San Juan 14:12 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹² Poꞌñoxhkaꞌye oꞌch notas, ñerraꞌm eseshaꞌ nameꞌñerraya ñetpaꞌxhoꞌña elloch atarr kowen orrtatyerret ñeñth ateth norrtatyen theꞌ. Tharroꞌmar na theꞌpaꞌ oꞌch awerren Apoesho.

San Juan 14:12 Iomraidhean Croise

San Mateo 21:21

Jesúsña ateth otanet: —Poꞌñoxhkaꞌye oꞌch notas: Ñerraꞌm seyemteña Yompor, ama xhoyeꞌ seꞌcharrtateno seyoxher, amach añayaya ateth sepho ateth nephaꞌ higoch. Añeꞌnachña eꞌñe setsoten ñeñth ello atarr thorrapoꞌ senten. Oꞌch netmaꞌntacha ateth ñerraꞌmrratheꞌ añ aspeneth. Ñerraꞌm eseshaschaꞌ otets aspenthekop, “Añ aspenethpaꞌ rrotheꞌtepaꞌch arroth, arrepaꞌchña eshaꞌtosa saꞌpo allchaꞌ eꞌñe chenkosa”, aspenethñapaꞌ atethchaꞌxhoꞌ phonasa.

San Marcos 11:13

All oñenet Jesúsñapaꞌ aꞌyotheñ entosan higoch ñeñth thaya oꞌ asopanreꞌterr. Ñañapaꞌ allentha ponemhya oꞌch enteñaꞌ ñatoꞌ eꞌmereththeꞌ. Oꞌña xhap allameꞌtetspaꞌ pasopanrepaꞌtchaꞌ entosñañ tharroꞌmar ama xhenaꞌ allempo meꞌten.

San Marcos 16:17

Ñeñthchaꞌ nameꞌñerraya ñokpoetpaꞌ norrtaterranetchaꞌ nepartsoña. Eꞌñe na nesoꞌchñoch kexhpatyesetchaꞌ oneñethexhno, ñamha eñosyesetchaꞌ poꞌpoñeꞌttsokma ñoñtso.

San Juan 14:28

Theꞌpaꞌ oꞌ seꞌmwe ateth oꞌ notwas, na oꞌch awerren, ellochña alla nowerrerr sesho. Ñerraꞌm poꞌñoxh semorrentennañ oꞌtheꞌ sokshañ tharroꞌmar napaꞌ oꞌch awerren Apoesho. Tharroꞌmar ñapaꞌ nanak awamenkatheshaꞌ, ello metanenen na.

San Juan 16:7

Theꞌpaꞌ añ notenes ñeñth eꞌñe poꞌñoxh. Sokoppaꞌ aña nanak poktetsa napaꞌ oꞌch awerren. Tharroꞌmar ñerraꞌm amach neserro amatheꞌ errothenoth waponasoña Yompor Poekamkëñ ñeñthchaꞌ sokthapeꞌchaterreꞌ kowen. Tharraña ñerraꞌm neserrchaꞌ napaꞌ añchaꞌ nemñawerrnas Yompor Poekamkëñ ñeñthchaꞌ sokthapeꞌchaterreꞌ kowen seyoxhro.

San Juan 4:37

Tharroꞌmar ñeñthpaꞌ eꞌñe poꞌñoxh ateth yepena ñeñth ateth oten añ ñoñets ñeñth xhokma yotannaꞌtyena ya: “Poesheñarrpaꞌ oꞌch nareꞌtatseꞌtyes, poꞌpsheñeññapaꞌ ñeñthchaꞌ apxhaꞌyesets.”

San Juan 5:20

Apapaꞌ atarr moerenna tharroꞌmar napaꞌ eꞌñekaꞌye poꞌñoxh Poechemeren, ñeñthoꞌmarña gatyenen ora allowen ñeñth ateth phaꞌyen ña. Elloña ñapaꞌ añ gatyenen ñeñth nanak thorrapotyets ñeñth ateth etsotayen ña; ñeñthpaꞌ añekop ateth pennan atthoña sapaꞌ atarrchaꞌ sekwanrrortenen.

