San Juan 12:50 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵⁰ Napaꞌ neñoteñ ñeñth ateth otenen ña ñeñthpaꞌ ñeñthchaꞌña allochña sapaꞌ korretsasach soksheñeshokmañen thayotheñ eꞌñe errponañowen. Ñeñth ateth neñen napaꞌ añkaꞌye neñen ñeñth ateth otenen Apa.

San Juan 12:50 Iomraidhean Croise

San Juan 17:3

Añmapaꞌ ñeñthña alloch ñetpaꞌ korretsetach thayotheñ eꞌñe errponañowen ñerraꞌm esempo eñoterrpet pha ñeñtheph phapoeth eꞌñe poꞌñoxh Yomporetets ñamha ñerraꞌm eñoterrnet na ñeñthen Jesucristo pha pellsensaren.

San Juan 20:31

Allpon ñeñth akellkarethtatsa arr libro ñeñthpaꞌ añekop anareth ñeñthchaꞌ sameꞌñateꞌ poꞌñoxh Jesúspaꞌ ñeñth Cristotets, ña poꞌñoxh Yompor Poechemer. Tharroꞌmar eꞌñe sameꞌñeñotha Cristo sañapaꞌ korretsasach thayotheñ eꞌñe errponañowen.

San Juan 5:19

Jesúsñapaꞌ ateth oterraneterr: —Eꞌñe poꞌñoxh notenes, na ñeñthen Poechemer pen Yompor amatheꞌ errothenoth es nephoña eꞌñe notha. Napaꞌ añña ateth nephaꞌyen ateth nenteññañ Apa, tharroꞌmar ñeñth ateth pen Apapaꞌ napaꞌxhoꞌña ñeñthen Poechemerenpaꞌ atethchaꞌ es nephaꞌyen namha.

San Juan 6:63

Yekamkëñ alloña eꞌñe poꞌñoxh yokrrena. Yechetspaꞌ amaꞌt koñeꞌthapaꞌ ama sherbeno. Neñoñ ñeñth neserrpareꞌtatenespaꞌ eꞌñe poꞌñoxh sekamkëñekop ñeñthña poꞌñoxh alloch eꞌñe sokrra.

San Juan 6:68

Simón Pedroñapaꞌ ateth och: —Partseshachaꞌ, eseshaꞌwatheꞌñakaꞌye yokthaꞌ. Phapthakaꞌye pechenña ñoñets atthochña yapaꞌ korretsayach thayotheñ errponañowen.

San Juan 8:28

Jesúsñapaꞌ alla oterraneterr: —Ñerraꞌm esempoch sapaꞌ sechantamphsen eno korsocho na Ñeñthen Acheñetosetspaꞌ allempochña xhaponasa seyoxhro napaꞌ ñeñthen eꞌñe poꞌñoxh xhokma soteneꞌ. Xhaponasach ñamha napaꞌ ama es nepeno eꞌñe notha, añña neꞌñorena ateth yexhatenen Apa.

1 Timoteo 1:16

Ñeñthoꞌmar Yomporpaꞌ atthothña peretnerren na, amaꞌt napaꞌ nanak ochñathen, allochñapaꞌ atthoch eñochet amaꞌt erraꞌtsentheꞌ acheñer ñeñth nanak ochñathpaꞌ atthera nanak morrenteña Jesucristo. Allochñapaꞌ ñerraꞌm eseshaꞌña ameꞌñerrayapaꞌ ñetñapaꞌ korretsetach poksheñeshokmañen thayotheñ eꞌñe errponañowen.

1 San Juan 2:25

Jesucristopaꞌ ateth otnerrey oꞌch apoerrey eꞌñe poꞌñoxh atthochña yapaꞌ korretsayach yoksheñeshokmañen thayotheñ eꞌñe errponañowen.

1 San Juan 5:20

Yañapaꞌ yeñoteñ ñeñth Poechemer pen Yomporpaꞌ ñañapaꞌ oꞌ wapa. Ñaña yexhapaterreꞌña yeyoxhro atthochña yapaꞌ oꞌch yeñoter Yompor ñeñth eꞌñe poꞌñoxh Parets. Ñeñthoꞌmarña yeñoteñ oꞌ yeparrokmaterr epay ñeñth eꞌñe poꞌñoxh Yompor Poechemer ñeñthpaꞌ Jesucristo. Atthoña yapaꞌ oꞌ eꞌñe yeñoter Yompor ñeñth eꞌñe poꞌñoxh Parets, ñeñthña yapaꞌ allochña eꞌñe korretsayach yoksheñeshokmañen thayotheñ eꞌñe errponañowen.