San Juan 12:44 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁴ Jesúsña rranapaꞌ ateth oterrerr: —Ñerraꞌm eseshaꞌ nameꞌñenaya na, ama napthayeꞌ ameꞌñenneto. Añeꞌnaña ameꞌñenet Nompor ñeñth nellsenseneꞌ.

San Juan 12:44 Iomraidhean Croise

San Mateo 10:40

Jesúspaꞌ alla oterranerr poeyochreshaꞌ: —Ñerraꞌm oꞌch sawanma, ñerraꞌm eseshaꞌch eꞌñe kowen sagapoeꞌ sa, ñetpaꞌ naꞌnakaꞌyeña agënet eꞌñe kowen. Ñamha ñeñth eꞌñe kowen nagëneꞌ na, ñetpaꞌ Nomporeꞌnakaꞌyeña agënet ñeñth nellsenseneꞌ na.

San Marcos 9:23

Jesúsñapaꞌ ateth och: —Ñerraꞌm na peyemtena amakaꞌye eñalleña ñeñth thorrapoꞌ añekop ñeñth eꞌñe neyemtenaya na.

San Marcos 9:37

—Erraꞌtsenothes sa ñerraꞌm eꞌñe kowen sagëñ amaꞌt ñeñth ama asherbenayeꞌ entyeneto ateth ñerraꞌm añ cheshatholl tharroꞌmar sapaꞌ na sameꞌñena, naꞌnaña eꞌñe kowen sagën. Elloña ñamha erraꞌtsenothes sa ñeñthes nagëneꞌ na, ama eꞌñe napthocheyeꞌ sagëno, añeꞌnaña sagënnan Nompor ñeñth nellsenseneꞌ.

San Juan 11:43

Ñeñtha otwapaꞌ allempoñapaꞌ rrana womenkpaꞌ ateth ot: —¡Lázaroñe, theꞌpaꞌ oꞌch notaph petantena, pexhaꞌnen!

San Juan 13:20

Poꞌñoxhkaꞌye oꞌch notas: Ñerraꞌm eseshaꞌ eꞌñe kowen agëneꞌ ñeñth nellsensen na ñetpaꞌ naꞌnakaꞌyeña agënet eꞌñe kowen. Ñamha ñeñth eꞌñe kowen nagëneꞌ na, ñetpaꞌ Nomporeꞌnakaꞌyeña agënet ñeñth nellsenseneꞌ na.

San Juan 5:24

‘Napaꞌ eꞌñe poꞌñoxh ateth notenes: Ñerraꞌm eseshaꞌ eꞌmhñoteꞌ neñoñ ñamha ñerraꞌm yemterrnanet Nompor ñeñth nellsenseneꞌ ñetñapaꞌ korretsetach poksheñeshokmañen thayotheñ errponañowen. Amach aꞌkoñchatarethterreto amaꞌt errponaña. Tharroꞌmarña ñetpaꞌ oꞌ metanerretña ñeñth eꞌñe poꞌñoxh rromoeñets, oꞌ xherret allña ñetpaꞌ korretsetach thayothen errponañowen.

San Juan 7:28

Jesúsña allempo yexhaten Parets paꞌpakllo, ñapaꞌ poerranaroth ateth otanet: —Sapaꞌ sechmeꞌtennoñtheꞌ, señotennoñtheꞌña na erroththeꞌ nowapa. Tharraña napaꞌ ama nothayeꞌ nowapo, eñallña ñeñth nellsenseꞌ; ñapaꞌ eꞌñe poꞌñoxh ñerraꞌm erroth ot, ama poenesho poꞌñoñ. Ñeñthña sapaꞌ ama señoteñeña sa.

1 San Pedro 1:21

Yameꞌñeñoth Cristopaꞌ oꞌch yeyemterrñaña Pompor, tharroꞌmar Pomporpaꞌ oꞌ tantater amaꞌt oꞌ rromwa. Tantater atthoch alla eꞌñe kowentater Pompor. Ñeñthoꞌmarña theꞌ yapaꞌ oꞌch yeyemcha Yompor, oꞌch yekwameꞌtoñ ñeñth oꞌpatatenya.