌye eꞌñe ñotha eñeno. Añkaꞌyeña eñen ñeñth ateth eꞌmoen Partsesho. Ñapaꞌ añchaꞌ serrpareꞌtatas ñeñthchaꞌ ateth perra tsapathoneth.

San Juan 6:40

Añmapaꞌ ñeñthña moenen Nompor: Erraꞌtsenchaꞌ neñoterreꞌ ñerraꞌm ameꞌñerrnetchaꞌ na ñeñthen Yompor Poechemeren, ñetñapaꞌ korretsetach poksheñeshokmañen thayotheñ amaꞌt errponañowen. Ñetñapaꞌ xhokmach netantaterranet esempowañen.

1 Corintios 14:15

Ñewa, ñeñthoꞌmarña theꞌpaꞌ oꞌch notas ñeñthchaꞌ ateth yephaꞌyesa eꞌñe kowen. Poꞌñoxhpaꞌ eꞌñe pokteꞌ oꞌch maꞌyochatey Parets Poekamkëñ poꞌpoñ ñoñtso, tharraña añ eꞌñe pokteꞌ ñamha oꞌch yemaꞌyochena eꞌñe eñotoxhen. Ñamha atthekma eꞌñe pokteꞌ Parets Poekamkëñothpaꞌ oꞌch yemorrecha Yomporekop poꞌpoñ ñoñtso, tharraña añ pokteꞌ ñamha oꞌch yemorrechena allo eꞌñe yeñen.

1 Corintios 2:14

Tharraña acheñeneshaꞌ ñeñth ama chorreñaꞌ Yompor Poekamkëñpaꞌ amach errothenoth xhapaneto Yompor pokthaphña ñamha amach errothenoth agapoñeto ñeñthchaꞌ apanetañ Yompor Poekamkëñoth. Ñerraꞌm yeserrpareꞌtatanet attho es apoeney Yompor Poekamkëñothpaꞌ ñetpaꞌ xhach otyeset atthoꞌ yotatseꞌtyen. Tharroꞌmar ñaptha xhenana poeyoxhro ñeñth chorrena Yompor Poekamkëñ.

1 Corintios 3:16

Theꞌpaꞌ oꞌch notas poꞌpoñ: Sapaꞌ amaꞌt señoteñeña Paretspaꞌ oꞌ paꞌpakëll perres allowenes ñeñthes ameꞌñetsa. Yeparrokmatweñoth alloweneypaꞌ theꞌpaꞌ eꞌñe ateth enterrey ateth ñerraꞌm paꞌpakëll, allchaꞌ yexhena Poekamkëñ ña.

1 Corintios 6:19

Amaꞌt señoteñeña yeꞌnarpaꞌ ñeñthara paꞌpakëll pen Parets Poekamkëñ ñeñth chorratenya Yompor. Ñeñthoꞌmar yeñoteñ yechetspaꞌ ama yoyaye, ñeñthpaꞌ Yomporo tharroꞌmar

2 Corintios 13:5

Theꞌpaꞌ oꞌch noterrserr, sokoppaꞌ añ poktetsa oꞌch señota sañeña, ¿poꞌñoxhtheꞌ sameꞌñena? Oꞌch señota eshekchaꞌ señoch poꞌñoxhtheꞌ sapaꞌ sameꞌñena. Amaꞌt señoteñe Jesucristoña sechorrenaya. Ñewa, ñerraꞌm poꞌñoxh ama sameꞌñeño, amachña errothenoth chorraso.

2 Corintios 6:16

Ñamha ñeñth paꞌpakëll pen Yomporpaꞌ ama attheyaye ñerraꞌmrratheꞌ ñeñth ayexhkatareth ñeñth poꞌyomporer phaꞌyen poꞌpotantañ acheñeneshaꞌ arr patsro. Tharroꞌmar amaꞌt yapaꞌ alloweney ñeñthey ameꞌñenaya, yañapaꞌ paꞌpakëll peney Yompor ñeñth ama arromñatheshayaye. Añpaꞌ ñeñth ateth oten Yompor: Napaꞌ xhokmach neyxhena eꞌñe ñesheto parro allchaꞌ nechopeñeꞌchen. Napaꞌ Poꞌyomporer pennet, ñetpaꞌxhoꞌña eꞌñe neyochreneshaꞌ nepenanet.

Gálatas 4:6

Theꞌña Yomporpaꞌ oꞌ poechemer perrey ñeñthoꞌmar oꞌ moeñerrnay Poekamkëñ ñeñthchaꞌ yexherrtsa yeyoxhro. Ñeñthña Poechemer Poekamkëñpaꞌ ñeñthchaꞌ yeñotateneꞌ ñerraꞌm esempo yexhoreꞌch amaꞌt Paretspaꞌ eꞌñe pokteꞌ oꞌch yoch, “Apa.”

