San Juan 13:5 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵ Allothñapaꞌ oꞌ shan oñ wantejo alloña eꞌpatkaꞌtyesanña poeyochreshaꞌ. Eꞌshmokoꞌtamhtsoñapaꞌ alloña aꞌporrarraꞌtkayerranet ñeñth allo chanena.

San Juan 13:5 Iomraidhean Croise

San Lucas 7:38

Allñapaꞌ poeyaꞌchpeñeshaꞌ wapa, ponmosana Jesús paꞌtko. All atarr yawosa, poeseꞌñapaꞌ xha tsopsaꞌtos Jesús paꞌtko. Allempoña chetosanña poeꞌchpaꞌ alloña alla aꞌporrarraꞌtkër, tsoꞌtstekaꞌtosan paꞌtak, sheꞌtatkaꞌtos eñmosatho.

San Lucas 7:44

Allempoña Jesúspaꞌ kowaꞌ allentheꞌtsen koyaneshaꞌ allothñapaꞌ alla oterranerr Simón: —Pekweꞌ añ koyaneshaꞌ ñeñth ateth phosen. Allempo nexhap pepakllopaꞌ phañapaꞌ ama es phapapno amaꞌt oñapaꞌ ama phapapno alloch neꞌpatkaꞌtosa. Tharraña añña koyaneshaꞌpaꞌ ñaña neꞌpatkaꞌtoseꞌ eꞌñe ña poesoꞌyo allempoñapaꞌ alla aꞌporrarraꞌtkërren eꞌñe ña poeꞌcho.

San Juan 13:10

Jesúsñapaꞌ ateth otererr: —Ñeñth oꞌ apwapaꞌ amakaꞌye es pallteneto, añakaꞌyeña palltenet oꞌch eꞌpatkaꞌchet. Ateth sepena sa aꞌkowentatwarethes sa sokthaphñoth. Sapaꞌ eꞌñe kowen aꞌkowentatwaretheseñ tharraña ama allowenakmayeꞌ aꞌkowentatwaretheso.

San Juan 13:6

Attheñapaꞌ ponmana Simón Pedro, ñañapaꞌ ateth och: —Partseshachaꞌ, amakaꞌye pokteyaye oꞌch peꞌpatkaꞌtonña netak. Tharroꞌmar phapaꞌ pha atarr sherbets, napaꞌ amakaꞌye esoyayno.

San Juan 13:8

Pedroñapaꞌ ateth otererr: —Amaꞌt awatha napaꞌ amach nemnatape oꞌch peꞌpatkaꞌtenña na tharroꞌmar napaꞌ amakaꞌye nemno oꞌch nepenknaꞌntataph. Jesúsñapaꞌ ateth otererr: —Ñerraꞌm amach neꞌpatkaꞌtapepaꞌ amach errothenoth eꞌñeyeꞌ peyemtenno.

San Juan 19:34

Tharraña poesheñarrña solltarpaꞌ xhokma enos poꞌpanmeto poephototh. Allothña atarr xhaꞌnom poꞌrras amaꞌt ñamha oñsasen.

Los Hechos 22:16

Theꞌpaꞌ añ palltetsa oꞌch petanta, eꞌñe phameꞌñeñoth Yepartseshar Jesúspaꞌ oꞌch phapatarethterra, atthochña eꞌshowarethterra phoꞌchñar.” Neñthpaꞌ allowa ateth oten Ananías.

1 Corintios 6:11

Sapaꞌxhoꞌña poesheñaꞌttsos atthekma sepeꞌth samha awaña. Tharraña theꞌpaꞌ oꞌ eꞌshowarethterra soꞌchñar, atthoña oꞌ saꞌkowentatarethterra Partsokop. Eꞌñe seyemteñoth Yepartseshar Jesucristo theꞌña Pomporpaꞌ oꞌ pokteꞌ enterres. Ñamha eꞌñe poechorreñothes Yompor Poekamkëñpaꞌ oꞌ pokteꞌ enterres Yompor.

