San Juan 12:6 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁶ Ñapaꞌ ama poellkëñotheyeꞌ wokchañneshaxhnokop ateth oto. Ñapaꞌ tharroꞌmara ateth ot, ñapaꞌ atarrkaꞌye eñeth. Ñapaꞌ eꞌñe ñakma anmampeneꞌ kellayepoꞌr ñeñth allowenakop, ñapaꞌ allothña etenña kelle ñeñth eshaꞌtenet all.

San Juan 12:6 Iomraidhean Croise

San Mateo 21:13

Allempoñapaꞌ ateth otosanet: —Yompor poꞌñoñ ñeñth ateth anwareth awathotheñ allñapaꞌ atethkaꞌye oten Yompor: “Añ ñeñth nepakëll nepenpaꞌ añekpakaꞌyeña sherben allekmach maꞌyochennet.” Tharraña sañapaꞌ eꞌñe ateth sepeññañña Yompor paꞌpakëll ñerraꞌmrratheꞌ eñeth ñeñth epotyetsa mapoetpono.

San Lucas 8:3

Ñewa, poꞌpsheñeñ koyaneshaꞌ añ paꞌsoꞌcheñ Juana. Poerrollarñapaꞌ añ paꞌsoꞌcheñ Cuza añ poꞌtarwas pen attho sherbenan amhchaꞌtareth Herodes. Allothña poꞌpsheñeñ koyaneshaꞌ ñeñth kothaꞌneneꞌ Jesús ñeñthpaꞌ añ paꞌsoꞌcheñ Susana. Ellopaꞌ shonteꞌ poꞌpotantañ koyaneshaxhno ñeñth es apaꞌyesayeꞌth Jesús ñeñth allpon echyenet ñet.

San Juan 10:13

Ñeñth attha atsaꞌtarethtetsapaꞌ poꞌñoxhpaꞌ ama llekaꞌpenanoña carnero amaꞌt mamesha. Ñeñthoꞌmarña xhach saꞌnmanña carnero.

San Juan 12:5

—Esoꞌmartheꞌña añ eñmosathpaꞌ ama xhoyeꞌña yepome, xhochñaxhoꞌ yepomeñpaꞌ yeganañchaꞌ shonteꞌ kelle ñeñth trescientos denario allempopaꞌ yapaꞌyeseñchaꞌ wokchañneshaxhno ñeñth atarr es palltaꞌyetsa.

San Juan 13:29

Poesheñaꞌttsetpaꞌ xha otapoetañ Jesúspaꞌ ñatoꞌ añtheꞌ oteñ oꞌch rañthenanaꞌ ñeñth moenenet allchaꞌ koshapretet, tharroꞌmar Judaspaꞌ ñakaꞌye anmapeꞌchampeneꞌña kellayepoꞌr. Amapaꞌ ñatoꞌ añtheꞌ oteñ oꞌch es apaꞌyesan wokchañneshaxhno.

1 Corintios 6:10

Allothpaꞌ ñamha ñeñth etyets ñamha ñeñth atarr es yeꞌchapretyetsa, ñamha ñeñth posaꞌtareꞌtyets, ñeñth ateth phaꞌyetsapaꞌ amach es oꞌpatatarethterreto all amhchaꞌtarethtena Yompor. Allothpaꞌ ñamha ñeñth achmhareꞌtets ñamha ñeñth poerratampesyets ñetpaꞌxhoꞌña amach es oꞌpatatarethterreto all amhchaꞌtarethtena Yompor.

Gálatas 2:10

Ñetpaꞌ aña patherr otyet, es yapaꞌyesepaꞌtoꞌ wokchañneshaxhno; ñeñthña amaꞌt napaꞌ eꞌñe pokteꞌ neñch namha.

1 Tesalonicenses 5:22

Tharraña allowen erraꞌtsenchaꞌ ama kowenayeꞌ sentyeso ñeñthñapaꞌ xhosaña aꞌypoꞌñerreꞌ.

Santiago 2:2

Ñatoꞌ sa errothenopaꞌ oꞌch sapxhena allowenes Yompor paꞌpakllo. Allempoña sapxhenapaꞌ ñatoꞌ oꞌch wapa poesheñarr ñeñth chorrenaya ñeñth nanak kowen, ñeñth neneꞌ anillo orotllellen. Ñatoꞌ ñapaꞌ eꞌñech kowen sagaph oꞌchxhoꞌ sotaph: “Phanorros arr allameꞌtets eꞌñe koweno.” Ñatoꞌ eꞌñech allempokma oꞌch wapa ñamha ñeñth atarr wokchañ ñeñth xha shetsreꞌsheꞌmoen paꞌshtam. Ñatoꞌ ñeñthñapaꞌ xhach sotaph: “Phapaꞌ alla phathomos tharroneth, amapaꞌ alla phanorros patso.”

Santiago 2:6

Tharraña sañapaꞌ xhaña semneñ oꞌch sepenkach ñeñth wokchañetets. Sapaꞌ amaꞌt señoteñeña ñeñth nanak ekhllayorethpaꞌ ñeñthña es aprratamphsañ, amapaꞌ oꞌch temantas amhchaꞌtarethesho.