San Juan 14:15 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁵ ‘Ñerraꞌm sa poꞌñoxh semorrentennatheꞌpaꞌ oꞌch sameꞌñerrnana neñoñ ñeñth ateth notenes.

San Juan 14:15 Iomraidhean Croise

San Mateo 10:37

‘Tharraña ñerraꞌm erraꞌtsenchaꞌ nemorrenterrayañ ñerraꞌm ñetña pompora atarr morrentenet ñamet pachoret ñeñthña acheñerpaꞌ ama eꞌñeyeꞌ pokteꞌ nenteñe atthoch neyochreshaꞌ neperranet. Ñamha poꞌpotantañ ñeñthchaꞌ nemorrenterrayañ ñetpaꞌxhoꞌña ñerraꞌm poechemera atarr morrentenetpaꞌ ñamha poꞌsñet ñeñthpaꞌxhoꞌña acheñerpaꞌ ama eꞌñeyeꞌ pokteꞌ nenteñe atthoch eꞌñe neyochreshaꞌ neperranet.

San Juan 8:42

Jesúsñapaꞌ alla oterraneterr: —Ñerraꞌm poꞌñoxh Sompor sepeñeñ Parets atarrtheꞌ semorrentennañ na tharroꞌmar napaꞌ Partseshothkaꞌye nowapa oꞌ nexhap arr. Napaꞌ amakaꞌye nothayeꞌ nowapo, napaꞌ Yomporña nellsenseꞌ.

1 Corintios 16:22

Ñerraꞌm eseshaꞌ ama morrentenaye Yepartseshar Jesucristo ñeñthña ateth petsa aꞌkoñchatarethtepaꞌch. Theꞌpaꞌ ñeñthach notas, werrnayepaꞌtheꞌ ñeñth Yepartseshar yepen.

Gálatas 5:6

Ñerraꞌm oꞌ yeparrokmaterr epay Cristo Jesúspaꞌ ama sherbeno attho yetsorrannaꞌtena, ñamha amaꞌt ama atsorraretheyepaꞌ ñeñthpaꞌxhoꞌña ama sherbeno Yomporekop. Aña ñapoeth sherbets eꞌñe yameꞌñeñoth Cristopaꞌ oꞌch yemorrentannaꞌta.

Efesios 6:24

Ñamha ñetepaꞌchña eꞌñe saꞌnatenaya allowenes ñeñthes eꞌñe kowen morrentenaya Yepartseshar Jesucristo. Ñeñth attho semorrenteñapaꞌ amach awañañathterro amaꞌt eꞌñe awatha. Ñeñthach notas, ñeñthpaꞌ atthetepaꞌch Nompore. Allowa. Pablo

1 San Pedro 1:8

Jesucristo amaꞌt ama sentarñepaꞌ theꞌñapaꞌ oꞌ semorrentera. Amaꞌt ama senteñe, theꞌñapaꞌ oꞌ sameꞌñera. Eꞌñe soksheñeshokmañen oꞌ sameꞌñeña, ñeñthña kosheñetspaꞌ atarr nanak kowen. Theꞌpaꞌ amach erra yenerreꞌthe yeñoñ ñeñthchaꞌ ateth yoterrerr.

2 San Juan 1:6

Ñerraꞌm yemneñ yemorrentannaꞌtapaꞌ añchaꞌña ateth yephowerra ñeñth ateth oteney Yompor. Ñerraꞌm añ yemneñ oꞌch eꞌñe ateth yephowerra ñeñth ateth oteney Yomporpaꞌ xhochña eꞌñe kowen yemorrentannerra alloweney. Ñeñthpaꞌ eꞌñe awathotheñ ateth serrpareꞌtatyesaseteꞌth.