San Juan 13:2 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

^2-4 Ñewa, Judas Iscariote ñeñth Simón poechemer, oneñethñapaꞌ awepaꞌt kothapeꞌchach poeyoxhro oꞌch pomoerran Jesús. Jesúsñapaꞌ eꞌñe eñoteñ ñapaꞌ tharroꞌmar llesenserña Pompor allowenakop. Tharroꞌmar ñapaꞌ eꞌñe eñoteñ Yomporeshothkaꞌye wapa, elloñapaꞌ oꞌch alla awerr ñesho. Ñeñthoꞌmarña allempo rrallmeꞌchnenet Jesúsña oꞌ thompaꞌ rrotana patherr paꞌshtam ñeñth nen enoth oꞌ chetan patherr eꞌshmokoꞌtametspaꞌ oꞌ chana allo.

San Juan 13:2 Iomraidhean Croise

San Mateo 10:4

Allothñapaꞌ ñamha Simón ñeñth cananistaneshaꞌ ñeñth nanak thorratseꞌth paꞌnetsrekop, allothpaꞌ ñamha Judas Iscariote ñeñthchaꞌ pomoerreꞌ tsapathoneth Jesús.

San Lucas 22:3

Allempoña oneñethpaꞌ chorrenana Judas ñeñthara ñeñth sochetsa Iscariote. Ñewa, añ ñeñth Judaspaꞌ Jesús poeyochreshaꞌ ñeñth parro yemtena poꞌpotantañ ñeñth llesensen Jesús ñeñth allowenet xharrasheñet poechenet epsheña.

San Lucas 22:31

‘Simón, poꞌñoxh theꞌpaꞌ oꞌch notaph, oneñethpaꞌ atarrkaꞌye enamoenen na sokop, añ moenen oꞌch topatenes oꞌch ateth phatenes ñeñth ateth kothapeꞌchen ña ñeñth ama pokteyeꞌ enteno Yompor. Oꞌch atarr womenk topatenes ateth ñerraꞌm ñeñth shoshneneꞌ poꞌtrigor eꞌñech womenk paꞌshmoenan poeshoshnat.

San Juan 13:11

Ñewa, Jesúspaꞌ eꞌñe eñotenan ñeñthchaꞌ pomoerreꞌ ñeñthoꞌmarña ateth otanet: “Ama allowenakmayeꞌ aꞌkowentatwaretheso.”

Los Hechos 5:3

Allempoña aposan allsensareth ñeñth oꞌ allponamha kellepaꞌ, Pedroñapaꞌ ateth och: —Esoꞌmareꞌt pemnateñ oneñeth oꞌch kothapeꞌchataph poꞌpoñ peyoxhro. Phapaꞌ pemneñeñ oꞌch peshkëñ amaꞌt Parets Poekamkëñ attho phapaꞌ awoꞌt peyorañ allpon kelle.

2 Corintios 8:16

Napaꞌ xhokma neparasyosoꞌteñ Yompor tharroꞌmar añ nenan masheñ Tito poeyoxhro attho ñapaꞌxhoꞌña xhokma llekapretensa ateth ñerraꞌm na.

Efesios 2:3

Ñewa, amaꞌt alloweney awathpaꞌ eꞌñe atthekma yeyxheꞌth. Aña yokthapeꞌchyeseꞌth ñeñth eꞌñe ateth yemnatseꞌtyen ya, ñeñth ateth moenatseꞌtateney ya yechets ñamha ñeñth kowen yenteꞌth eꞌñe yañeña yokthaphñoth. Eꞌñe ya yokthaphñoth ñeñth ateth yeyxheꞌthpaꞌ ñeñthaña eꞌñe yokthapeꞌchatseꞌtatyesayeꞌth. Ñeñthoꞌmarña Yomporpaꞌ aña oꞌpatatyeꞌth atthoch koñchaterrey. Ñewa, amaꞌt allowen poꞌpotantañ acheñeneshaꞌ ñeñth ateth phatseꞌtyeseteꞌthpaꞌ Yomporñapaꞌ eꞌñe atthekma oꞌpatataneteꞌth ñeñthara koñcheñets. Ñerraꞌm allempokmach yerromañpaꞌ eꞌñech yechenkaꞌwerrañ,

El Apocalipsis 17:17

Yomporpaꞌ ña neneꞌ allowen amhchaꞌtarethneshaꞌ poeyoxhreto atthoch ñetpaꞌ eꞌñech pathrra kothapeꞌchenet ñeñth ateth kothapeꞌchen berrmaꞌth, atthoch yenpoeñet eshekchaꞌ awamenkath peñet berrmaꞌth. Allochñapaꞌ atthoch etsotateññañet Yompor poꞌñoñ ñeñth ateth oten.