San Juan 12:40 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁰ Eꞌñe pathpareꞌteñothet Yomporñapaꞌ moenatanet oꞌch echarrtet poeyoxhret. Atthochña ñetpaꞌ xhach ottenet ñerraꞌm aporoꞌyethet ñeñth ama es enteno. Ñeñthoꞌmarña ama moenatenaneto oꞌch es entet thayeꞌtoꞌtheꞌ xhapanet poeyoxhreto. Ñeñthoꞌmarña amaꞌt mameshapaꞌ amach es kothapeꞌcheneto nokop atthoch naꞌkeshphaterranetañ.

San Juan 12:40 Iomraidhean Croise

San Mateo 15:14

Ñetpaꞌ ottetepaꞌtha. Ñetpaꞌ eꞌñe ateth penet ñerraꞌmrratheꞌ poesheñarr ñeñth aporoꞌyethpaꞌ ñapaꞌ oꞌch echaꞌnman poꞌpsheñeñ ñeñth parro aporoꞌyethekmoet. Allempo ateth penet ñerraꞌm arrorothontha echaꞌnmannaꞌtnomoet epsheñoꞌmaret xhach shoraꞌnmoset arrorotho. Arrpaꞌ allowa ñeñth ateth tomaꞌntatanet ateth ñerraꞌm ya allempo ama yokthapeꞌcherraꞌ ñeñth kowentetsa Yomporekop amach errothenoth yokthapeꞌchache poꞌpsheñeñ ñeñth ama eñotenaye ñeñth kowen enten Yompor.

San Marcos 4:12

Atthoña amaꞌt enteñetañ ñetñapaꞌ amach errothenoth es xhapaweto poeyoxhreto. Amaꞌt eꞌmoeñetañ amach xhenanetoña poeyoxhreto ñeñth ateth yexhateney Yompor poꞌkowenña. Atthoña amach kothapeꞌcherreto ello kowen Yomporekop atthoch ñach peretnerrawet poꞌchñaret.

San Marcos 6:52

Ama xhenaneto poeyoxhreto amaꞌt attho Jesúspaꞌ atontatan pan, amakaꞌye es xhenaweto poeyoxhreto.

San Lucas 4:18

Napaꞌ añ nechorrenaya Nompor Poekamkëñ tharroꞌmar ña nellsenseꞌ nach serrpareꞌtaterreꞌ ora allowen acheñeneshaꞌ ñeñth atarr es palltetsa. Napaꞌ añchaꞌ neñotaterranet kowen ñoñets ñeñthpaꞌ alloch keshperret. Ñamha añekopña llesenserren atthoch nach aꞌkrratyerreꞌ allowen ñeñth moeroxhetyetsa poellkëñoth poeyoxhreto. Nach eñotaterreꞌ ñamha ñeñth ayottamphsarethetyetsa allochñapaꞌ oꞌch atoramphsarethterret. Nach eñotaterreꞌ ñamha ñeñth ama entetso allochñapaꞌ oꞌch enterret. Ñamha ñeñth amoeroxhtatarethetyetsa nachña aꞌrroyataterrawet.

San Lucas 8:10

Jesúsñapaꞌ alla oterraneterr: —Sa theꞌpaꞌ Yomporña oꞌ moenaterres atthoch señoterr ñeñth ama eñotpawoyaye amaꞌt awathotheñ ateth penaña Yompor poꞌkowenña attho atarr ayochreshathtena ña. Tharraña poꞌpotantañexhnoña ñeñth attha es poexhaꞌyetsa, ñokpoetpaꞌ ama eñoteñeto ñeñth ateth atmaꞌntatareth ñoñets. Atthoña amaꞌt enteñetañ ñetñapaꞌ amach es xhenaweto poeyoxhreto. Amaꞌt eꞌmoeñetañ amaña xhenanetoña poeyoxhreto ñeñth ateth yexhateney Yompor poꞌkowenña.

San Juan 12:39

Ñeñthoꞌmarña amatheꞌ errothenoth ameꞌñeto. Tharroꞌmar elloneth Isaíaspaꞌ ateth oteꞌth:

San Juan 9:39

Jesúsñapaꞌ alla oterrerr: —Napaꞌ añekopña nowapa arr patsro allochñapaꞌ atthoch akrarethterra acheñeneshaꞌ errothenchaꞌ nentyesanet, allochñapaꞌ ñeñth ama entetsopaꞌ oꞌch eꞌñe kowen enterra. Ñeñthña entetsañpaꞌ oꞌch alla aporoꞌyethterra. Ñeñthpaꞌ añ tomaꞌntata, ñeñth atarr ochñath entetsa ñerraꞌm ameꞌñerrana Jesús, ñetpaꞌ xherranetchaꞌ Yompor poꞌkowenña poeyoxhreto. Ñeñthña ama ochñatheyeꞌ entetsañe ñeñthoꞌmarña ñetpaꞌ amach ameꞌñereto Jesús, ñetñapaꞌ amach xherraneto Yompor poꞌkowenña poeyoxhreto.

Los Hechos 15:3

Oꞌ soꞌtwanma ñeñth ameꞌñetsapaꞌ awanmoet. Arr oñmoet Fenicioꞌmar allothñapaꞌ awanmoet Samarioꞌmar. Allña oñemwanmoetpaꞌ all serrpareꞌtyesnomoet. Añ serrpareꞌtyesnomoet attho oꞌ ameꞌña ñeñth ama judioneshayaye. Pameꞌñeñothetpaꞌ oꞌ aꞌypoꞌñaꞌwerret ñeñth awath pokthaphñet. Ñeñthña nanak koshateꞌña allowen ñeñth ameꞌñetsa.

Los Hechos 28:26

Oꞌch soteñaꞌ judioneshaꞌ añ ñoñets: Amaꞌtchaꞌ xhokma eꞌmhñotenetpaꞌ amaꞌt awathapaꞌ amach xhapaneto poeyoxhreto. Ñamha amaꞌtchaꞌ xho es entwetpaꞌ amach xhapaneto poeyoxhreto.

Los Hechos 3:19

Ñeñthoꞌmarña theꞌpaꞌ añ poktetsa eꞌñe sa sellkëñothpaꞌ oꞌch sokthapeꞌcherr ello kowen Yomporekop. Oꞌch seswanom ñeñth awathotheñ sokthaphña. Atthothchaꞌ Yomporpaꞌ eꞌshowerrnaschaꞌ soꞌchñar.

Romanos 9:18

Ñeñthoꞌmarña yapaꞌ yeñoteñ ñerraꞌm eseshaꞌ moenen Yompor oꞌch aꞌnatanetpaꞌ ñeñthchaꞌña aꞌnatena. Ñamha ñerraꞌm eseshaꞌ moenen Yompor oꞌch echarrtenet poeyoxhreto, ñachña moenatenawet.