San Juan 13:1 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹ Amaꞌt ama xhenaꞌ pascuapo allempoch kosherrerr judioneshaꞌ, Jesúsñapaꞌ eñoteñ eꞌñech ñeñtheshaña alloꞌtsen arr patsro oꞌch awerr Pomporesho. Ñapaꞌ xhokma atarr morrentenana allowen ñeñth poeyochreshaꞌ pen arr patsro. Ñeñthoꞌmarña allempopaꞌ eꞌñe poktakma morrentwenanet.

San Juan 13:1 Iomraidhean Croise

San Mateo 26:45

Oꞌña maꞌyochwerrapaꞌ allempoñapaꞌ alla werrerr poeyochreshesho, ateth otwerraneterr: —Amaꞌt themeꞌttsenpaꞌ allaꞌt semanrren; amaꞌtpaꞌ alla sames. Theꞌpaꞌ señochepaꞌch oꞌ xhap allempoch pomataterrnet na Ñeñthen Acheñetosets atthothchaꞌ errothwanen perren ñeñth atarr ochñatheneshaꞌ.

San Mateo 28:20

Ñamha xhokmach oꞌch eꞌñe seyxhatyesanet allochñapaꞌ atthoch eꞌñe kowen ameꞌñerrnanet eꞌñe ora ñeñth allpon oꞌ notwas. Ñamha señochepaꞌch napaꞌ eꞌñe patheꞌtets yeth xhokmach alloꞌtseney parro atthoch xhokma nebensareꞌtampenes amaꞌt tharrempowach esempowañen allempoch mellapoterra. Ñeñthpaꞌ atthetepaꞌch Nompore. Allowa.

San Lucas 22:53

Napaꞌ allponmatwanen alloꞌtsenen Parets paꞌpakllo eꞌñe parro sesho, esoꞌmareꞌtña amaña allempokmayeꞌña serrmaꞌneꞌthe. Tharroꞌmar theꞌ oꞌ xhap allempo ñeñth poktetsa sokop ñeñthoꞌmar theꞌ oꞌ xhap allempoch oneñethpaꞌ oꞌch orrtatennas poꞌwamenk, ñeñthpaꞌ eꞌñe ateth ñerraꞌm chekmeteꞌ.

San Lucas 9:51

Xhapmoch allempoch oꞌch alla awerr Jesús poeꞌntañopaꞌ ñañapaꞌ atarr sechena oꞌch awerr Jerusaléño. Ñeñthoꞌmarña moeñan poeyochreshaꞌ ñeñthchaꞌ otrraꞌtatsa

San Juan 11:55

Allempoña oꞌ xherrmocherr pascuapo allempoch alla kosherrerr judioneshaꞌ. Allampañoꞌmarneshaꞌ ñeñth alloꞌtsaꞌyenet shontet awanmoet Jerusaléño. Ama xhenaꞌ pascuapo ñetpaꞌ añekopña awanmoet atthoch aꞌkowentatoset eꞌñe ñetañeña Partsokop.

San Juan 12:23

Jesúsñapaꞌ ateth otapanet: —Theꞌña poꞌñoxhpaꞌ oꞌ etsoterra allempoch na Ñeñthen Acheñetosetspaꞌ oꞌch alla kowentaterren Nompor.

San Juan 13:29

Poesheñaꞌttsetpaꞌ xha otapoetañ Jesúspaꞌ ñatoꞌ añtheꞌ oteñ oꞌch rañthenanaꞌ ñeñth moenenet allchaꞌ koshapretet, tharroꞌmar Judaspaꞌ ñakaꞌye anmapeꞌchampeneꞌña kellayepoꞌr. Amapaꞌ ñatoꞌ añtheꞌ oteñ oꞌch es apaꞌyesan wokchañneshaxhno.

San Juan 13:34

Ñamha oꞌch notas atethchaꞌ sephannena ñeñth eꞌñe etserra: Semoerannaꞌtepaꞌch. Ateth nepenes sa atarr nemoerensa, sapaꞌxhoꞌña atarrepaꞌchña semoerannena.

San Juan 14:28

Theꞌpaꞌ oꞌ seꞌmwe ateth oꞌ notwas, na oꞌch awerren, ellochña alla nowerrerr sesho. Ñerraꞌm poꞌñoxh semorrentennañ oꞌtheꞌ sokshañ tharroꞌmar napaꞌ oꞌch awerren Apoesho. Tharroꞌmar ñapaꞌ nanak awamenkatheshaꞌ, ello metanenen na.

San Juan 14:31

Napaꞌ añchaꞌña ateth nepha ñeñth ateth otenen Apa. Atthochña acheñeneshaꞌ arr patsropaꞌ eñochetchaꞌ na poꞌñoxhpaꞌ eꞌñe nemorrenteña Apa. Theꞌpaꞌ sathomxhaꞌt oꞌch awey arroth.

San Juan 16:28

Poꞌñoxh napaꞌ Apoeshoth nowapa, oꞌ nexhap añe patsro. Elloñapaꞌ oꞌch alla nesaꞌnerr añ pats, oꞌch alla awerren Apoesho.

San Juan 17:1

Allempoña ateth otwanet añexhno Jesúspaꞌ allentha kowaꞌ enonethpaꞌ, ñeñthpaꞌ ateth otan Pompor poemaꞌyocheñoth: —Apachaꞌ, theꞌpaꞌ oꞌ xhapona allempoch etsota ñeñth nokop. Theꞌpaꞌ pekowentatonepaꞌch na tharroꞌmar Pechemer pepenen allochña napaꞌxhoꞌña nekowentatonaphchaꞌ phamha.

