San Juan 13:34 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁴ Ñamha oꞌch notas atethchaꞌ sephannena ñeñth eꞌñe etserra: Semoerannaꞌtepaꞌch. Ateth nepenes sa atarr nemoerensa, sapaꞌxhoꞌña atarrepaꞌchña semoerannena.

San Juan 13:34 Iomraidhean Croise

San Mateo 5:44

Tharraña naña theꞌpaꞌ elloña oꞌch noterres: Semoeryach amaꞌt ñeñth seꞌmoñeꞌteneꞌ. Ñamha ñeñth sarrnomareꞌtenaya sañapaꞌ oꞌch senamaterrñañ Yompor paꞌnateña. Ñamha ñeñth erroth sepeneꞌpaꞌ sañapaꞌ añchaꞌ ateth sepoñ ñeñth atarr kowen enten ña. Ñamha ñeñth saꞌmoeroxhtateneꞌ sañapaꞌ oꞌch semaꞌyochampesya.

San Juan 15:17

Añkaꞌyeña notenes: Xhokmoepaꞌch atarr kowen semorrentannena.

San Juan 17:21

Allochña allowenetpaꞌ parrokmatetchaꞌ ateth pepena pha Apa eꞌñe peparrokmatennana ñamha napaꞌ eꞌñe neparrokmatennapha. Allochña ñetpaꞌ oꞌch eꞌñe parrokmaterryet eꞌñe parro epay. Atthochña acheñeneshaꞌña arr patsropaꞌ ñetñapaꞌ eñoteretchaꞌ pha ñeñtheph nellsenserreꞌ.

Romanos 12:10

Ñamha añ poktetsa amorrentannaꞌtpoꞌch yentannena alloweney ateth ñerraꞌm poꞌñoxh eꞌñe yemoꞌnasheñ yephannena. Oꞌch ateth yeñch poꞌpsheñeñ ñapaꞌ atarr sherben, amachña yañeña nanak asherben entetso.

Romanos 13:10

Tharroꞌmar ñerraꞌm poꞌñoxh xhokma yemorrenteña yamoꞌtspaꞌ amach yemno oꞌch erroth yephanet theꞌt xha yellkatenanet. Añexhno atethpaꞌ ama morrenteñtsoyaye. Ñeñthoꞌmarña yeñoteñ ñerraꞌm poꞌñoxh xhokma yemorrenteña yamoꞌtspaꞌ ñeñthpaꞌ atthochña eꞌñe yetsotwa ora allowen ñoñets ñeñth ateth anareth awathotheñ Yomporeshoth.

Romanos 13:8

Amach eseshaꞌ setebhatsto, amaꞌt poesheñarra. Añchaꞌña sepha ñeñth poktetsa sokop, oꞌch semorreñcha samoꞌts. Tharroꞌmar ñerraꞌm eꞌñe yemorrenteña yamoꞌtspaꞌ atthochña yetsotwa ora Yompor poꞌñoñ ñeñth ateth anareth ñeñthchaꞌ ateth yepenanet eꞌñe kowen.

Gálatas 5:22

Tharraña ñeñth peneꞌ kowen ñeñth ateth yexhateñ Parets Poekamkëñpaꞌ ñeñthpaꞌ atethchaꞌ pena, oꞌch morrentenana pamoꞌts, ñamha eꞌñech koshaꞌwena poeyoxhro Yomporekop, ñamha amach es llekatenaye amaꞌt eꞌñe mamesha, eꞌñech awantaꞌwenan allowen ñeñth echarr entyen. Ñamha ñeñth peneꞌ kowen ñeñth ateth yexhateñ Parets Poekamkëñpaꞌ oꞌch amoerañtena, ñamha oꞌch yenpaꞌyenan pamoꞌtseshaꞌ, ñamha erroth otpaꞌ atethchaꞌxhoꞌ pena.

Gálatas 5:6

Ñerraꞌm oꞌ yeparrokmaterr epay Cristo Jesúspaꞌ ama sherbeno attho yetsorrannaꞌtena, ñamha amaꞌt ama atsorraretheyepaꞌ ñeñthpaꞌxhoꞌña ama sherbeno Yomporekop. Aña ñapoeth sherbets eꞌñe yameꞌñeñoth Cristopaꞌ oꞌch yemorrentannaꞌta.

Gálatas 6:10

Ñeñthoꞌmarña theꞌpaꞌ oꞌch notas: Xhokmach yeyenpaꞌyes allowen yamoꞌtseshaꞌ thayepaꞌtña orameñ atthoch yeyenpannaꞌta. Ñamha añña nanak kowen ñerraꞌm xho yeyenpoeñ yamoꞌts ñeñth parro oꞌ yameꞌñera Cristo.

