San Juan 14:1 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹ Jesúspaꞌ alla oterraneterr: —Seyoxhropaꞌ amach xha sellkatsto. Attho seyemteña Yompor napaꞌxhoꞌña xhoña seyemterrna.

San Juan 14:1 Iomraidhean Croise

San Juan 11:33

Allempo entosan Jesús all atarr yawena María ñamha judioneshaꞌ ñeñth kothoseꞌ ñetpaꞌxhoꞌña eꞌñe parro atthekma yawanrrortenet, ñañapaꞌ poeyoxhropaꞌ atarr llekapretosanet ñeñthoꞌmarña xha enarosa.

San Juan 12:27

‘Theꞌ na neyoxhropaꞌ xha atarr nellkëna. Tharraña amaꞌt attheñpaꞌ Nomporña napaꞌ amach xha notatsche amach moenatano oꞌch wapona ñeñth atarr amoeroxhtatañ nenten. Ñeñth atethpaꞌ amach notatsche tharroꞌmarña napaꞌ ñeñthekopkaꞌyeña nowapa nach amoeroxhtatarethterrtsa. Añchaꞌña noch Nompor:

San Juan 12:44

Jesúsña rranapaꞌ ateth oterrerr: —Ñerraꞌm eseshaꞌ nameꞌñenaya na, ama napthayeꞌ ameꞌñenneto. Añeꞌnaña ameꞌñenet Nompor ñeñth nellsenseneꞌ.

San Juan 13:19

Eꞌñe thayotheñpaꞌ ateth notenes amaꞌt ama etsotenaꞌ allochñapaꞌ esempoch etsoterra, sapaꞌ sameꞌñach napaꞌ ñeñthen poꞌñoxh Cristotets.

San Juan 16:24

Sa themeꞌttsenpaꞌ ama es senamoeno eꞌñe seyemteñothen na eꞌñe nesoꞌchño. Theꞌña ñerraꞌm senampaꞌ sagaphchaꞌ allochñapaꞌ oꞌch soksha eꞌñe poktakma.

San Juan 16:3

Ñeñthpaꞌ tharroꞌmarchaꞌ ateth phaset ñetpaꞌ ama eseshayeꞌ eñotenaye Apa amaꞌt napaꞌ ama eñotenneto.

San Juan 16:6

Theꞌña ñeñth ateth notenes saña seyoxhropaꞌ xhaña atarr sellkëna.

San Juan 5:23

Allochñapaꞌ atthochña allowenet mechaꞌnaꞌtennetchaꞌ namha ñeñthen Poechemeren eꞌñe ateth mechaꞌnaꞌtennanet Nompor Parets. Ñerraꞌm eseshaꞌ ama nemhchaꞌnaꞌtenaye na ñeñthen Poechemeren, Nomporeꞌnakaꞌyeña ama mechaꞌnaꞌteneto ñeñth nellsenseneꞌ.

San Juan 6:40

Añmapaꞌ ñeñthña moenen Nompor: Erraꞌtsenchaꞌ neñoterreꞌ ñerraꞌm ameꞌñerrnetchaꞌ na ñeñthen Yompor Poechemeren, ñetñapaꞌ korretsetach poksheñeshokmañen thayotheñ amaꞌt errponañowen. Ñetñapaꞌ xhokmach netantaterranet esempowañen.

2 Corintios 2:7

Theꞌpaꞌ añña poktetsa oꞌch alla sephretner, allochñapaꞌ atthoch sokshater, theꞌt attha nanak llekëna, poellkëñothpaꞌ oꞌtheꞌ alla kexhpoerran Yompor.

Efesios 1:15

Ñeñthoꞌmarña na theꞌpaꞌ oꞌch notas, napaꞌ oꞌ neꞌmareꞌtas attho sapaꞌ atarr sameꞌñeña Yepartseshar Jesús ñamha neꞌmareꞌtenes attho sapaꞌ eꞌñe kowen semoerannena allowenes ñeñthes poeyochreshaꞌ perres Parets.

2 Tesalonicenses 2:2

Theꞌpaꞌ ñeñthoꞌmarña notenes: Amaꞌt poesheñarrothesapaꞌ ñatoꞌt xha yoreꞌtensaꞌña poꞌpoñ kothaphñats. Sapaꞌ amach xha seyorenatsto amaꞌtchaꞌ seꞌmareꞌter oꞌ xherr allempoch werra Yepartseshar. Amaꞌtchaꞌ otasetañ ñetpaꞌ eꞌñoꞌ Parets Poekamkëñ eñoratenawet, sañapaꞌ ñatoꞌtña xha seyorenaꞌ. Amaꞌtchaꞌ poeserrparñothet ateth otaset, sañapaꞌ amach seyorenatsto. Amaꞌtchaꞌ ateth otasetañ theꞌpaꞌ oꞌ xhap carta ñeñth moeñen Pablo ñeñthpaꞌ ateth oten carta, theꞌpaꞌ oꞌ xherr allempoch werra Yepartseshar, saña eꞌñe seyorñothpaꞌ ñatoꞌtña ñeñthaña sameꞌñenaꞌ.

1 San Pedro 1:21

Yameꞌñeñoth Cristopaꞌ oꞌch yeyemterrñaña Pompor, tharroꞌmar Pomporpaꞌ oꞌ tantater amaꞌt oꞌ rromwa. Tantater atthoch alla eꞌñe kowentater Pompor. Ñeñthoꞌmarña theꞌ yapaꞌ oꞌch yeyemcha Yompor, oꞌch yekwameꞌtoñ ñeñth oꞌpatatenya.