San Juan 11:44 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁴ Allempoñapaꞌ xhepaꞌtchaꞌ xhaꞌnetsña Lázaro ñeñth oꞌ rromwa, ephotaꞌtareth poto ñamha paꞌrrphoth, ñamha paꞌklloyothpaꞌ eꞌtaklleꞌchareth pañello. Jesúsñapaꞌ ateth oterraneterr: —Theꞌpaꞌ xhosañakaꞌye toramperreꞌ eshekchaꞌ chopeꞌchnerr oꞌch awerr.

San Juan 11:44 Iomraidhean Croise

San Marcos 5:43

Allempoña Jesúspaꞌ ateth otanet: —Poꞌñoxh theꞌpaꞌ amach eseshaꞌ señotatatsto amaꞌt eꞌñe poesheñarra. Alla oterraneterr: —Theꞌpaꞌ serratallmeꞌcherñakaꞌye.

San Lucas 19:20

Allempoñapaꞌ wapa poꞌpsheñeñ paꞌtarwasañer, ñapaꞌxhoꞌña ateth otos: “Ayochreshathe, arrpaꞌ ñeñtha allponara ñeñth eꞌñe allpona phapaꞌnmoen awaña kelle. Napaꞌ alla naññoꞌtennaph eꞌñe kowen nepennaph pañello.

San Lucas 7:15

Eꞌñe otweꞌpaꞌ ñeñthña arromñathpaꞌ allentha tanterra xha eñorerrtsa. Jesúsñapa oꞌ alla apoerrñañ pachor.

San Juan 10:30

Napaꞌ eꞌñe parro atthekman epan ña.

San Juan 11:39

Allñapaꞌ ateth otosanet Jesús: —Theꞌpaꞌ saꞌrrotheꞌt mapoeꞌ aꞌyeneth. Martaña ñeñth arromñath poꞌxhpaꞌ ateth oterranerr Jesús: —Partseshachaꞌ, oꞌtheꞌ xha pomhañaꞌ oꞌ paꞌtatsmat pampaꞌwet.

San Juan 11:43

Ñeñtha otwapaꞌ allempoñapaꞌ rrana womenkpaꞌ ateth ot: —¡Lázaroñe, theꞌpaꞌ oꞌch notaph petantena, pexhaꞌnen!

San Juan 19:40

Ñetña anerretña Jesús rromoeꞌ. Allñapaꞌ ephatseꞌtweret shetamtsotomo epoet ñamha eñmosath. Ñeñthpaꞌ ateth yexhena judioneshaꞌ ñerraꞌm xho pampoeñet arromñath.

San Juan 20:5

Epostsaña oꞌpononeth oꞌch kowos all net Jesús ama entose, aña entosñañ allo epet alla oꞌyerrmoena. Tharraña ama beꞌthoso.

San Juan 20:7

Añña allo wankoñet poñpaꞌ ama parrokmayeꞌ alloꞌtseno epoet allo epet. Ñeñthñapaꞌ ñapoeth aꞌthpoetena aꞌyeneth.

San Juan 5:21

Ñewa, yeñoteñ Apapaꞌ tantaterran arromñatheneshaꞌpaꞌ apoerranet allochña ñetpaꞌ korretsetach. Napaꞌxhoꞌña eꞌñekaꞌye ateth nepenaña namha ñeñthen Poechemeren. Ñerraꞌm erraꞌtsenchaꞌ nemnaꞌ na oꞌch napanet allochña ñetpaꞌ korretsetach atethchaꞌkaꞌye napoerranet.

San Juan 5:25

Eꞌñe poꞌñoxh oꞌch noterrserr: Oꞌ xherrmoch allempoch ateth perra, ñeñth arromñatheneshaꞌpaꞌ ñetñapaꞌ eꞌmoerrnanetchaꞌ neñoñ ñeñthen Yompor Poechemeren. Ñeñthchaꞌ eꞌmhñoterreꞌ na neñoñ ñetñapaꞌ korretsetach.

Filipenses 3:21

Ñerraꞌm oꞌch werra añe patsropaꞌ ya ñeñthey arromñatheypaꞌ ñapaꞌ oꞌch aꞌpoꞌpoñetwerrnay yechets, allochñapaꞌ yapaꞌxhoꞌña yorrterrach eꞌñech atthey ñerraꞌm ña poꞌpartsoteñothpaꞌ nanak kowentena. Eꞌñech ña poꞌwamenkoth aꞌpoꞌpoñetwerrey ñeñthara poꞌwamenkothpaꞌ eꞌñech pomnaren phowerran allowen allpon ñeñth eñall.

El Apocalipsis 1:18

Napaꞌ ñeñthen ama arromñatheshayayno. Amaꞌt nerromwa awaña tharraña theꞌpaꞌ oꞌ alla nokrrerra, amach alla nerromoerreꞌthe amaꞌt awatha. Ñamha napaꞌ nechen llave, ñeñth newamenk nepen alloch pomnaren nepen rromoeñets ñamha ñeñthchaꞌ agërreꞌ allowen ñeñth rromoets.