San Juan 12:1 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹ Oꞌ pechapmatamha oꞌch xhapaꞌmoen pascuapo, Jesúspaꞌ alla xherr Betanio. Allñapaꞌ alloꞌtsen Lázaro ñeñth rromats awaña ñeñth alla tantaterr Jesús.

San Juan 12:1 Iomraidhean Croise

San Mateo 21:17

Oꞌña yerpatwerranet añ ñoñets ñeñth ateth anareth awathotheñ ñokop, allempoña saꞌnerranet ñeñthe anetsrothpaꞌ oꞌ alla awerrerr Betanio. Allpaꞌ allekma ommoena.

San Marcos 11:11

Attheñapaꞌ xhap Jesús Jerusaléñopaꞌ allentha awos Parets paꞌpakllo, all beꞌthosos, kowaꞌyesosan ora allowen ñeñth alloꞌtsaꞌyen. Kowaꞌyesweñaꞌpaꞌ oꞌ xhaꞌnerrpaꞌ awoꞌ anetso Betanio allowen poeyochreshowen ñeñth xharraꞌ poechena epsheña tharroꞌmar allempopaꞌ oꞌkaꞌye ellerren.

San Lucas 24:50

Allempoña Jesús err Jerusaléñoth, awanerran poeyochreshaxhno aꞌyo anetso Betanio. Allñapaꞌ echantosan potpaꞌ bensareꞌtampesyesosanet.

San Lucas 7:37

Poesheñarrña koyaneshaꞌ ñeñth alloꞌmarneshaꞌ ñeñth atarr ekañoreshath, ñañapaꞌ oꞌ eꞌmareꞌch oꞌ xhap Jesús fariseo paꞌpakllo all rrallmeꞌchen. Ñañapaꞌ wapa, wapatan ñeñth atarr eñmosath ñeñth nanak tsaꞌteꞌ; wapatampes poetellmho ñeñth otenet alabastro.

San Juan 11:1

Allempo atsnaꞌten poesheñarr yakma ñeñthpaꞌ añ paꞌsoꞌcheñ Lázaro ñeñth yexhetsa anetso Betania epoet epsheñoꞌmar poꞌxh, poesheñarrpaꞌ María, poꞌpsheñeñpaꞌ Marta.

San Juan 11:43

Ñeñtha otwapaꞌ allempoñapaꞌ rrana womenkpaꞌ ateth ot: —¡Lázaroñe, theꞌpaꞌ oꞌch notaph petantena, pexhaꞌnen!

San Juan 11:44

Allempoñapaꞌ xhepaꞌtchaꞌ xhaꞌnetsña Lázaro ñeñth oꞌ rromwa, ephotaꞌtareth poto ñamha paꞌrrphoth, ñamha paꞌklloyothpaꞌ eꞌtaklleꞌchareth pañello. Jesúsñapaꞌ ateth oterraneterr: —Theꞌpaꞌ xhosañakaꞌye toramperreꞌ eshekchaꞌ chopeꞌchnerr oꞌch awerr.

San Juan 11:55

Allempoña oꞌ xherrmocherr pascuapo allempoch alla kosherrerr judioneshaꞌ. Allampañoꞌmarneshaꞌ ñeñth alloꞌtsaꞌyenet shontet awanmoet Jerusaléño. Ama xhenaꞌ pascuapo ñetpaꞌ añekopña awanmoet atthoch aꞌkowentatoset eꞌñe ñetañeña Partsokop.

San Juan 12:12

Tsapathña shonteꞌ acheñeneshaꞌ ñeñth shontetsa pascuakop Jerusaléño, ñetñapaꞌ eꞌmareꞌteñet Jesús oꞌ xhapmoch ñamha Jerusaléño.

San Juan 12:20

Patantaꞌtets griegoneshaꞌpaꞌ awanmoet ñamet oꞌch koshapretenetaꞌ pascua; ñetpaꞌ añekop awanmoet oꞌch konkorposet all.

San Juan 12:9

Shonteꞌ judioneshaꞌ allempo eꞌmareꞌchet oꞌ alla xherr Jesús all Betanio, ñetñapaꞌ waxhaꞌtet. Ama eꞌñe ñapthekpa Jesúsokop waxhaꞌteto oꞌch enteñetaꞌ, añekpaꞌnaña waxhaꞌtet oꞌch enteñetaꞌ ñamha Lázaro ñeñth rromats awaña ñeñth tantaterr Jesús.