San Juan 11:27 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁷ Martañapaꞌ ateth otererr: —Partseshachaꞌ, napaꞌ neñoteneph eꞌñe poꞌñoxh phapaꞌ ñeñtheph Cristotosets, phapaꞌ Yepapar Poechemereph, pha atarr yekwen awathotheñ oꞌch pewapa arr patsro.

San Juan 11:27 Iomraidhean Croise

San Mateo 11:3

Ñetña oꞌ xhapoet allpaꞌ ateth otoset: —Ñatoꞌ phatheꞌña ñeñtheph eꞌñe poꞌñoxh Cristotets ñeñth atarr yekwen awathotheñ oꞌch wapa. Ñerraꞌm amatheꞌ ñeñtheyaypepaꞌ oꞌch eꞌñe photey allochñapaꞌ añchaꞌ yekwaꞌ poꞌpsheñeñ ñeñthchaꞌ wapatsa ñeñth eꞌñe Cristo.

San Mateo 16:16

Simón Pedroñapaꞌ eñoratsapaꞌ ateth och: —Phapaꞌ ñeñthephkaꞌye atarr yekwen amaꞌt awathotheñ; ñeñthephkaꞌye Parets Poechemereph ñeñtheph Cristotosets. Ñeñthña Parets ama arromñatheshayaye.

San Mateo 16:20

Allempoñapaꞌ otan poeyochreshaꞌ: —Amach eseshaꞌ sotaphsaꞌtatsto amaꞌt poesheñarra napaꞌ na ñeñthen Cristotosets.

San Lucas 2:11

Theꞌpaꞌ sokop oꞌ eñalleta ñeñthchaꞌ Saꞌkeshphatañer seperr ñeñthpaꞌ ñeñthchaꞌ Cristotats ñeñth Yepartseshar yepen. Ñeñthña cheshathollpaꞌ arr eñalleta David paꞌnetsro allara Beléño.

San Juan 1:49

Natanaelñapaꞌ ateth otererr: —Maestrochaꞌ pepaꞌtña Yompor Poechemereph. Pepaꞌtña Amhchaꞌtareth ñeñth atarr kowen allowen israelneshaꞌ.

San Juan 4:42

Ñetñapaꞌ ateth oteñet koyaneshaꞌ: —Theꞌñapaꞌ ama eꞌñe pha peñoñotheyeꞌ yameꞌñeno. Theꞌpaꞌ eꞌñe ya eꞌmoeneꞌ yamha alloweney. Ñeñthoꞌmarña theꞌ yapaꞌ oꞌ yeñoch poꞌñoxh ñapaꞌ ñach yaꞌkeshphaterreꞌ alloweney ñeñthey añe patsroꞌtseney.

San Juan 6:14

Attho orrtatanet poꞌpartsoña acheñeneshaꞌñapaꞌ ateth otyeset: —Añña poꞌñoxhpaꞌ ñeñthkaꞌye aꞌmhteneꞌ Yompor poꞌñoñ ñeñth atarr yekwen oꞌch wapa añe patsro.

San Juan 6:69

Yapaꞌ oꞌkaꞌye yameꞌñapha. Yapaꞌ yeñoteneph phapaꞌ pepaꞌtkaꞌye Cristotets, ñeñtheph Yompor Poechemereph.

Los Hechos 8:36

Allña alleneth matampenetpaꞌ oꞌ entoset oñ, ateth ot etiopoꞌmarneshaꞌ: —Taꞌm, ¿pokteꞌtheꞌ theꞌ oꞌch napatarethta Partsokop?

Los Hechos 8:37

Felipeñapaꞌ ateth och: —Ñewa, ñerraꞌm poꞌñoxh phameꞌñena peyoxhrokmañenpaꞌ eꞌñe pokteꞌ oꞌch phapatarethta Partsokop. Etiopoꞌmarneshaꞌñapaꞌ ateth ot: —Napaꞌ poꞌñoxh nameꞌñena. Theꞌpaꞌ neñoteñ Jesucristo ñeñthpaꞌ ñeñth Yompor Poechemer.

1 San Juan 5:1

Alloweney erraꞌtseneychaꞌ ameꞌñerraya Jesúspaꞌ ña Cristotats ñeñtheyña yapaꞌ oꞌ eꞌñe poechemer perrey Yompor. Ñewa, yeñoteñ arr patsro ñerraꞌm yemorrenteña poesheñarr acheñ ñeñth achemereshath, poechemereshaꞌnaña eꞌñe yemorrentwena.

1 San Juan 5:20

Yañapaꞌ yeñoteñ ñeñth Poechemer pen Yomporpaꞌ ñañapaꞌ oꞌ wapa. Ñaña yexhapaterreꞌña yeyoxhro atthochña yapaꞌ oꞌch yeñoter Yompor ñeñth eꞌñe poꞌñoxh Parets. Ñeñthoꞌmarña yeñoteñ oꞌ yeparrokmaterr epay ñeñth eꞌñe poꞌñoxh Yompor Poechemer ñeñthpaꞌ Jesucristo. Atthoña yapaꞌ oꞌ eꞌñe yeñoter Yompor ñeñth eꞌñe poꞌñoxh Parets, ñeñthña yapaꞌ allochña eꞌñe korretsayach yoksheñeshokmañen thayotheñ eꞌñe errponañowen.