Efesios 5:26

Allochñapaꞌ atthochña eꞌñe eꞌshowerrnay allowen yoꞌchñar oꞌch aꞌkowentaterrey Partsokop. Ñewa, ñeñth tomaꞌntena allempo yapatarethterra Yomporekop. Ñamha poꞌñoñpaꞌ ñeñthña eꞌñe yaꞌkowentaterreꞌ.

1 Timoteo 5:10

Ñamha erraꞌtsentheꞌ senten ñeñth eꞌñe kowenareꞌ es pets, ñeñth eꞌñe kowen kowampeneꞌ poechoyoreshaꞌ, ñamha ñeñth nanak amoeraña, ñamha ñeñth eꞌñe kowen agëneꞌ poemoꞌtoꞌ, ñamha ñeñth eꞌñe poeñmañeshaꞌ sherbeneꞌ allowen ñeñth ameꞌñetsa, ñamha ñeñth nanak yenpoeneꞌ amaꞌt ñeñth moeroxhtetsa, ñamha ñeñth nanak phaꞌyeneꞌ poꞌpoñexhno ñeñth kowentetsa.

Hebreos 10:22

Ñeñthoꞌmarña eꞌñe yeyemteñothpaꞌ amach yemhchaꞌnañothayaya yexhoreꞌteñe. Eꞌñepaꞌchña yeñmañeshaꞌ yeyoxhrokmañen yexhoreꞌteñ, tharroꞌmar Cristo poꞌrrasoña oꞌ aꞌkowentaterrnay yeyoxher attho theꞌpaꞌ oꞌ eꞌñe kowen yokthapeꞌchyerr, amachña alloꞌna yerpapaꞌtatnenye yoꞌchñar. Ñeñthpaꞌ añ tomaꞌntena attho yapaꞌ eꞌñe kowen apatarethey oño ñeñth poktetsa Partsokop.

1 San Juan 1:7

Tharraña ñerraꞌm eꞌñe kowenareꞌ es yorrtatyen ateth pena Yompor, ñeñthñapaꞌ eꞌñe ateth yepena ñerraꞌmrratheꞌ arr yechopeꞌchen poetaro eꞌñe alloꞌtseney epay Yompor. Atthoña alloweney eꞌñech kowen yeparrokmatwen ñamha Yompor Poechemer ñeñth Jesucristo ña poꞌrrasoña xhokma eꞌshennayña allowen yoꞌchñar.

1 San Juan 5:6

Ñeñtha Jesucristo allempo wapa arr patsro eñall ñeñth yeñotaterreꞌña ñapaꞌ eꞌñe poꞌñoxh Yomporeshoth wapa. Ñeñth ñanompaꞌ allempo attho apatarethta Yomporekop oño. Tharraña ama eꞌñe ñaptha oña yeñotataye ñapaꞌ eꞌñe poꞌñoxh Yompor Poechemer. Poꞌrrasoꞌnaña yeñotateꞌña allempo akorsoꞌtamphsarethterra; ñapaꞌ eꞌñe poꞌñoxh Yompor Poechemer. Ñamha Parets Poekamkëñ ñeñthpaꞌxhoꞌña ña yeñotaterreꞌña Jesúspaꞌ eꞌñe poꞌñoxh Yompor Poechemer tharroꞌmar Parets Poekamkëñpaꞌ errothen es eñotateney ñeñthpaꞌ eꞌñe poꞌñoxh ateth.

El Apocalipsis 7:14

Nañapaꞌ ateth noch: —Amakaꞌye, Nompore, neñoteñe. Phatheꞌkaꞌyeña eñoteneꞌ. Ñañapaꞌ oꞌ alla oterren: —Añeneshaꞌ ñeñth chorrenaya wallamaꞌtharer ñetña awanterret allempo orrterra paꞌnamen moeroxhteñtsoxhno. Ñamha ñetpaꞌ attho eꞌshowarethtet poꞌchñaret eꞌñe Cristo poꞌrraso, ñeñthña ottetsa ateth ñerraꞌmrratheꞌ ñetpaꞌ oꞌ atsamaꞌtarethtet paꞌshtam atthoch eꞌñe kowen aꞌwallamaꞌthtatarethtet paꞌshtamoet eꞌñe kowen.