Gálatas 6:2

Ñamha añ poktetsa xhokmach yeyenpannaꞌta atthoch yaꞌwantaꞌwa allowen topateñets. Ñerraꞌm atethña yephowapaꞌ oꞌch yetsotwoñ Cristo poꞌñoñ ñeñth ateth oteney oꞌch yemorrentannaꞌta.

Efesios 5:2

Elloña Cristopaꞌ atarr morrentenya. Ñeñthoꞌmarña eꞌñe pokteꞌ eñch atthoña poma ñañeña attho rroma yokop ateth peteꞌth awath allempo moetseteꞌth carnero Yomporekop. Ñeñthña eꞌñe kowen enteꞌth Yompor eꞌñe ateth ñerraꞌmrratheꞌ ñeñth allo atarr eñmosathtamphsacheteꞌth awath ña. Attho atarr morrentya Cristo, yokoppaꞌxhoꞌña añ poktetsa eꞌñech kowen yemorrentannaꞌtwena.

Colosenses 1:4

Tharroꞌmar yapaꞌ oꞌ yeꞌmareꞌtas attho sapaꞌ atarr sameꞌñeña Cristo Jesús. Ñamha yeꞌmareꞌtenes sapaꞌ atarr semoereña allowen ñeñth poeyochreshaꞌ pen Parets.

1 Tesalonicenses 3:12

Yepartsesharepaꞌchña atontaterreꞌña semorrenteña allochñapaꞌ alloꞌnach nanak sesen morrentannaꞌttsa eꞌñe sagattsa atthochña alloꞌnach sesen morrentenaya allowen acheñeneshaꞌ, eꞌñe ateth yepena ya sapaꞌ nanak yemorrentensa.

2 Tesalonicenses 1:3

Oꞌch masheñneshachaꞌ ñamha noxhaneshachaꞌ notas, eꞌñe pokteꞌ xhokmach yeparasyosoꞌteñ Yompor sokop tharroꞌmar sapaꞌ poꞌñoxh alloꞌna sesen ameꞌñaꞌnmaya Yompor ñamha allowenes eꞌñe poesheñaꞌttsospaꞌ alloꞌna sesen morrentannaꞌtyesnomtsa.

Hebreos 13:1

Attherepaꞌch xhokma semorrentannena allowenes ateth ñerraꞌm eꞌñe semoꞌnasheñ sephannaꞌtwena.

Santiago 2:8

Ñerraꞌm xhokma semorrentannenapaꞌ allempopaꞌ oꞌch setsotwa añ ñoñets ñeñth ateth anareth Yompor poꞌñoño awathotheñ, ñeñthpaꞌ ateth oten: “Oꞌch atarr kowen pemoerya phamoꞌts eꞌñe ateth atarr pemorrentena phañeña.” Añ ñoñets ñeñthña nanak sherbets, ello metanaꞌtwenan poꞌpoñexhno. Ñerraꞌm atethchaꞌ sephapaꞌ allempopaꞌ amach es sepallteno Yomporekop.

1 San Pedro 1:22

Sapaꞌ oꞌ sameꞌñaꞌwa ñoñets ñeñth eꞌñe poꞌñoxh Yompor poꞌñoñ. Ñeñthoꞌmarña eꞌñe Parets poꞌwamenkoth oꞌ seswanom allpon sosyaꞌtsañ ñeñth seyoxhroꞌtsen, atthothchaꞌ eꞌñe semorrentannaꞌta. Theꞌñapaꞌ semorrentannaꞌtepaꞌch poktakma eꞌñe seyoxhrokmañen.

2 San Pedro 1:7

Allothpaꞌ ñamha oꞌch yemorrentannaꞌta, eꞌñech yemoꞌnasheñeshaꞌ yephannena. Allothpaꞌ ñamha eꞌñech yemoerannena.

1 San Juan 3:11

Añ ñoñetspaꞌ eꞌñe awathotheñ eñotataseteꞌth amorrentannaꞌtpawepaꞌch eꞌñe alloweney.

1 San Juan 3:23

Yompor poꞌñoñoth ateth oteney oꞌch eꞌñe kowen yameꞌñerrñaña Poechemer ñeñth Jesucristo. Ñamha oteney amoerannaꞌterrapoꞌch alloweney, ateth oteneyña ña.

1 San Juan 4:21

Yompor poꞌñoñ ñeñth yoteneꞌ: Ñerraꞌm poꞌñoxh yemorrenteña Yompor, yamoꞌtspaꞌxhoꞌña eꞌñepaꞌchña kowen yemorrentenanet.

2 San Juan 1:5

Oꞌch noxheshachaꞌ neyerpatapha, alloꞌnepaꞌch amorrentannaꞌtpoꞌ sentannena allowenes. Ñeñth ateth noteneph arr nekellkothpaꞌ ñeñthpaꞌ ama añeyaye ñoñets ñeñth ama seꞌmare. Amaꞌt allempotheñ eꞌñe errteꞌ sameꞌñerrapaꞌ allempotheñ seꞌmoerrña ñeñth ñoñets.