San Juan 12:23 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²³ Jesúsñapaꞌ ateth otapanet: —Theꞌña poꞌñoxhpaꞌ oꞌ etsoterra allempoch na Ñeñthen Acheñetosetspaꞌ oꞌch alla kowentaterren Nompor.

San Juan 12:23 Iomraidhean Croise

San Mateo 25:31

Allempoch nowerra na Ñeñthen Acheñetosets, nowerrach eꞌñe nepartsoteñowen epan allowen nemhllañotheñnaneshar. Allempopaꞌ nanorrwerrchaꞌ nekonaño allchaꞌña eꞌñe nepartsotwerr eꞌñe nekowenteñeshaꞌ.

San Mateo 26:45

Oꞌña maꞌyochwerrapaꞌ allempoñapaꞌ alla werrerr poeyochreshesho, ateth otwerraneterr: —Amaꞌt themeꞌttsenpaꞌ allaꞌt semanrren; amaꞌtpaꞌ alla sames. Theꞌpaꞌ señochepaꞌch oꞌ xhap allempoch pomataterrnet na Ñeñthen Acheñetosets atthothchaꞌ errothwanen perren ñeñth atarr ochñatheneshaꞌ.

San Marcos 14:35

Ñañapaꞌ awoꞌ aꞌyentheyeꞌ all rremosa patso ateth maꞌyochosa: —Apa, phokoppaꞌ ama eñalle ñeñth ama errothen apen penteno; ñeñthoꞌmar theꞌpaꞌ noteneph amach pemnatatsche oꞌch xhapona ñeñth atarr amoeroxhtatañ nenten na. Tharraña ñerraꞌm phach moenatspaꞌ añepaꞌchña ateth pephaton ñeñth pemnen pha, amachña añeyaye ñeñth nemnen na.

San Marcos 14:41

Jesúsñapaꞌ alla awerrerr maꞌyochatsa. Oꞌña maꞌyochwerraꞌpaꞌ allempoñapaꞌ alla werrerr pomaꞌpocheñowa, ateth otwerranerr poeyochreshaꞌ: —Amaꞌt themeꞌttsenpaꞌ allaꞌt semanrren; amaꞌtpaꞌ alla sames. Theꞌpaꞌ ñeñthepaꞌtha, señochepaꞌch oꞌ xhap allempoch pomataterrnet na Ñeñthen Acheñetosets atthothchaꞌ errothwanen perren ñeñth atarr ochñatheneshaꞌ.

San Juan 12:16

Ñewa, ñeñth ñoñets allempoña poeyochreshaꞌpaꞌ ama xhapaneto poeyoxhreto. Tharraña tsapathonethña allempo rroma Jesús, oꞌ alla tanterra alla awerr poeꞌntaño all atarr kowentatapoer Pompor, ñetñapaꞌ allempaña xherranetña poeyoxhreto theꞌña poꞌñoxhpaꞌ oꞌkaꞌye etsoterra eꞌñe ateth anwareth ñokop amaꞌt awathotheñ.

San Juan 12:27

‘Theꞌ na neyoxhropaꞌ xha atarr nellkëna. Tharraña amaꞌt attheñpaꞌ Nomporña napaꞌ amach xha notatsche amach moenatano oꞌch wapona ñeñth atarr amoeroxhtatañ nenten. Ñeñth atethpaꞌ amach notatsche tharroꞌmarña napaꞌ ñeñthekopkaꞌyeña nowapa nach amoeroxhtatarethterrtsa. Añchaꞌña noch Nompor:

San Juan 13:1

Amaꞌt ama xhenaꞌ pascuapo allempoch kosherrerr judioneshaꞌ, Jesúsñapaꞌ eñoteñ eꞌñech ñeñtheshaña alloꞌtsen arr patsro oꞌch awerr Pomporesho. Ñapaꞌ xhokma atarr morrentenana allowen ñeñth poeyochreshaꞌ pen arr patsro. Ñeñthoꞌmarña allempopaꞌ eꞌñe poktakma morrentwenanet.

San Juan 7:39

Ñewa, añ ñoñetspaꞌ añekop serrpareꞌten Yompor Poekamkëñekop ñeñthchaꞌ chorrerraya allowen ñeñthchaꞌ ameꞌñerraya ña. Tharraña allempopaꞌ ama aparethtenetaꞌ Yompor Poekamkëñ, tharroꞌmar Jesúspaꞌ ama xhenaꞌ allempoch alla awerr Yompor poeꞌntaño allchaꞌ eꞌñe kowentaterrñañet.