San Juan 7:33

Jesúsñapaꞌ alla oterraneterr: —Oꞌ mameshamha eꞌñe parroꞌtseney. Oꞌchña mamerrerrpaꞌ oꞌch alla awerren alloꞌtsen ñeñth nellsenseneꞌ.

San Juan 7:39

Ñewa, añ ñoñetspaꞌ añekop serrpareꞌten Yompor Poekamkëñekop ñeñthchaꞌ chorrerraya allowen ñeñthchaꞌ ameꞌñerraya ña. Tharraña allempopaꞌ ama aparethtenetaꞌ Yompor Poekamkëñ, tharroꞌmar Jesúspaꞌ ama xhenaꞌ allempoch alla awerr Yompor poeꞌntaño allchaꞌ eꞌñe kowentaterrñañet.

Los Hechos 10:46

Tharraña poꞌñoxhpaꞌ awepaꞌt chorranet ñamet Parets Poekamkëñ tharroꞌmar ñetpaꞌxhoꞌña awepaꞌt eñosyeset poꞌpoñ ñoñtso. Eꞌñe poꞌpoñ ñoñtso ayeꞌchoxhtachet Yompor. Attho eꞌmanet judioneshaꞌ. Allempoñapaꞌ ateth ot Pedro:

Los Hechos 16:18

Attheñapaꞌ amaꞌt atomatpaꞌ atthekmach pena. Attheñapaꞌ oꞌ aꞌmñechatana Pablo. Pabloñapaꞌ allentha poetallsapaꞌ oꞌ otan oneñeth: —Theꞌpaꞌ eꞌñe poꞌwamenkoth Jesucristopaꞌ oꞌch notaph, pekexhpaꞌner shopsheshaꞌ. Allempokmoepaꞌtchaꞌ kexhpaꞌnerran shopsheshaꞌ.

Los Hechos 19:12

Attheñapaꞌ añña acheñeneshaꞌpaꞌ oꞌchxhoꞌ anerret ñeñth es aꞌphllaꞌyen Pablo, ateth ñerraꞌm es pañell amapaꞌ pañosheꞌm. Oꞌchxhoꞌ anmet alloꞌtsen ñeñth atsnaꞌtets. Oꞌch xhapachet allpaꞌ oꞌchxhoꞌ korrerraña atsnañeth. Amaꞌt poꞌneñetheretpaꞌ oꞌchxhoꞌ kexhpaꞌnerranet.

Los Hechos 2:33

Theꞌña ñapaꞌ eꞌñe alloꞌtsen epoet Pompor Parets all partsoten ento. Pomporpaꞌ oꞌ eꞌñe apwe Poekamkëñ. Theꞌñapaꞌ añ ñeñthara Poekamkëñ oꞌ chorratya yamha ateth otnerrey awaña. Ñeñthoꞌmarña oꞌ orrtonaya ateth sentyes ñorraꞌ, ñamha ateth seꞌmyes kowen ñoñets eꞌñe sa señoño.

Los Hechos 2:41

Allempoña allowen ñeñth ameꞌñaya Pedro ateth otanetpaꞌ oꞌ apatarethtet. Allempopaꞌ ñatoꞌ allpon ameꞌñatsa maꞌpa mil acheñeneshaꞌ. Xha shontena ñeñth ameꞌñatsa.

Los Hechos 4:16

Ateth otannaꞌtyeset: —Errothenwachñakaꞌ yephanetña theꞌtheꞌ. Amaꞌt arr ora Jerusaléñopaꞌ oꞌ eꞌñe eñotwarethtet attho ñetpaꞌ orrtatet ñeñth amaꞌt yapaꞌ ama yentare. Ñeñthoꞌmarña theꞌ yapaꞌ amach errotheno yaꞌnasochoñaꞌ, eꞌñe poꞌñoxh ateth.