Efesios 3:17

Ñamha xhokmoepaꞌch yexhena Cristo eꞌñe seyoxhro eꞌñe seyemteñoth ña. Allochñapaꞌ atthochña eꞌñe sagapoñ Yompor poemorrenteña atthoch eꞌñe womenk sephaꞌ seyoxher Yomporekop. Ateth ñerraꞌmrratheꞌ tsach ñeñth atarr erxhath eꞌñech womenk orrena patso, allochña poeꞌchorpaꞌ eꞌñech kowen then.

Colosenses 1:27

Theꞌña Yomporpaꞌ atarr moeneñ oꞌch eñotaterrey ñeñth atarr koxhneshareꞌ ñeñth poꞌkowenña eꞌñe awathotheñpaꞌ ama eseshayeꞌ eñotayeꞌthe. Theꞌña ñeñth poꞌkowenñapaꞌ oꞌ eꞌñe orrtatarethterra añekop amaꞌt ñeñth ama judioneshayaye. Ñeñthña ama eñoteteꞌthe awathpaꞌ, ñeñthñapaꞌ añepaꞌt Cristo ñeñth chorrenaya yeyoxher. Atthoña eꞌñe yeyemteñoth ña yañapaꞌ oꞌch yekowentapretera.

2 Timoteo 1:14

Ñamha xhokmach peñota, amach phaꞌpoꞌpoñetatstoñe Yompor pokthaphña ñeñth ateth yechenpha Yompor. Eꞌñe poꞌwamenkoth Parets Poekamkëñ ñeñth yexhetsa yeyoxhro ñepaꞌchña peyenpoeꞌ.

1 San Juan 2:27

Tharroꞌmar Jesucristo oꞌ chorraterrsa Parets Poekamkëñ, ñeñthoꞌmarña sapaꞌ ama sepallteno oꞌch eseshaꞌ yexhatas tharroꞌmar ñapaꞌ eñotataschaꞌ allowen. Ñamha ñeñthchaꞌ ateth yexhaterres ñapaꞌ eꞌñekaꞌye poꞌñoxh ateth, ñeñthpaꞌ ama shekëñtsoyaye. Ñeñth ateth yexhatenes sapaꞌ alloꞌnepaꞌch sesen parrokmatenaya Cristo.

1 San Juan 3:24

Erraꞌtsenchaꞌ eꞌñe kowen ameꞌñenaya Yompor poꞌñoñ ñeñth ateth oteney, ñetñapaꞌ eꞌñe parrokmatenet epoet Yompor. Ñeñthoꞌmarña yeñoteñ yeparrokmaten, Parets Poekamkëñoth ñeñth chorratenya ñeñthña yeñotateneꞌña eꞌñe yeparrokmateña Yompor.

1 San Juan 4:4

Saña poꞌñoxh nechemerneshachaꞌ eꞌñe poꞌñoxh Yomporenaꞌtares tharroꞌmar sapaꞌ ama aña seꞌmhñoteno attho paꞌnamenoth shekareꞌtyensetañ. Yompor Poekamkëñ ñeñth sechorrenayapaꞌ ñeñthña sapaꞌ atarr awamenkathtatenes. Ñeñthña chorrenaya añ patsoꞌmarneshaꞌpaꞌ ñapaꞌ ama eꞌñeyeꞌ awamenkathtatenaneto.

1 San Juan 4:6

Yaña poꞌñoxhpaꞌ Yomporenaꞌtarey. Ñeñth poꞌñoxh eñoteneꞌ Yompor, ñetñapaꞌ eꞌñech kowen eꞌmhñotenyet ya. Ñeñthña ama Yomporenaꞌtareyaye, ñetñapaꞌ amach eꞌmhñotenyeto. Yapaꞌ alloña yeñotenña kothaphñats ñeñth poꞌñoxh wetsa Yomporeshoth atthoña yeñotenña ñamha kothaphñats ñeñth shekëñets.

1 San Juan 5:7

Ñamha eñall maꞌpa ñeñth poeꞌntañoꞌtsen ñeñthña yeñotateneꞌña ya. Ñeñthpaꞌ Yompor Parets ñamha poꞌñoñ ñamha Poekamkëñ. Ñetpaꞌ amaꞌt maꞌpoꞌmaret eꞌñe pathrra ateth petsa.

El Apocalipsis 2:17

Ñeñth eꞌmhñoteneꞌ añ ñoñetspaꞌ xhapanetepaꞌch poeyoxhreto ñeñth ateth neñotatenanet na Nekamkëñoth ora allowen ñeñth pameꞌñeñothet xhokma apxhaꞌyenet allemeñ anetsoꞌmar. Ñeñth metanaꞌtweꞌ allowen paꞌnamen topateñtsoxhno, ñeñth ama nepoerramperrayo ñetñapaꞌ napanetchaꞌ maná ñeñthchaꞌ pokrramh perret ñeñth ama entpawesho. Ñamha oꞌch napanet mapyetholl ñeñth atarr wallamemen allo akellkarethtena soꞌchñets eꞌñe etserra. Ñeñthchaꞌ agapoeꞌ ñeñthpaꞌ ñaptha eñotenan añ soꞌchñets ñeñth akellkareth all.’ ” Arrpaꞌ allowa wañ ateth ot pérgamoꞌmarneshakop.