San Juan 13:10 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁰ Jesúsñapaꞌ ateth otererr: —Ñeñth oꞌ apwapaꞌ amakaꞌye es pallteneto, añakaꞌyeña palltenet oꞌch eꞌpatkaꞌchet. Ateth sepena sa aꞌkowentatwarethes sa sokthaphñoth. Sapaꞌ eꞌñe kowen aꞌkowentatwaretheseñ tharraña ama allowenakmayeꞌ aꞌkowentatwaretheso.

San Juan 13:10 Iomraidhean Croise

San Mateo 6:12

Pephretnaꞌwonayepaꞌch Nompore allowen yoꞌchñar ñeñth ama pokteyeꞌ pentapretenye attho Nompore yapaꞌxhoꞌña yephretnannena ñerraꞌm esempo erroth yephannena.

San Juan 13:18

‘Ama allowenakpayaysoyeꞌ neñeno. Napaꞌ neñotenes eꞌñe poesheñaꞌttsospaꞌ ateth sokthapeꞌchyen seyoxhro. Amaꞌt neñotensoñ attheseñpaꞌ tharraña eꞌñe attha naꞌkrerres allochñapaꞌ atthoch etsoterra Yompor poꞌñoñ ñeñth ateth anwareth nokop awathotheñ, ñeñthpaꞌ ateth oten: “Ñeñth parro yerrallmeꞌchenpaꞌ ñepaꞌtchaꞌña tanterrtsa nokop.”

San Juan 13:9

Simónña Pedropaꞌ ateth otererr: —Ñerraꞌm poꞌñoxhtheꞌ ateth, Partseshachaꞌ, amachña ñaptha netak peꞌpatkaꞌtono notaꞌnachña eꞌñe ora noñowen.

San Juan 15:3

Ñeñth ateth neserrpareꞌtatenes ñeñth neñoñpaꞌ alloña oꞌ saꞌkowentatarethetwa ateth ñerraꞌmrratheꞌ uvach oꞌ eꞌñe eꞌshtakreꞌtwet eꞌñe kowen.

2 Corintios 5:17

Ñeñthoꞌmarña ñeñthey oꞌ yeyemtera Cristo, Yomporpaꞌ oꞌ etserrataterrnay yokthaphña eꞌñe poktakma. Ñeñth ateth yokthapeꞌcheꞌth awath, ñeñthpaꞌ oꞌ wañerr, theꞌñapaꞌ oꞌ eꞌñe yokthapeꞌcherr ñeñth eꞌñe kowenareꞌ etserra.

2 Corintios 5:21

Añ ñeñthara Cristo ñapaꞌ amaꞌt parrochapaꞌ ama phano ñeñth ama pokteyeꞌ enteno Pompor Parets, tharraña Pomporñapaꞌ awoꞌt moenateñ oꞌch ateth apharethta ñerraꞌmrratheꞌ acheñ ñeñth atarr ochñath. Tharraña ñeñth attho apharethtapaꞌ ñeñthpaꞌ eꞌñe yokop. Allochñapaꞌ eꞌñe yeyemteñoth Poechemer Cristo, Pomporña yapoerreꞌ alloch eꞌñe pokteꞌ enterrey.

2 Corintios 7:1

Ñewa, eꞌñe nemorrenteñothes, masheñneshachaꞌ ñamha noxhaneshachaꞌ oꞌ notwas ateth oteney Yompor ñeñthchaꞌ ateth perrnay. Ñeñthoꞌmarña theꞌpaꞌ añ poktetsa yokop yapaꞌ oꞌch yeswanem ora allowen ñeñth xhokma aꞌsosyateneꞌ yechets ñamha ñeñth xhokma aꞌsosyateneꞌ amaꞌt yekamkëñ. Añña eꞌñe yemhchaꞌnaꞌteñoth Yomporpaꞌ añchaꞌña yemaꞌyoxhrena ñeñth pokteꞌ enten ña.

1 Tesalonicenses 5:23

Yompor ñeñth eꞌñe yokshateneꞌ yeyoxhro, ñepaꞌchña eꞌñe saꞌkowentaterreꞌ eꞌñe kowen Partsokop. Xhokmoepaꞌch alloꞌna sesen eꞌñe kowen allochñapaꞌ ñerraꞌm esempoch werra Yepartseshar Jesucristo, sokoppaꞌ amach eñalleña amaꞌt koñeꞌtha atthoch otteñeꞌchwerres amaꞌt sekamkëñowen, amaꞌt seyoxhrowen, amaꞌt ñamha sechtsowen.

Hebreos 9:10

Tharroꞌmar ora ateth anarethtet allempo ñeñthpaꞌ añekpa sherben ñeñth eꞌñe poꞌchtsokpoeta ñeñth ateth ñerraꞌm ñeñthchaꞌ rrenet ñamha ñeñthchaꞌ orrenet ñamha attho apaꞌyeseteꞌth Partsokop. Ñeñth orapaꞌ añekpa sherbeꞌth atthoch aꞌpoktatenet poꞌchets Partsokop. Ñamha ñeñthpaꞌ mamekpa anarethta esempowañenña Yomporpaꞌ orrtaterrnaychaꞌ poꞌpoñ ñeñthchaꞌ ello nanak yesherberreꞌ.

Santiago 3:2

Tharroꞌmar alloweneypaꞌ xhokma es yepanten. Ñerraꞌm eseshaꞌña ama es panteno poeñosatseꞌteñothpaꞌ ñeñthña poꞌñoxhpaꞌ eꞌñech kowen kothapeꞌchen, ñamha ñeñth ateth acheñpaꞌ eꞌñech eñoteñ atthoch wenatan ora ñeñth ateth moenatseꞌtyen yechets.