Los Hechos 4:33

Jesús poellsensarneshaꞌpaꞌ eꞌñe poꞌwamenkokmañen aꞌpothoñeteꞌth attho tanterra Yepartseshar Jesús. Yomporpaꞌ nanak moeraneteꞌth, ñamha nanak awamenkath phaneteꞌth.

Los Hechos 4:4

Tharraña amaꞌt ateth apharethtetpaꞌ añña ñeñth eꞌmoeꞌ ateth serrpareꞌtatanetpaꞌ shonteꞌ ameꞌñyet. Allempoña ñeñth ameꞌñetsa awañowenpaꞌ oꞌ xhap allempo amnaroch mil ñeñth ameꞌñatsa.

Los Hechos 5:15

Añña ñeñth atsnaꞌtyetspaꞌ oꞌ anmet aꞌyeneth allekma chopeñeꞌchenet. Allñapaꞌ oꞌ phanrraꞌtyesoset topantso, ñamha poesheñaꞌtetspaꞌ ñatoꞌ ora poꞌmayeꞌna. Tharroꞌmar anmarethetyeset allekma chopeñeꞌchenet allochñapaꞌ ñerraꞌm macheꞌ wena Pedropaꞌ eshekchaꞌ amaꞌt paꞌchoyesheꞌma poꞌpomaꞌmteñapaꞌ xhapchaꞌ ñesheto, ñatoꞌ atthothpaꞌ oꞌch korrerret.

Los Hechos 6:7

Allempoñapaꞌ oꞌ eꞌñe epaꞌwa Yompor poꞌñoñ ora. Allempoñapaꞌ alloꞌna sen shontaꞌnmatsa ñeñth ameꞌñetsa all Jerusaléño. Allempopaꞌ shonteꞌ judioneshaꞌ poꞌkornaneshar ameꞌñatsa.

Los Hechos 8:7

Shonteꞌ acheñ ñeñth chorraꞌyeseꞌth oneñeth allempopaꞌ eꞌñe kexhpatyesweretña oneñeth attho chorrenana acheñ. Allempo kexhpatyesweret oneñethñapaꞌ oꞌch rranareꞌtnoma. Ñamha shonteꞌ acheñ ñeñth echarretyestseꞌthpaꞌ oꞌ korraꞌwerret. Amaꞌt ñeñth chekareꞌpayestseꞌthpaꞌ oꞌ aꞌkrratyeswawerranet Felipe.

Los Hechos 9:34

Oꞌ entos Pedropaꞌ ateth otos: —Oꞌch, Eneaso, notaph, Jesucristopaꞌ oꞌch aꞌkrraterreph. Theꞌñapaꞌ oꞌch petanta oꞌch phaññoꞌten pemoeꞌ. Allorokma korrena, oꞌ tantena.

Los Hechos 9:40

Pedroñapaꞌ moeñwanet allowenet aꞌyeneth. Oꞌ moeñwanet aꞌyenethpaꞌ oꞌ konkorposa, oꞌ maꞌyocha. Maꞌyochwapaꞌ oꞌ poetallsa arromñatheshonethpaꞌ ateth och: —Oꞌch, Tabita, notaph, petanterra. Allempoñapaꞌ akwerrocheꞌ. Oꞌ enterran Pedropaꞌ xha anerrets.

Romanos 15:19

Ñamha ñetpaꞌ añña ameꞌñatawet ñeñth attho eꞌñe awamenkath penen Cristo atthoña norrtatanet Yompor poꞌpartsoña ñeñth ama poentareto. Ñetpaꞌ ñeñthña eñotatwawet, ñeñthpaꞌ poꞌñoxh eꞌñe Parets Poekamkëñoth ñeñth eꞌñe awamenkath yepeneꞌ. Attheñapaꞌ ora errakmañen oꞌ neserrpareꞌtwa añ kowen ñoñets attho eꞌñe yameꞌñeñoth Cristopaꞌ oꞌch yekeshperra. Atethña neserrpareꞌtyesnom allemeñ anetsoꞌmar eꞌñe Jerusaléñotheñ Ilíricoꞌmarowen.