San Juan 13:19 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁹ Eꞌñe thayotheñpaꞌ ateth notenes amaꞌt ama etsotenaꞌ allochñapaꞌ esempoch etsoterra, sapaꞌ sameꞌñach napaꞌ ñeñthen poꞌñoxh Cristotets.

San Juan 13:19 Iomraidhean Croise

San Mateo 11:3

Ñetña oꞌ xhapoet allpaꞌ ateth otoset: —Ñatoꞌ phatheꞌña ñeñtheph eꞌñe poꞌñoxh Cristotets ñeñth atarr yekwen awathotheñ oꞌch wapa. Ñerraꞌm amatheꞌ ñeñtheyaypepaꞌ oꞌch eꞌñe photey allochñapaꞌ añchaꞌ yekwaꞌ poꞌpsheñeñ ñeñthchaꞌ wapatsa ñeñth eꞌñe Cristo.

San Mateo 24:25

Señochepaꞌch amaꞌt ama xhenaꞌ moeroxhteñtsopopaꞌ napaꞌ oꞌ eꞌñe notwas sa.

San Lucas 21:13

Tharraña allempopaꞌ atarrchaꞌ kowen atthoch saꞌmethosnanña neñoñ.

San Juan 1:15

Allempoña Juan poerranarothpaꞌ aꞌpothan Cristo, ñeñthpaꞌ ateth eñora ñokop: —Añmapaꞌ ñeñthkaꞌyeña notaseꞌth awaña, ñeñthchaꞌ wapatsa chentaꞌ ñapaꞌ atarr awamenkatheshaꞌ, nañapaꞌ ama tama awamenkatheyayno, tharroꞌmar ñapaꞌ awathotheñ eñalla. Amaꞌt allempo neꞌñalleta na, ñañapaꞌ eñalla. Ñeñthpaꞌ allowa ateth ot Juan ñenmath Cristokop.

San Juan 14:29

Theꞌpaꞌ amaꞌt ama etsotenaꞌ, napaꞌ oꞌ notwas, allochñapaꞌ ñerraꞌm esempoch etsoterra, sañapaꞌ sameꞌñerach.

San Juan 16:4

Añexhnopaꞌ oꞌ notwas allochñapaꞌ ñerraꞌm esempoch xhap, sapaꞌ seyerpoerrnanach ñeñth ateth notaseꞌth. ‘Awañmoꞌcha añexhnopaꞌ ama notaseꞌthe tharroꞌmar allempotheñpaꞌ eꞌñe parrokma alloꞌtseney.

San Juan 4:26

Jesúsñapaꞌ alla otererr: —Napaꞌ nakaꞌye ñeñthen peserrpareꞌtateneꞌ.

San Juan 8:28

Jesúsñapaꞌ alla oterraneterr: —Ñerraꞌm esempoch sapaꞌ sechantamphsen eno korsocho na Ñeñthen Acheñetosetspaꞌ allempochña xhaponasa seyoxhro napaꞌ ñeñthen eꞌñe poꞌñoxh xhokma soteneꞌ. Xhaponasach ñamha napaꞌ ama es nepeno eꞌñe notha, añña neꞌñorena ateth yexhatenen Apa.

San Juan 8:58

Jesúsñapaꞌ alla oterraneterr: —Poꞌñoxhkaꞌ napaꞌ oꞌch notas: Ama eñalletenaꞌña Abraham, nañapaꞌ eñallana.