San Juan 17:16

Ñetpaꞌ ama alloꞌna parroꞌmarneshateñeto ñeñth ama ameꞌñetso arr patsro ateth nepena namha ama neparroꞌmarneshatenaneto.

San Juan 17:26

Napaꞌ naña eꞌñe eñotatenawet ñet ñeñth ateth pepena pha. Ellopaꞌ allach neñotaterraneterr. Allochñapaꞌ ñetpaꞌxhoꞌña eꞌñech morrentannaꞌterret eꞌñe ateth pepena pha atarr pemorrentenna na. Atthochña napaꞌ eꞌñech neparrokmatenanet ñet. Ñeñthpaꞌ allowach nemaꞌyochapha, Nompore.

San Juan 17:5

Theꞌña, Apachaꞌ, pekowentaterrnanepaꞌch eꞌñe alla pesho eꞌñe ateth allempo atarr aꞌkowentatarethen pesho awath allempo ama eñalletenaꞌ añ pats.

San Juan 18:4

Jesúsñapaꞌ eꞌñe eñoteñ ora ñeñthchaꞌ xhapoya allempo. Ñaña poktanetpaꞌ ateth otapanet: —Sapaꞌ ¿eseshaꞌtña seꞌnen?

San Juan 19:28

Allempoña Jesúspaꞌ oꞌ eñoch oꞌ etsotwa ora allowen ñeñth ñokop, ñañapaꞌ ateth ot: —Xha noꞌñpaꞌten. Ñeñthpaꞌ tharroꞌmar ateth ot allochñapaꞌ atthoch etsoterra Yompor poꞌñoñ ñeñth ateth anwareth awathotheñ.

San Juan 2:13

Allempoña xhapmoch pascuapo allempoch alla kosherrerr judioneshaꞌ. Jesúsñapaꞌ awerr Jerusaléño.

San Juan 6:4

Allempopaꞌ oꞌ xhapmoch pascuapo allempoch alla kosherrerr judioneshaꞌ.

San Juan 7:30

Allempokma atarr moeneñet oꞌch rromoetañ tharraña ama eseshaꞌ rromaye. Tharroꞌmar ama xhenaꞌ allempo ñeñth poktetsa ñokop atthoch rromoet.

San Juan 7:6

Jesúsñapaꞌ ateth otanet: —Allempo ñeñth poktetsa nokop oꞌch norrta allowenakoppaꞌ amakaꞌye eꞌñeyeꞌ xhenaꞌ. Tharraña sokoppaꞌ eꞌñekaꞌye pokteꞌ xhokmakaꞌye eñall.

San Juan 8:20

Allempopaꞌ ateth otanet Jesús all allekma aññoꞌtenet kelle ñeñth Yomporekop allempo yexhatanet allara Parets paꞌpakllo. Tharraña amaꞌt poesheñarra ama eseshayeꞌ rromaye tharroꞌmar ama xhenaꞌ allempoch ñeñth poktetsa ñokop oꞌch rromoet.

Romanos 8:37

Amaꞌt yemoeroxhetwawapaꞌ elloña nanakchaꞌ awamenkath perrey Cristo ñeñth nanak amorrentña yenten.

1 Corintios 1:8

Ñeñthara Jesús ñeñthchaꞌ alloꞌna womenk sephaꞌneneꞌ seyoxher. Atthothach xhap allempoch werra Yepartseshar Jesucristo. Atthochña allempopaꞌ amach eñalle alloch otteñeꞌcharethes amaꞌt mamesha.

Hebreos 3:14

Alloꞌnepaꞌchña eꞌñe womenk yephaꞌnom yeyoxher. Eꞌñepaꞌchña yeyoxhrokmañen yeyemteña Cristo ateth yepha allempo eꞌñe errtey ameꞌñenaya. Ñerraꞌm atethchaꞌ yeyemoetnomha allempopaꞌ yagapapreterchaꞌ Cristo ñeñth oꞌpatateña Pompor.

Hebreos 3:6

Ñapaꞌ añkaꞌyeña Poechemer pen Cristo ñeñthchaꞌ sherberrets tsapathoneth allowenakop ñeñthchaꞌ eꞌñe paꞌpakëll perr Pompor. Ñapaꞌ eꞌñe kowen etsoterran ñeñth eꞌñe Pomporekop. Alloweneypaꞌ eꞌñe paꞌpakëll phoweney Yompor allchaꞌ yexhena ña ñerraꞌm alloꞌnach womenk yeyemoetneña atthochña eꞌñe yoksheñeshokma yekwaꞌwanom ñeñth oꞌpatatenya.

Hebreos 6:11

Añña atarr nemnen amaꞌt allowenespaꞌ alloꞌnepaꞌchña sesen orrtatyesnomoeꞌ ñeñth kowen enten Yompor, eꞌñechña soksheñeshokmañen sorrtatyeswanom allowen ñeñth kowen enten Yompor eꞌñe ateth soksheñoth xhokma seyenpaꞌyeñ ñeñth poeyochreshaꞌ pen Parets. Atthoña eꞌñe seyemteñoth Yompor sekwen ñeñth oꞌpatatenya.

1 San Pedro 1:13

Ñeñthoꞌmarña theꞌpaꞌ añ poktetsa eꞌñe sa señoteñothpaꞌ eꞌñech kowen sokthapeꞌchen. Eꞌñe seyemteñoth ñapaꞌ oꞌch sekwameꞌteñ esempoch werra Jesucristo. Allempopaꞌ ellochña nanak moeraꞌwerrsa, kowenchaꞌ es apwerres.

1 San Juan 4:19

Yomporpaꞌ oꞌ eꞌñe morrenterrya yanom, ñeñthoꞌmarña yapaꞌxhoꞌña theꞌpaꞌ oꞌch eꞌñe yemorrentera yamha.