San Juan 11:24 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁴ Martañapaꞌ ateth otererr: —Poꞌñoxh napaꞌ neñoteñ tanterrach esempowañen allempoch atantatarethey alloweney.

San Juan 11:24 Iomraidhean Croise

San Lucas 14:14

Atthochña phapaꞌ atarrchaꞌ kosheñtsoꞌtseneph tharroꞌmar ñetpaꞌ amach errothenoth alla tsaꞌterrpeto. Phapaꞌ esempowañenchaꞌña atsaꞌtaretheph allempoch atantatarethterra allowen ñeñth eꞌñe pokteꞌ es phaꞌyestseꞌth.

San Juan 11:23

Jesúsñapaꞌ ateth och: —Poꞌñoxhpaꞌ tanterrach pesayañ.

San Juan 6:39

Ñeñthpaꞌ ateth moenen Nompor ñeñth nellsenserreꞌ: Amachña xha naꞌchenkatereña acheñeneshaꞌ ñeñth ora allpon oꞌpatatenna na, xhochña ello netantaterrñañ esempowañen.

San Juan 6:40

Añmapaꞌ ñeñthña moenen Nompor: Erraꞌtsenchaꞌ neñoterreꞌ ñerraꞌm ameꞌñerrnetchaꞌ na ñeñthen Yompor Poechemeren, ñetñapaꞌ korretsetach poksheñeshokmañen thayotheñ amaꞌt errponañowen. Ñetñapaꞌ xhokmach netantaterranet esempowañen.

Los Hechos 24:15

Ñamha napaꞌ añ nameꞌñena ñeñth atthoch esempowañen Yomporpaꞌ tantaterranchaꞌ allowen acheñ —ñeñth eꞌñe kowen acheñ ñamha amaꞌt ñeñth ama kowenayaye acheñ. Ñetpaꞌxhoꞌña ñeñthara ameꞌñenet.

Hebreos 11:35

Amaꞌt poꞌpotantañ koyaneshaxhno ñetpaꞌxhoꞌña eꞌñe poeyemteñothet Yompor, oꞌ alla atantatarethterret pamoꞌts ñeñth rromoets. Poꞌpotantañ amaꞌt atarr atserrphatseꞌtarethtenet, ñetpaꞌxhoꞌña eꞌñe poeyemteñothet Yompor ama moeneñeto oꞌch kexhpoet Yompor atthoch aꞌrroyarethetyerret. Eꞌñe pokteꞌ enteñet oꞌch rromoet poeyemteñothet Yompor tharroꞌmar ñetpaꞌ eñoteñet allach tanterret ello ñeñth atarr nanak kowentetsa.