San Juan 13:9 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁹ Simónña Pedropaꞌ ateth otererr: —Ñerraꞌm poꞌñoxhtheꞌ ateth, Partseshachaꞌ, amachña ñaptha netak peꞌpatkaꞌtono notaꞌnachña eꞌñe ora noñowen.

San Juan 13:9 Iomraidhean Croise

San Mateo 27:24

Pilatoñapaꞌ eꞌñe eñoteñ atthoch ñapaꞌ amach erroth pe, elloña acheñeneshaꞌpaꞌ xha atarr atsrreꞌmoxhtanaꞌteñet. Allempoñapaꞌ chetan oñpaꞌ eꞌpotaꞌta allochñapaꞌ atthoch eñotatanet ñapaꞌ amakaꞌye ñayeꞌ otteñeꞌchenaye, ñeñthpaꞌ ateth oterraneterr: —Napaꞌ amach seyowatsetno atthoch rroma añ acheñer ñeñth amaꞌt koñeꞌtha ama xhoyeꞌ erroth es peno. Ñeñthpaꞌ ama nokpaꞌnayaye, ñeñthpaꞌ eꞌñekaꞌye sapthekpa.

San Juan 13:10

Jesúsñapaꞌ ateth otererr: —Ñeñth oꞌ apwapaꞌ amakaꞌye es pallteneto, añakaꞌyeña palltenet oꞌch eꞌpatkaꞌchet. Ateth sepena sa aꞌkowentatwarethes sa sokthaphñoth. Sapaꞌ eꞌñe kowen aꞌkowentatwaretheseñ tharraña ama allowenakmayeꞌ aꞌkowentatwaretheso.

San Juan 13:8

Pedroñapaꞌ ateth otererr: —Amaꞌt awatha napaꞌ amach nemnatape oꞌch peꞌpatkaꞌtenña na tharroꞌmar napaꞌ amakaꞌye nemno oꞌch nepenknaꞌntataph. Jesúsñapaꞌ ateth otererr: —Ñerraꞌm amach neꞌpatkaꞌtapepaꞌ amach errothenoth eꞌñeyeꞌ peyemtenno.

Hebreos 10:22

Ñeñthoꞌmarña eꞌñe yeyemteñothpaꞌ amach yemhchaꞌnañothayaya yexhoreꞌteñe. Eꞌñepaꞌchña yeñmañeshaꞌ yeyoxhrokmañen yexhoreꞌteñ, tharroꞌmar Cristo poꞌrrasoña oꞌ aꞌkowentaterrnay yeyoxher attho theꞌpaꞌ oꞌ eꞌñe kowen yokthapeꞌchyerr, amachña alloꞌna yerpapaꞌtatnenye yoꞌchñar. Ñeñthpaꞌ añ tomaꞌntena attho yapaꞌ eꞌñe kowen apatarethey oño ñeñth poktetsa Partsokop.

1 San Pedro 3:21

Tharroꞌmar yapaꞌxhoꞌña theꞌ ñerraꞌm yapatarethta oñoth Partsokop eꞌñe ateth pena ñerraꞌm awath Noépaꞌ oꞌ keshpha eꞌñe oñoth. Ñeñthoꞌmarña yapaꞌxhoꞌña ñerraꞌm yameꞌñeñoth oꞌ yapatarethta Partsokop eꞌñe oñothpaꞌ yeñoteñ oꞌ yekeshpha. Ñewa, ñeñth apatarethteñetspaꞌ ama añekpayaye oꞌch yapa oño atthoch wañ yepatser. Añchaꞌña ñeñth alloch yekeshpha. Attho yapatarethta Partsokop oꞌch yenamh Yompor etserrataterrnayepaꞌ yokthaphña eꞌñe kowen. Attho yapatarethta Partsokoppaꞌ yeñoteñ oꞌ yekeshpha tharroꞌmar Jesucristo attho tanterra amaꞌt rromwa.