San Juan 11:26 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁶ Amaꞌt ñamha allowen ñeñth korraꞌyetsa theꞌ erraꞌtsenchaꞌ nameꞌñerraya na ñetñapaꞌ korretsetach thayotheñ eꞌñe errponañowen. Phapaꞌ ¿phameꞌñennaꞌt ñeñth ateth noteneph?

San Juan 11:26 Iomraidhean Croise

San Mateo 26:53

Phapaꞌ xhatheꞌ photenapañ amatheꞌ errothenoth es nenameña Nompor. Amaꞌt peñoteñe ñerraꞌm xho nenamhpaꞌ ñapaꞌ allorokmach moeñoneñ shonteꞌ nanak poꞌmhllañotheñnaneshar ñeñthchaꞌ nemoñsayañ,

San Mateo 9:28

Xhap Jesús pokollopaꞌ all beꞌthosos allña rromoeraꞌña ñamha aporoꞌyeth. Jesúsñapaꞌ aꞌphthoꞌtapanet: —¿Seyemtennatheꞌ napaꞌ awamenkathen atthothchaꞌ nekwaterres? Ñetñapaꞌ ateth otoset: —Yeyemtenphakaꞌye, Ayochreshathe.

San Marcos 9:23

Jesúsñapaꞌ ateth och: —Ñerraꞌm na peyemtena amakaꞌye eñalleña ñeñth thorrapoꞌ añekop ñeñth eꞌñe neyemtenaya na.

San Juan 10:28

Nañapaꞌ napoerranetchaꞌ atthochña ñetpaꞌ korretsetach thayotheñ errponañowen, ñetñapaꞌ amaꞌt awathapaꞌ amach chenkërreto. Amaꞌt eseshapaꞌ amach poerraterrnetoña eꞌñe na nototh.

San Juan 14:10

Phapaꞌ amaꞌtña phameꞌñenno napaꞌ eꞌñe neparrokmaten epan Apa, Apapaꞌxhoꞌña eꞌñe parrokmatenna. Ñeñth ateth notenespaꞌ ama nothayeꞌ ateth notenso. Apaña ñeñth neparrokmaten, ñapaꞌ eꞌñe etsotatennan ñeñth ateth nephaꞌyen.

San Juan 4:14

Tharraña ñerraꞌm eseshaꞌ orreꞌ oñ ñeñthchaꞌ napanet na amaꞌt awathapaꞌ amach oñpaꞌterreto. Ñeñthchaꞌ napanet na oñ, eꞌñe poeyoxhretopaꞌ poenasanetchaꞌ ateth ñerraꞌmrratheꞌ alloth poten oñ, amach wañerro amaꞌt awatha. Atthochña ñetpaꞌ korretsetach thayotheñ amaꞌt errponañowen.

San Juan 5:24

‘Napaꞌ eꞌñe poꞌñoxh ateth notenes: Ñerraꞌm eseshaꞌ eꞌmhñoteꞌ neñoñ ñamha ñerraꞌm yemterrnanet Nompor ñeñth nellsenseneꞌ ñetñapaꞌ korretsetach poksheñeshokmañen thayotheñ errponañowen. Amach aꞌkoñchatarethterreto amaꞌt errponaña. Tharroꞌmarña ñetpaꞌ oꞌ metanerretña ñeñth eꞌñe poꞌñoxh rromoeñets, oꞌ xherret allña ñetpaꞌ korretsetach thayothen errponañowen.

San Juan 6:47

Eꞌñe poꞌñoxh notenes: Eseshaꞌch nameꞌñerraya ñetñapaꞌ korretsetach poksheñeshokmañen thayotheñ eꞌñe errponañowen.

San Juan 9:35

Jesúsñapaꞌ oꞌ eꞌmareꞌch ñeñth aporoꞌyethtatseꞌthpaꞌ oꞌ moeñoꞌchet. Allempoña enter Jesúspaꞌ ateth oter: —¿Phameꞌñeñaꞌt ñeñth Yompor Poechemer?

Romanos 8:13

Tharroꞌmar ñerraꞌm alloꞌna yokrraꞌnena ñeñth ateth kothapeꞌchateney yechetspaꞌ ñerraꞌm yerromapaꞌ yechenkaꞌwerrach yoꞌchñaroth, tharraña ñerraꞌm Parets Poekamkëñoth oꞌch yaꞌypoꞌñerr ñeñth ateth phatseꞌtateney yechetspaꞌ yañapaꞌ korretsayach.