San Juan 14:13 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹³ Ñerraꞌm eschaꞌ senamoen eꞌñe na nesoꞌchño eꞌñe seyemteñothen na, napaꞌ eꞌñech ateth nepennas. Atthochña na ñeñthen Yompor Poechemerenpaꞌ nekowentateññañchaꞌ Apa.

San Juan 14:13 Iomraidhean Croise

San Mateo 21:22

Amaꞌt allowen erraꞌtsenchaꞌ es senamh Yompor eꞌñe semaꞌyocheñoth, ñerraꞌm xho senamoeñ eꞌñe seyemteñokmañen, ñeñthñapaꞌ sagaphchaꞌ.

San Mateo 7:7

Jesúspaꞌ alla yexhaterraneterr poꞌpoñ, ñeñthpaꞌ ateth oterraneterr: —Eꞌñe senamoeñoth, Yomporñapaꞌ apaschaꞌ. Seꞌnameꞌteñothpaꞌ señchchaꞌ; sexhoreꞌteñoth, Yomporñapaꞌ eꞌñe poeꞌmhñoteñothespaꞌ eꞌñech kowen toramphsapas.

San Marcos 11:24

Amaꞌt allowen erraꞌtsenchaꞌ es senam semaꞌyocheñoth, ñerraꞌm xho senam eꞌñe seyemteñokmañen, ñeñthñapaꞌ sagaphchaꞌ.

San Lucas 11:9

Ñeñthoꞌmarña napaꞌ oꞌch notas: Eꞌñe senamoeñoth, Yomporñapaꞌ apaschaꞌ. Seꞌnameꞌteñothpaꞌ señchchaꞌ, sexhoreꞌteñoth, Yomporñapaꞌ eꞌñe poeꞌmhñoteñothespaꞌ eꞌñech kowen toramphsapas.

San Juan 10:30

Napaꞌ eꞌñe parro atthekman epan ña.

San Juan 12:44

Jesúsña rranapaꞌ ateth oterrerr: —Ñerraꞌm eseshaꞌ nameꞌñenaya na, ama napthayeꞌ ameꞌñenneto. Añeꞌnaña ameꞌñenet Nompor ñeñth nellsenseneꞌ.

San Juan 13:31

Allempoña Jesús xhaꞌnompaꞌ ateth oterraneterr: —Theꞌña poꞌñoxhpaꞌ eꞌñe xhapmoch allempoch kowentaterrnan Parets na Ñeñthen Acheñetosets. Atthochña napaꞌxhoꞌña nekowentaterrñañchaꞌ Nompor Parets.

San Juan 14:14

Ñerraꞌm es senamoen eꞌñe nesoꞌchño eꞌñe seyemteñothen na, napaꞌ eꞌñech ateth nepennas.

San Juan 14:6

Jesúsñapaꞌ ateth och: —Napaꞌ na thoñetets ñeñthen alloch sexherr Yomporesho, napaꞌ na ñeñthen soteneꞌ ñeñth eꞌñe poꞌñoxh Yompor poꞌñoñ, napaꞌ na ñeñthen alloch eꞌñe sokrrena. Amach eseshaꞌ xherrtso Yomporesho ñerraꞌm ama nanom ameꞌñerreto.

San Juan 15:16

Sapaꞌ ama sayeꞌ naꞌkrerraye, napaꞌ naña saꞌkrerreꞌña sa. Atthoña oꞌ napoerresña llesens atthoch seta meꞌtarsats atthoch eꞌñe kowen es sorrtatyen ñeñth kowen enten Yompor. Ñeñthpaꞌ ñeñthchaꞌ seꞌmer seperr ñeñthña seꞌmerpaꞌ amach awañañathterro amaꞌt awatha. Allochñapaꞌ amaꞌt erraꞌtsena senamoeñ Apa eꞌñe na nesoꞌchño eꞌñe seyemteñothen na, ñapaꞌ apaschaꞌ.

San Juan 15:7

‘Ñerraꞌm separrokmaterrna ñerraꞌm xhokma sokthapeꞌchennan neñoñ eschaꞌ senamoen napaꞌ napaschaꞌ.

San Juan 16:23

‘Allempopaꞌ amach sepallteno oꞌch alla es saꞌphthoꞌterrnerr. Eꞌñe poꞌñoxh theꞌpaꞌ oꞌch notas: Ñerraꞌm es senamoeñ Apa eꞌñe na nesoꞌchño eꞌñe seyemteñothen na ñañapaꞌ apaschaꞌ ñeñth senamoeñ.

