San Juan 13:17 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁷ Ñerraꞌm ñeñthña sexhapoya seyoxhropaꞌ ñeñth ateth neyxhatenes, sañapaꞌ atarrchaꞌ kosheñtsoꞌtsenes ñerraꞌm eꞌñe poꞌñoxh ateth sephowa.

San Juan 13:17 Iomraidhean Croise

San Mateo 12:50

Ñewa, amaꞌt erraꞌtsena ñeñthchaꞌ eꞌñe ateth phoweneꞌ ñeñth ateth moenen Nompor ñeñth poeꞌntañoꞌtsen ñeñthkaꞌyeña eꞌñe poꞌñoxh nemoꞌnasheñ nepen ñeñthña noxh nepen ñeñthña nachor nepen.

San Lucas 11:28

Jesúsñapaꞌ ateth och: —Elloña allowenetpaꞌ atarr kosheñtsoꞌtsaꞌyenet ñeñth poeꞌmhñoteñothet Yompor poꞌñoñ eꞌñe ateth phowenet.

San Juan 15:14

Ñerraꞌm eꞌñe ateth sephowen ñeñth ateth notenes sañapaꞌ ñeñthes eꞌñe neyemtena.

Romanos 2:13

Tharroꞌmar Yomporpaꞌ ama pokteyeꞌ entenano ñeñth attha eꞌmoeneꞌ orrena poꞌñoñ all serrpareꞌteññañet. Añña pokteꞌ enten Yompor, oꞌch ateth penet ñeñth eꞌñe ateth oten poꞌñoñ.

Gálatas 5:6

Ñerraꞌm oꞌ yeparrokmaterr epay Cristo Jesúspaꞌ ama sherbeno attho yetsorrannaꞌtena, ñamha amaꞌt ama atsorraretheyepaꞌ ñeñthpaꞌxhoꞌña ama sherbeno Yomporekop. Aña ñapoeth sherbets eꞌñe yameꞌñeñoth Cristopaꞌ oꞌch yemorrentannaꞌta.

Santiago 1:25

Tharraña ñeñthña eꞌñe pomnenñoth maꞌyoxhrenaya Yompor poꞌñoñ ñeñth eꞌñe kowen ateth oteneypaꞌ ñeñthñapaꞌ ama attheyeꞌ peno ñeñth ateth pena ñeñth eꞌñe orrena eꞌmoeneꞌ Yompor poꞌñoñ ñeñth attha poeseneꞌ ñeñth ateth oteney Yompor. Añchaꞌña xhokmach orrtatyenan ñeñth ateth oten Yompor poꞌñoñ. Elloña ñeñth ateth petsapaꞌ nanakchaꞌ kosheñtsoꞌtsen.

Santiago 4:17

Ñeñthoꞌmarña ellopaꞌ oꞌch alla noterrserr: Ñerraꞌm esempo yeñoteñ yeyoxhro ñeñth kowentetsa Yomporekop, ñerraꞌm amaña ateth yephopaꞌ ñeñthpaꞌ ñeñthña yoꞌchñar yepen.

El Apocalipsis 22:14

Atarr kosheñtsoꞌtsen allowen ñeñth eꞌñe pokteꞌ enten Yompor oꞌch tsomwerrñañet Yompor poenaren alloch eꞌñe korrerret poktakma. Allempopaꞌ amach alla rromoerreteꞌthe. Ñeñthpaꞌ ñeñthchaꞌña eꞌñe yomhaꞌwerret ñesho. Ñewa, ñeñth eꞌñe pokteꞌ enten Yompor ñeñthpaꞌ allowen ñeñth eꞌñe eꞌshowarethterra poꞌchñar eꞌñe pameꞌñeñothet Cristo. Ñatoꞌ oꞌch netmaꞌntacha ateth: Ñetpaꞌ oꞌ eꞌñe tsamaꞌtwerret paꞌshtamoet atthoch eꞌñe pokteꞌ entanet Yompor oꞌch beꞌthoset yetarro eshekchaꞌ xhapoet Yompor paꞌnetsro.