San Juan 11:5 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵ Jesúspaꞌ amaꞌt atarr morrentenanañ Marta ñamha paꞌmoꞌnerr ñamha Lázaro,

San Juan 11:5 Iomraidhean Croise

San Lucas 10:38

All oñen Jesúspaꞌ oꞌ xhap patherr anetso. Allña poesheñarr koyaneshaꞌ añ paꞌsoꞌcheñ Marta, ñañapaꞌ eꞌñe kowen agapapan Jesús paꞌpakllo.

San Lucas 10:40

Paꞌmoꞌnerrña Martapaꞌ aña eꞌñe maꞌyoxhrena aꞌthoramphseꞌ all poetareꞌtallmeꞌchen. Ñañapaꞌ ponmana Jesúspaꞌ ateth otos: —Ayochreshathe, amatheꞌ pokteꞌ penteñe naptha neptareꞌtallmeꞌchen; nemoꞌnerrñapaꞌ ama yenpoenno. Theꞌpaꞌ oꞌch phoch aꞌthoramphsapretnepaꞌ nathar.

San Lucas 10:41

Jesúsñapaꞌ ateth och: —Noxha Marta, shonteꞌ paꞌnamen ñeñth pethorraꞌyena, phapaꞌ ñeñthaña atarr pellkateneꞌ.

San Juan 11:1

Allempo atsnaꞌten poesheñarr yakma ñeñthpaꞌ añ paꞌsoꞌcheñ Lázaro ñeñth yexhetsa anetso Betania epoet epsheñoꞌmar poꞌxh, poesheñarrpaꞌ María, poꞌpsheñeñpaꞌ Marta.

San Juan 11:3

Poꞌxhaneshaꞌñapaꞌ allentha moeñet acheñ Jesúsesho, ñetñapaꞌ ateth otoset Jesús: —Partseshachaꞌ, ñeñth atarr pemorrentenapaꞌ xha atsnaꞌten.

San Juan 11:36

Judioneshaꞌñapaꞌ otyeset: —Ñapaꞌxhoꞌ atarrepaꞌtkaꞌye morrenteña.

San Juan 11:6

tharraña allempoña eꞌmareꞌtan Lázaropaꞌ xha atsnaꞌten, ñapaꞌ amaña allorokmayeꞌ to, ñapaꞌ alla epomterr eꞌñe all alloꞌtsen.

San Juan 11:8

Poeyochreshaꞌñapaꞌ ateth ochet: —Maestrochaꞌ, allpaꞌ xhakaꞌye oꞌpatenpha judioneshaꞌ oꞌch rrolleꞌtapet atthoch moetsapet. Taꞌm, ¿phaña theꞌpaꞌ oꞌch alla pesechenerr oꞌch alla awerrperr?

San Juan 16:27

Apañapaꞌ atarrchaꞌ morrentensa attho sapaꞌ semorrentenna, eꞌñe seyemtenna attho napaꞌ Apoeshoth nowapa.

San Juan 17:26

Napaꞌ naña eꞌñe eñotatenawet ñet ñeñth ateth pepena pha. Ellopaꞌ allach neñotaterraneterr. Allochñapaꞌ ñetpaꞌxhoꞌña eꞌñech morrentannaꞌterret eꞌñe ateth pepena pha atarr pemorrentenna na. Atthochña napaꞌ eꞌñech neparrokmatenanet ñet. Ñeñthpaꞌ allowach nemaꞌyochapha, Nompore.