San Juan 16:26

Allempopaꞌ senamoeñchaꞌ Apa eꞌñe seyemteñothen na eꞌñe nesoꞌchño. Allempopaꞌ amach pallteno oꞌch nemaꞌyochampensa Apoesho.

San Juan 16:7

Theꞌpaꞌ añ notenes ñeñth eꞌñe poꞌñoxh. Sokoppaꞌ aña nanak poktetsa napaꞌ oꞌch awerren. Tharroꞌmar ñerraꞌm amach neserro amatheꞌ errothenoth waponasoña Yompor Poekamkëñ ñeñthchaꞌ sokthapeꞌchaterreꞌ kowen. Tharraña ñerraꞌm neserrchaꞌ napaꞌ añchaꞌ nemñawerrnas Yompor Poekamkëñ ñeñthchaꞌ sokthapeꞌchaterreꞌ kowen seyoxhro.

San Juan 4:10

Jesúsñapaꞌ ateth otererr: —Ñerraꞌm peñoteñeñ ñeñth eꞌñe attha apoeney Yompor, ñamha ñerraꞌm peñotennoñ na ñeñthen photeneꞌ phapoen oñ, phapaꞌ oꞌch penamoennoñ na nañapaꞌ oꞌch napospeñ oñ kowen alloch eꞌñe phokrrañ. Ñeñth oteñ oꞌch aph kowen oñ, añ oteñ Yompor poꞌkowenña, tharraña koyaneshaꞌñapaꞌ ama eñoche,

San Juan 4:14

Tharraña ñerraꞌm eseshaꞌ orreꞌ oñ ñeñthchaꞌ napanet na amaꞌt awathapaꞌ amach oñpaꞌterreto. Ñeñthchaꞌ napanet na oñ, eꞌñe poeyoxhretopaꞌ poenasanetchaꞌ ateth ñerraꞌmrratheꞌ alloth poten oñ, amach wañerro amaꞌt awatha. Atthochña ñetpaꞌ korretsetach thayotheñ amaꞌt errponañowen.

San Juan 5:19

Jesúsñapaꞌ ateth oterraneterr: —Eꞌñe poꞌñoxh notenes, na ñeñthen Poechemer pen Yompor amatheꞌ errothenoth es nephoña eꞌñe notha. Napaꞌ añña ateth nephaꞌyen ateth nenteññañ Apa, tharroꞌmar ñeñth ateth pen Apapaꞌ napaꞌxhoꞌña ñeñthen Poechemerenpaꞌ atethchaꞌ es nephaꞌyen namha.

San Juan 7:37

Oꞌ eꞌñe wañmoch all koshena judioneshaꞌ. Añe yethro allempo nanak koshenet, Jesúsñapaꞌ thomos all, poerranaroth ateth otosanet: —Erraꞌtsentheꞌ acheñer oñpaꞌtets eꞌñe poeyoxhreto, onetepaꞌ nesho orretepaꞌ.

1 Corintios 14:13

Ñeñthoꞌmar theꞌpaꞌ oꞌch notas: Ñerraꞌm eseshaꞌ eñosets poꞌpoñ ñoñtsopaꞌ añ pokteꞌ maꞌyochanepaꞌ Yompor atthoch eñotach oꞌch aꞌmhtan ñoñets eꞌñe eñotoxhen añ ñeñthara ñoñtso.

Efesios 2:18

Atthoña alloweney amaꞌt ñeñthey judioneshatets ñamha ñeñth ama judioneshayaye eꞌñe Cristeshothekma eꞌmhñoteneyña Yompor tharroꞌmar Poekamkëñpaꞌxhoꞌña eꞌñe pathrra ñeñth yechorrenaya alloweney.

Efesios 3:12

Ñeñthoꞌmarña yapaꞌ eꞌñe yameꞌñeñoth Cristo eꞌñech yeñmañeshaꞌ yexhoreꞌteñ Yompor. Amach yemhchaꞌnañotheyeꞌ yexhoreꞌteñe tharroꞌmar añ yeyemteññaña Poechemer Cristo ñeñth oꞌ aꞌpoktaterrey Pomporesho.

Efesios 3:14

Ñeñthoꞌmarña napaꞌ xhokma nekonkorpoena Yomporeshoneth alloth nemaꞌyochampensa.

Filipenses 4:13

Ñeñthoꞌmarña napaꞌ eꞌñe neñoteñ, yapaꞌ amaꞌt errothenoꞌtsenyapaꞌ xhokmach awamenkathey tharroꞌmar Cristopaꞌ ñach nanak awamenkath yepeneꞌ.

Colosenses 3:17

Amaꞌt esa ñeñth ateth es sephaꞌyen amaꞌt esa ñeñth ateth señosyen, eꞌñechña seyemteñoth Yepartseshar Jesús atthochña sapaꞌ es sephaꞌyes. Ñeñthoꞌmarña sapaꞌ xhokmoepaꞌch separasyosoꞌteñ Yompor Parets eꞌñe Yepartseshar Jesucristo paꞌsoꞌchño.

Hebreos 13:15

Eꞌñe yeyemteñoth Jesucristo xhokmoepaꞌchña yaꞌyeꞌchoxhtateññañ Yompor. Attho xhokma yaꞌyeꞌchoxhtateññañ ñeñthpaꞌ añ tomaꞌntena ñeñthchaꞌ yapoeñ Yompor ateth peteꞌth awath oꞌch moetset eyarra ñokop. Eꞌñepaꞌchña ya yenamoth yaꞌyeꞌchoxhtateññañ paꞌsoꞌcheñ atthochña eꞌñech yokshateñ.

Hebreos 4:15

Tharroꞌmar Jesús ñeñth Yekorneshar yepen ñapaꞌ eꞌñe eñoteñ atthoch eꞌñe kowen llekapretenya allempo ama eꞌñeyeꞌ womenkayeꞌ yenteno yeyoxhro. Tharroꞌmar ñapaꞌxhoꞌña atthekma wapoñeꞌth allowen paꞌnamen topateñets, eꞌñe ateth yepena ya theꞌ xhokma wennaya paꞌnamen topateñets. Tharraña ñapaꞌ amaꞌt paꞌnamen wapoyeꞌth topateñets, ñapaꞌ amaꞌt parrocha ama phano ñeñth ama pokteyeꞌ enteno Pompor.

Hebreos 7:25

Ñeñthoꞌmar Cristopaꞌ ña eñoteneꞌ atthoch xhokma aꞌkeshphatenan allowen ñeñth eꞌneneꞌ Yompor ñerraꞌm eꞌñe poeyemteñothet ña, tharroꞌmar ñapaꞌ xhokma alloꞌtsen Pomporesho allekma aꞌpoktatennay ñeñth eꞌñe kowen yokop.

Santiago 1:5

Ñerraꞌm eseshastheꞌ ama eꞌñeyeꞌ eñotenaye ñeñth kowen enten Yomporpaꞌ sapaꞌ añchaꞌña senam Yompor, ñapaꞌ xhokmach es eñotatey, tharroꞌmar ñapaꞌ eꞌñech poksheñeshaꞌ es apoeney alloweney, amachña ñeñthapaꞌ xha cheꞌptareꞌtye.

Santiago 5:16

Ñeñthoꞌmarña añ pokteꞌ oꞌch saꞌmethaꞌwerr allowenes soꞌchñar. Allochñapaꞌ xhokmach semaꞌyochamphsannena atthoch sokrrerra eꞌñe kowen. Ñamha amaꞌt erraꞌtsena acheñer ñerraꞌm eꞌñe kowen kothapeꞌchen Yomporekop ñamha ñerraꞌm eꞌñe poeyoxhrokmañen maꞌyochetpaꞌ atethña eꞌmhñotenña Yompor.

1 San Pedro 2:5

Yomporpaꞌ paꞌpakëll penan allowen ñeñth ameꞌñenaya ña. Yapaꞌxhoꞌña atthey ñerraꞌmrratheꞌ mapoeꞌ alloch thomatenan paꞌpakëll. Tharraña yapaꞌ attheyeñ ñerraꞌmrratheꞌ mapoeꞌpaꞌ tharraña yapaꞌ ñeñthey oꞌrrerrñathoth yokrrena. Yapaꞌxhoꞌña añ poktetsa oꞌch yatthekmatwerr ñerraꞌmrratheꞌ Parets paꞌpakëll. Allñapaꞌ yesherberrchaꞌ Partsokop. Yekamkëñothpaꞌ oꞌch yepomwerra eꞌñe yeyoxhrowen yepomoerra atthoch Paretspaꞌ koshena. Yameꞌñeñoth Jesucristopaꞌ oꞌch yesherber errothenchaꞌ moenateney Parets.

1 San Juan 3:22

Attho yameꞌñerrñaña poꞌñoñ ñeñth ateth oteney, ñapaꞌ atarr koshenya; ñeñthoꞌmarña ñerraꞌm es yenamoeñ, ñapaꞌ xhokmach eꞌñe poꞌñoxh apoeney.

1 San Juan 5:14

Yapaꞌ eꞌñe yeyemteñoth Yompor ñeñthoꞌmarña yeñoteñ es yenamh ñeñth pokteꞌ enten ña, yapaꞌ xhokmach eꞌmhñoteney.